അതിശൈത്യം തുടങ്ങി; സ​ഞ്ചാ​രികൾ വർധിച്ചു

ദു​ബൈ: ജ​നു​വ​രി പ​കു​തി പി​ന്നി​ട്ട​തോ​ടെ രാ​ജ്യ​ത്ത്​ ഏ​റ്റ​വും ക​ടു​ത്ത ശൈ​ത്യ കാ​ലാ​വ​സ്ഥ​ക്ക്​ തു​ട​ക്ക​മാ​യി. രാ​ജ്യ​ത്തി​ന്‍റെ പ​ർ​വ​ത മേ​ഖ​ല​ക​ളി​ലും മ​രു​ഭൂ​മി​യി​ലും തീ​ര​ദേ​ശ മേ​ഖ​ല​ക​ളി​ലു​മെ​ല്ലാം ത​ണു​പ്പ്​ വ​ർ​ധി​ച്ചി​ട്ടു​ണ്ട്. പ​ർ​വ​ത മേ​ഖ​ല​ക​ളി​ൽ താ​പ​നി​ല അ​ഞ്ച് ഡി​ഗ്രി​യി​ലും കു​റ​യാറുണ്ട് . ഇത്തവണ 5.3 ഡിഗ്രി വരെ രേഖപ്പെടുത്തിയിട്ടുണ്ട്. ഗ​ൾ​ഫ്​ മേ​ഖ​ല​യി​ൽ ജ​നു​വ​രി 12 മു​ത​ൽ 24 വ​രെ​യു​ള്ള സ​മ​യ​ത്താ​ണ്​ അ​തി​ശൈ​ത്യം അ​നു​ഭ​വ​പ്പെ​ടാ​റു​ള്ള​ത്.

ക​ഴി​ഞ്ഞ ദി​വ​സ​ങ്ങ​ളി​ൽ രാ​ജ്യ​ത്തെ മി​ക്ക എ​മി​റേ​റ്റു​ക​ളി​ലും ന​ല്ല ത​ണു​പ്പാ​ണ്​ രേ​ഖ​പ്പെ​ടു​ത്തി​യ​ത്. പു​തു​വ​ർ​ഷം പി​റ​ന്ന​ശേ​ഷം രാ​ജ്യ​ത്ത്​ ഏ​റ്റ​വും കു​റ​ഞ്ഞ താ​പ​നി​ല അ​ൽ​ഐ​നി​ലെ റ​ക്ന പ്ര​ദേ​ശ​ത്താ​ണ്​​ രേ​ഖ​പ്പെ​ടു​ത്തി​യ​ത്. ഇ​വി​ടെ തി​ങ്ക​ളാ​ഴ്ച 6.5 ഡി​ഗ്രി​യാ​ണ്​ തി​ങ്ക​ളാ​ഴ്ച​ത്തെ താ​പ​നി​ല. അ​ബൂ​ദ​ബി​യി​ലെ​ത​ന്നെ മ​രു​ഭൂ​പ്ര​ദേ​ശ​ങ്ങ​ളാ​യ ദം​ത, മി​സൈ​റ, ഗ​സ്​​യൂ​റ, അ​ൽ​ശു​ഐ​ബ എ​ന്നി​വി​ട​ങ്ങ​ളി​ലാ​ണ്​ കൂ​ടു​ത​ൽ ത​ണു​പ്പ്​ രേ​ഖ​പ്പെ​ടു​ത്തി​യ മ​റ്റു സ്ഥ​ല​ങ്ങ​ൾ.

റാ​സ​ൽ​ഖൈ​മ​യി​ലെ പ​ർ​വ​ത മേ​ഖ​ല​യാ​യ ജ​ബ​ൽ ജൈ​സി​ൽ ക​ഴി​ഞ്ഞ ദി​വ​സ​ങ്ങ​ളി​ൽ ഏ​ഴ് ഡി​ഗ്രി വ​രെ​ രേ​ഖ​പ്പെ​ടു​ത്തി​യി​രു​ന്നു. ജ​ബ​ൽ​ജൈ​സ്​ അ​ട​ക്കം വി​വി​ധ പ്ര​ദേ​ശ​ങ്ങ​ളി​ൽ വ​രും​ദി​വ​സ​ങ്ങ​ളി​ൽ താ​പ​നി​ല വീ​ണ്ടും കു​റ​യാ​ൻ സാ​ധ്യ​ത​യു​ണ്ടെ​ന്നാ​ണ്​ വി​ല​യി​രു​ത്ത​പ്പെ​ടു​ന്ന​ത്.

