ഗ​സ്സ​യി​ലെ കു​ട്ടി​ക​ളു​ടെ ആ​ദ്യ സം​ഘ​മെ​ത്തി

ദു​ബൈ: ഗ​സ്സ​യി​ൽ ഇ​സ്രാ​യേ​ൽ ആ​ക്ര​മ​ണ​ത്തി​ൽ പ​രി​ക്കേ​റ്റ കു​ട്ടി​ക​ളെ രാ​ജ്യ​ത്തെ​ത്തി​ച്ച്​ ചി​കി​ത്സ ന​ൽ​കു​ന്ന പ​ദ്ധ​തി​ക്ക്​ തു​ട​ക്ക​മാ​യി. 1000 കു​ട്ടി​ക​ളെ രാ​ജ്യ​ത്തെ​ത്തി​ച്ച്​ ചി​കി​ത്സി​ക്കു​മെ​ന്ന്​ യു.​എ.​ഇ പ്ര​സി​ഡ​ൻ​റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ൻ പ്ര​ഖ്യാ​പി​ച്ചി​രു​ന്നു. ഗു​രു​ത​ര പ​രി​ക്കേ​റ്റ​വ​ര​ട​ക്കം കു​ട്ടി​ക​ളു​ടെ ആ​ദ്യ സം​ഘം​ ക​ഴി​ഞ്ഞ ദി​വ​സം അ​ബൂ​ദ​ബി​യി​ലെ​ത്തി. 15ഓ​ളം കു​ട്ടി​ക​ളെ​യും കു​ടും​ബാം​ഗ​ങ്ങ​ളെ​യും വി​മാ​ന​മാ​ർ​ഗം ഈ​ജി​പ്തി​ലെ ആ​രി​ഷ്​ വി​മാ​ന​ത്താ​വ​ള​ത്തി​ൽ​നി​ന്നാ​ണ്​ എ​ത്തി​ച്ച​ത്.

റ​ഫ അ​തി​ർ​ത്തി വ​ഴി​യാ​ണ്​ ഇ​വ​രെ ഗ​സ്സ​ക്ക്​ പു​റ​ത്തെ​ത്തി​ച്ച​ത്. പി​ന്നീ​ട്​ ഈ​ജി​പ്തി​ൽ വെ​ച്ച്​ പ്രാ​ഥ​മി​ക പ​രി​ശോ​ധ​ന​ക​ൾ പൂ​ർ​ത്തി​യാ​ക്കി. യു.​എ.​ഇ​യി​ലെ വി​വി​ധ ആ​ശു​പ​ത്രി​ക​ളി​ൽ​നി​ന്നു​ള്ള ഡോ​ക്ട​ർ​മാ​രും ന​ഴ്​​സു​മാ​രും അ​ടി​യ​ന്ത​ര ആ​രോ​ഗ്യ​സേ​വ​ന ജീ​വ​ന​ക്കാ​രും റ​ഫ അ​തി​ർ​ത്തി​യി​ലു​ണ്ട്. ഇ​വ​രു​ടെ വി​ല​യി​രു​ത്ത​ലി​ന്‍റെ അ​ടി​സ്ഥാ​ന​ത്തി​ലാ​ണ്​ യു.​എ.​ഇ​യി​ലേ​ക്ക്​ എ​ത്തി​ക്കേ​ണ്ട കു​ട്ടി​ക​ളെ നി​ർ​ണ​യി​ക്കു​ന്ന​ത്.

