ഇ​ന്ത്യ​ൻ വാ​ക്​​സി​ൻ എ​വി​ടെ കി​ട്ടും

ദു​ബൈ: വി​ദേ​ശ​ത്തി​രു​ന്ന്​ ഇ​ന്ത്യ​യു​ടെ വാ​ക്​​സി​ൻ സ്വീ​ക​രി​ക്കാ​നു​ള്ള അ​വ​സ​ര​മാ​ണ്​ ദു​ബൈ​യി​ലു​ള്ള പ്ര​വാ​സി ഇ​ന്ത്യ​ക്കാ​ർ​ക്ക്​ കൈ​വ​ന്നി​രി​ക്കു​ന്ന​ത്. ഓ​ക്​​സ​്​​ഫ​ഡി​െൻറ സ​ഹ​ാ​യ​ത്തോ​ടെ ഇ​ന്ത്യ​യി​ൽ നി​ർ​മി​ച്ച ആ​സ്​​ട്ര​സെ​ന​ക വാ​ക്​​സി​െൻറ ര​ണ്ട​ര ല​ക്ഷം ഡോ​സാ​ണ്​ ചൊ​വ്വാ​ഴ്​​ച ദു​ബൈ​യി​ൽ എ​ത്തി​ച്ച​ത്. ദു​ബൈ ഹെ​ൽ​ത്ത്​ ​അ​തോ​റി​റ്റി​യു​ടെ അം​ഗീ​കാ​രം ല​ഭി​ച്ച​തി​നാ​ൽ നി​ല​വി​ൽ ദു​ബൈ​യി​ൽ മാ​ത്ര​മാ​ണ്​ വി​ത​ര​ണം. അ​മേ​രി​ക്ക​യു​ടെ ഫൈ​സ​റി​നും ചൈ​ന​യു​ടെ സി​നോ​ഫോ​മി​നും പു​റ​മെ​യാ​ണ്​ ആ​സ്​​ട്ര​സെ​ന​ക​യും ഇ​വി​ടെ വി​ത​ര​ണം ചെ​യ്യു​ന്ന​ത്. ദു​ബൈ വേ​ൾ​ഡ്​ ട്രേ​ഡ്​ സെൻറ​റി​ലെ വ​ൺ സെൻറ​ർ വാ​ക്​​സി​ൻ സെൻറ​റി​ലാ​ണ്​ ഇ​പ്പോ​ൾ വി​ത​ര​ണം ന​ട​ക്കു​ന്ന​ത്. ഇ​വി​ടെ നാ​ലാ​യി​ര​േ​ത്താ​ളം പേ​ർ​ക്ക്​ വാ​ക്​​സി​ൻ സ്വീ​ക​രി​ക്കാ​നു​ള്ള സൗ​ക​ര്യ​മാ​ണ്​ ഒ​രു​ക്കി​യി​രി​ക്കു​ന്ന​ത്. 63-70 ശ​ത​മാ​ന​മാ​ണ്​ വാ​ക്​​സി​െൻറ വി​ജ​യ​സാ​ധ്യ​ത ക​ണ​ക്കാ​ക്കു​ന്ന​ത്.

ആ​ർ​ക്കൊ​ക്കെ ല​ഭി​ക്കും

ആ​ദ്യ​ഘ​ട്ട​ത്തി​ൽ എ​ല്ലാ ഇ​ന്ത്യ​ക്കാ​ർ​ക്കും വാ​ക്​​സി​ൻ ല​ഭ്യ​മാ​വി​ല്ല. ദു​ബൈ വി​സ​യു​ള്ള, വി​ട്ടു​മാ​റാ​ത്ത അ​സു​ഖ​ങ്ങ​ളു​ള്ള, 18-60 വ​യ​സ്സി​നി​ട​ക്കു​ള്ള​വ​ർ​ക്ക്​ മാ​ത്ര​മാ​ണ്​ ഇ​പ്പോ​ൾ ഈ ​വാ​ക്​​സി​ൻ ന​ൽ​കു​ന്ന​തെ​ന്ന്​ ഡി.​എ​ച്ച്.​എ ന​ഴ്​​സി​ങ്​ സെ​ക്​​ട​ർ സി.​ഇ.​ഒ ഡോ. ​ഫ​രീ​ദ അ​ൽ ഖാ​ജ പ​റ​ഞ്ഞു. സ്വ​കാ​ര്യ-​സ​ർ​ക്കാ​ർ സ്​​ഥാ​പ​ന​ങ്ങ​ളി​ൽ പ്ര​വ​ർ​ത്തി​ക്കു​ന്ന, കോ​വി​ഡ്​ ​പ്ര​തി​രോ​ധ പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടു​ന്ന​വ​ർ​ക്കും വാ​സ്​​സി​ൻ ല​ഭ്യ​മാ​ക്കും. ഇ​വ​ർ ജോ​ലി ചെ​യ്യു​ന്ന സ്​​ഥാ​പ​ന​ങ്ങ​ളു​മാ​യി ബ​ന്ധ​പ്പെ​ട്ടു​വേ​ണം വാ​ക്​​സി​നേ​ഷ​ന്​ ത​യാ​റെ​ടു​ക്കേ​ണ്ട​ത്. 18നും 60​നും ഇ​ട​ക്ക്​ പ്രാ​യ​മു​ള്ള എ​ല്ലാ ഇ​മാ​റാ​ത്തി​ക​ൾ​ക്കും വാ​ക്​​സി​ൻ ല​ഭി​ക്കും. 800342 എ​ന്ന ന​മ്പ​റി​ൽ വി​ളി​ച്ച്​ ബു​ക്ക്​ ചെ​യ്​​ത​ശേ​ഷം വേ​ണം വാ​ക്​​സി​ൻ സെൻറ​റി​ലേ​ക്ക്​ പോ​കാ​ൻ.