ത​ണു​പ്പ്​ ശ​ക്​​ത​മാ​യ​തോ​ടെ രാ​ജ്യ​ത്തെ വി​വി​ധ ഭാ​ഗ​ങ്ങ​ളി​ൽ ക്യാ​മ്പി​ങ്​ ന​ട​ത്തു​ന്ന​വ​രു​ടെ​യും സ​ന്ദ​ർ​ശി​ക്കു​ന്ന​വ​രു​ടെ​യും എ​ണ്ണം വ​ർ​ധി​ച്ചി​ട്ടു​ണ്ട്. ജ​ബ​ൽ ജെ​യ്​​സി​ൽ നി​ര​വ​ധി സ​ന്ദ​ർ​ശ​ക​ർ വി​വി​ധ എ​മി​റേ​റ്റു​ക​ളി​ൽ നി​ന്നെ​ത്തി കാ​മ്പി​ങ്ങും മ​റ്റും ആ​സ്വ​ദി​ക്കു​ന്നു​ണ്ട്. ദു​ബൈ​യി​ലെ ഹ​ത്ത​യി​ലും നി​ര​വ​ധി സ​ന്ദ​ർ​ശ​ക​രെ​ത്തു​ന്നു​ണ്ട്. രാ​ജ്യ​ത്തെ വി​വി​ധ മ​രു​ഭൂ ക്യാ​മ്പി​ങ്​ സ്ഥ​ല​ങ്ങ​ളി​ലും തി​ര​ക്കേ​റി​യി​ട്ടു​ണ്ട്. ഈ ​സീ​സ​ണി​ലെ ത​ണു​പ്പു​കാ​ലം ഡി​സം​ബ​ർ 21മു​ത​ൽ ആ​രം​ഭി​ച്ച​താ​യാ​ണ്​ വി​ദ​ഗ്​​ധ​ർ വി​ശ​ദീ​ക​രി​ച്ചി​ട്ടു​ള്ള​ത്. ക​ഴി​ഞ്ഞ​വ​ർ​ഷ​ത്തെ അ​പേ​ക്ഷി​ച്ച്​ ഇ​ത്ത​വ​ണ ത​ണു​പ്പ്​ ശ​ക്​​ത​മ​ല്ല. ഡി​സം​ബ​റി​ലെ ശ​രാ​ശ​രി താ​പ​നി​ല മു​ൻ​വ​ർ​ഷ​ത്തെ ഡി​സം​ബ​റി​ലേ​തി​നേ​ക്കാ​ൾ കൂ​ടു​ത​ലാ​ണ്.

വി​നോ​ദ​സ​ഞ്ചാ​രി​ക​ളെ സ്വാ​ഗ​തം​ചെ​യ്തു​കൊ​ണ്ട്​ 4ാമ​ത്​ ശൈ​ത്യ​കാ​ല കാ​മ്പ​യി​ൻ ‘ലോ​ക​ത്തെ ഏ​റ്റ​വും മി​ക​ച്ച ശൈ​ത്യ​കാ​ലം’ എ​ന്ന ത​ല​ക്കെ​ട്ടി​ൽ ആ​രം​ഭി​ച്ചി​ട്ടു​ണ്ട്​. ആ​ഭ്യ​ന്ത​ര ടൂ​റി​സ​ത്തെ പ്രോ​ത്സാ​ഹി​പ്പി​ക്കു​ക​യും വി​ദേ​ശ​സ​ഞ്ചാ​രി​ക​ളെ രാ​ജ്യ​ത്തെ മ​നോ​ഹ​ര​മാ​യ ത​ണു​പ്പു​കാ​ലം ആ​സ്വ​ദി​ക്കാ​ൻ സ്വാ​ഗ​തം ചെ​യ്യു​ക​യു​മാ​ണ്​ ല​ക്ഷ്യം. ക​ഴി​ഞ്ഞ മൂ​ന്നു ത​ണു​പ്പു​കാ​ല കാ​മ്പ​യി​ൻ സീ​സ​ണു​ക​ളി​ലാ​യി സ​ഞ്ചാ​രി​ക​ളു​ടെ എ​ണ്ണം 14 ല​ക്ഷ​മാ​യി ഉ​യ​രു​ക​യും ചെ​യ്തി​രു​ന്നു.