ആ​ദ്യ സം​ഘ​ത്തെ വി​ജ​യ​ക​ര​മാ​യി അ​ബൂ​ദ​ബി​യി​ലെ​ത്തി​ക്കാ​ൻ ക​ഴി​ഞ്ഞ​താ​യും വ​രും​ദി​വ​സ​ങ്ങ​ളി​ലും ആ​ഴ്ച​ക​ളി​ലും കൂ​ടു​ത​ൽ പേ​രെ എ​ത്തി​ക്കു​മെ​ന്നും എ​മി​റേ​റ്റ്​​സ്​ റെ​ഡ്​ ക്ര​സ​ന്‍റ്​ മേ​ധാ​വി മു​ഹ​മ്മ​ദ്​ ഖാ​മി​സ്​ അ​ൽ ക​അ​ബി പ​റ​ഞ്ഞു. വി​മാ​ന​മാ​ർ​ഗം യു.​എ.​ഇ​യി​ൽ എ​ത്തി​ക്കു​ന്ന​തി​ന്​ ത​ട​സ്സ​മു​ള്ള കു​ട്ടി​ക​ളെ​യും മു​തി​ർ​ന്ന​വ​രെ​യും ചി​കി​ത്സി​ക്കു​ന്ന​തി​ന്​ എ​മി​റേ​റ്റ്​​സ്​ റെ​ഡ്​ ക്ര​സ​ന്‍റ്​ റ​ഫ​യി​ൽ ഫീ​ൽ​ഡ്​ ആ​ശു​പ​ത്രി നി​ർ​മി​ക്കു​ന്നു​ണ്ട്. ഗ​സ്സ​യി​ൽ സ​ഹാ​യ​മെ​ത്തി​ക്കു​ന്ന​തി​ന്​ യു.​എ.​ഇ പ്ര​ഖ്യാ​പി​ച്ച ‘ഗാ​ല​ന്റ് നൈ​റ്റ്-3’ ഓ​പ​റേ​ഷ​ന്‍റെ ഭാ​ഗ​മാ​യാ​ണ്​ ആ​ശു​പ​ത്രി നി​ർ​മി​ക്കു​ന്ന​ത്. ഫീ​ൽ​ഡ്​ ആ​ശു​പ​ത്രി​യി​ലേ​ക്ക്​ ആ​വ​ശ്യ​മാ​യ ഉ​പ​ക​ര​ണ​ങ്ങ​ളും സാ​മ​ഗ്രി​ക​ളും വി​മാ​ന​മാ​ർ​ഗം എ​ത്തി​ച്ചി​ട്ടു​ണ്ട്.

150 കി​ട​ക്ക​ക​ളു​ള്ള ഫീ​ൽ​ഡ് ആ​ശു​പ​ത്രി ഒ​ന്നി​ല​ധി​കം ഘ​ട്ട​ങ്ങ​ളി​ലാ​യാ​ണ് സ്ഥാ​പി​ക്കാ​ൻ ല​ക്ഷ്യ​മി​ടു​ന്ന​ത്. കു​ട്ടി​ക​ൾ​ക്കും മു​തി​ർ​ന്ന​വ​ർ​ക്കും തീ​വ്ര​പ​രി​ച​ര​ണ വി​ഭാ​ഗം, അ​ന​സ്‌​തേ​ഷ്യ, ജ​ന​റ​ൽ സ​ർ​ജ​റി, ഓ​ർ​ത്തോ​പീ​ഡി​ക്‌​സ്, പീ​ഡി​യാ​ട്രി​ക്‌​സ്, ഗൈ​ന​ക്കോ​ള​ജി എ​ന്നീ വ​കു​പ്പു​ക​ൾ ആ​ശു​പ​ത്രി​യി​ൽ സ​ജ്ജീ​ക​രി​ക്കും. ഇ​ന്റേ​ണ​ൽ മെ​ഡി​സി​ൻ, ദ​ന്ത​ചി​കി​ത്സ, സൈ​ക്യാ​ട്രി, ഫാ​മി​ലി മെ​ഡി​സി​ൻ എ​ന്നി​വ​ക്കു​ള്ള ക്ലി​നി​ക്കു​ക​ളും ഇ​വി​ടെ​യു​ണ്ടാ​കും. ഗ​സ്സ​യി​ലെ ജ​ന​ങ്ങ​ൾ​ക്ക്​ ആ​ശ്വാ​സം പ​ക​രു​ന്ന​തി​ന്​ ക​ട​ൽ​വെ​ള്ള ശു​ദ്ധീ​ക​ര​ണ കേ​ന്ദ്ര​ങ്ങ​ൾ നി​ർ​മി​ക്കാ​നും യു.​എ.​ഇ പ​ദ്ധ​തി​യു​ണ്ട്. എ​മി​റേ​റ്റ്‌​സ് റെ​ഡ് ക്ര​സ​ന്റ്, ഖ​ലീ​ഫ ബി​ൻ സാ​യി​ദ് ആ​ൽ ന​ഹ്​​യാ​ൻ ഫൗ​ണ്ടേ​ഷ​ൻ, സാ​യി​ദ് ചാ​രി​റ്റ​ബ്ൾ ഹ്യു​മാ​നി​റ്റേ​റി​യ​ൻ ഫൗ​ണ്ടേ​ഷ​ൻ എ​ന്നി​വ​യു​മാ​യി സ​ഹ​ക​രി​ച്ചാ​ണ്​ പ്ര​തി​രോ​ധ മ​ന്ത്രാ​ല​യം ന​വം​ബ​ർ 5ന്​ ‘​ഗാ​ല​ന്റ് നൈ​റ്റ്-3’ ആ​രം​ഭി​ച്ച​ത്.