Begin typing your search above and press return to search.
exit_to_app
exit_to_app
Homechevron_rightGulfchevron_rightU.A.Echevron_rightഅന്താരാഷ്​ട്ര...

അന്താരാഷ്​ട്ര ജീവകാരുണ്യ ഉച്ചകോടിക്ക്​ എക്​സ്​പോ വേദിയാകും

text_fields
bookmark_border
അന്താരാഷ്​ട്ര ജീവകാരുണ്യ ഉച്ചകോടിക്ക്​ എക്​സ്​പോ വേദിയാകും
cancel

ആർട്​ ആൻഡ്​ ഫോ​ട്ടോഗ്രഫി എക്​സിബിഷനും അരങ്ങേറും

ദുബൈ: ജീവകാരുണ്യ പ്രവർത്തനങ്ങൾക്ക്​ വലിയ പിന്തുണ നൽകുന്ന രാജ്യമാണ്​ യു.എ.ഇ. ലോകത്താകമാനം സഹായങ്ങളുമായി കടന്നുചെല്ലുന്ന രാജ്യത്ത്​ അരങ്ങേറുന്ന എക്​സ്​പോയിലും ജീവകാരുണ്യത്തിന്​ ഇടംനൽകാൻ അധികൃതർ തീരുമാനിച്ചിരിക്കുന്നു​. എക്​സ്​പോ 2020ദുബൈ അവസാനിക്കുന്നത്​ ലോകത്തെ ജീവകാരുണ്യ പ്രവർത്തന മേഖലക്ക്​ ഉണർവ്​​ പകരുന്ന അന്താരാഷ്​ട്ര ഉച്ചകോടിയോടെ ആയിരിക്കുമെന്നാണ്​ അധികൃതർ അറിയിച്ചിരിക്കുന്നത്​.

ലോകത്തെ വിവിധ ഭാഗങ്ങളിലെ ജനങ്ങൾ അനുഭവിക്കുന്ന മാനുഷിക വെല്ലുവിളികളെ അഭിമുഖീകരിക്കുന്ന ഉച്ചകോടി അടുത്ത വർഷം മാർച്ച്​ 30നാണ്​ തീരുമാനിച്ചിരിക്കുന്നത്​. മാനവികതയുടെ ഏറ്റവും പ്രധാന വെല്ലുവിളികളായ വംശീയത, ലിംഗ അസമത്വം, അസഹിഷ്​ണുത, പീഡനങ്ങൾ എന്നിവയെ സംബന്ധിച്ച്​ ലോകരാജ്യങ്ങളുടെ നേതൃത്വത്തിൽ ചർച്ച നടക്കും. ബുദ്ധിജീവികൾ, സർക്കാർ സ്ഥാപനങ്ങൾ, മനുഷ്യാവകാശ-ജീവകാരുണ്യ സ്ഥാപനങ്ങൾ, മത സ്ഥാപനങ്ങൾ, കലാകാരന്മാർ, മാധ്യമപ്രവർത്തകർ, സാംസ്​കാരിക കൂട്ടായ്​മകൾ തുടങ്ങിയ സമൂഹത്തി​െൻറ വിവിധ തുറകളിലുള്ളവർ നിലവിലെ ആശങ്കകൾ ചർച്ച ചെയ്യാനും പരിഹാരങ്ങളിലേക്ക്​ വെളിച്ചം വീശാനുള്ള ഉച്ചകോടിയിൽ പ​ങ്കെടുക്കും.

കോവിഡ്​ മഹാമാരിയോടെ ലോകത്ത്​ മാനുഷിക പ്രതിസന്ധി പൂർവാധികം രൂക്ഷമാണ്​. രണ്ടാംലോക യുദ്ധത്തിന്​ ശേഷം ലോകം ദർശിച്ച പ്രതിസന്ധിയാണിതെന്നാണ്​ വിലയിരുത്തപ്പെടുന്നത്​. ഈ സാഹചര്യം മനസ്സിലാക്കി നിരവധി രാജ്യങ്ങളിലേക്ക്​ മെഡിക്കൽ സഹായങ്ങളും മറ്റും യു.എ.ഇ എത്തിച്ചിട്ടുണ്ട്​. അടിയന്തര ആരോഗ്യ ഉപകരണങ്ങൾ ആവശ്യമായി ഇന്ത്യയടക്കുള്ള ലോകത്തെ 107രാജ്യങ്ങളിലേക്ക്​ സഹായങ്ങൾ അയച്ചു​. നിലവിൽ ലോകാരോഗ്യ സംഘടനയുമായി സഹകരിച്ച്​ വിവിധ രാജ്യങ്ങളിലേക്ക്​ കോവിഡ്​ വാക്​സിനും വിതരണം ചെയ്യുന്നു​.

കഴിഞ്ഞ റമദാനിൽ 100മില്യൺ മീൽസ്​ പദ്ധതിയിൽ വിവിധ രാജ്യങ്ങളിലായി ലക്ഷക്കണക്കിനു​ പേർക്കാണ്​ സഹായം ലഭിച്ചത്​. ജീവകാരുണ്യ പ്രവർത്തനങ്ങളിൽ വലിയ സംഭാവനകളർപ്പിച്ചവർക്ക്​ യു.എ.ഇ ഗോൾഡൻ വിസ നൽകുമെന്ന്​ കഴിഞ്ഞ ദിവസം സർക്കാർ തീരുമാനിച്ചിരുന്നു.

വ്യാഴാഴ്​ച അന്താരാഷ്​ട്ര ജീവകാരുണ്യപ്രവർത്തന ദിനത്തിലാണ്​ എക്​സ്​പോ നഗരിയിലെ ഉച്ചകോടി സംബന്ധിച്ച്​ പ്രഖ്യാപനം വന്നിരിക്കുന്നത്​.

യു.എ.ഇയുടെ നയം വികസനവും ജീവകാരുണ്യവും കേന്ദ്രസ്​ഥാനത്ത്​ പ്രതിഷ്​ഠിച്ചുള്ളതാണെന്ന്​ ഉച്ചകോടി പ്രഖ്യാപിച്ച്​ എക്​സ്​പോ ബോർഡ്​ ഓഫ്​ ട്രസ്​റ്റീസ്​ സെക്രട്ടറി ജനറൽ ദാവൂദ് അൽ ഷെസാവി പറഞ്ഞു.

പുതിയ ഡിജിറ്റൽ ടെക്​നോളജി സംവിധാനങ്ങൾ ഉപയോഗപ്പെടുത്തി ഹൈബ്രിഡ്​ രീതിയിലാവും സമ്മിറ്റ്​.

മാനുഷിക മൂല്യങ്ങൾ പ്രദർശിപ്പിക്കാൻ സാധിക്കുന്ന ആർട്​ ആൻഡ്​ ഫോ​ട്ടോഗ്രഫി എക്​സിബിഷനും ഉച്ചകോടിയോട്​ അനുബന്ധിച്ച്​ ഒരുക്കും. ലോകത്തി​െൻറ വിവിധ ഭാഗങ്ങളിൽ നിന്നുള്ള കലാകാരന്മാർ ഇതിൽ പ​ങ്കെടുക്കും.

Show Full Article
TAGS:charity 
News Summary - The expo will be the venue for the International Charity Summit
Next Story