വാതിലുകൾ തുറക്കുന്നു; ആഗോള ഗ്രാമത്തിലേക്ക്​ സ്വാഗതം

ദുബൈ: 75 ലക്ഷം സന്ദർശകരെ പ്രതീക്ഷിച്ച്​ ​േഗ്ലാബൽ വില്ലേജി​െൻറ വാതിലുകൾ നാളെ തുറക്കും. അടുത്ത വർഷം ഏപ്രിൽ 18 വരെ സ്വദേശികൾക്കും വിദേശികൾക്കും മുന്നിൽ ഇൗ വാതിലുകൾ തുറന്നിരിക്കും. നൂറുകണക്കിന്​ ദേശങ്ങളുടെയും ഭാഷയുടെയും സംഗമഭൂമിയായി മഹാമാരിക്കാലത്തും ആഗോളഗ്രാമം നിലകൊള്ളും. രണ്ടര പതിറ്റാണ്ട്​ മുമ്പ്​തുടങ്ങിയ ​േഗ്ലാബൽ വില്ലേജി​െൻറ സിൽവർ ജൂബിലി സീസൺ കൂടിയാണിതെന്ന പ്രത്യേകതയുമുണ്ട്​. രാജ്യത്ത്​ കോവിഡ്​ ബാധിതരുടെ എണ്ണം ദിനംപ്രതി ഉയരുന്ന സാഹചര്യത്തിലും സുരക്ഷിത മേളയൊരുക്കാമെന്ന ആത്​മവിശ്വാസത്തിലാണ്​ സംഘാടകർ. ഇന്ത്യ ഉൾപ്പെടെ 26 രാജ്യങ്ങളുടെയും മൂന്ന്​ ഭൂഖണ്ഡങ്ങളുടെയും പവലിയൻ സഞ്ചാരികളെ കാത്തിരിക്കുന്നുണ്ട്​.

ഇവക്ക്​ പുറമെ ഖലീഫ ഫൗണ്ടേഷൻ, അൽ സന എന്നിവരുടെ പവലിയൻ വേറെയും. കൊറിയയും വിയറ്റ്​നാമും ആദ്യമായാണ്​ ​​​വില്ലേജിലെത്തുന്നത്​. ദുബൈയിലെ മെട്രോ സ്​റ്റേഷനുകളിൽനിന്ന്​ പോകുന്നവർക്ക്​ റാഷിദീയ, മാൾ ഓഫ്​ എമിറേറ്റ്​സ്​ എന്നിവിടങ്ങളിൽ നിന്ന്​ വൈകീട്ട്​ 3.15 മുതൽ ബസുകളുണ്ട്​. രാത്രി 11.15 വരെ 30 മിനിറ്റ്​ ഇടവിട്ടാണ്​ സർവിസ്​. അൽ ഗുബൈബ ബസ്​ സ്​റ്റേഷനിൽ നിന്നും ബസുണ്ട്​. ഇത്തവണ വോൾവോ ബസുകളാണ്​ ഉപയോഗിക്കുന്നത്​ എന്ന പ്രത്യേകതയുമുണ്ട്​. കഴിഞ്ഞ സീസണിലേതിന്​ സമാനമായി 15 ദിർഹമാണ്​ ടിക്കറ്റ്​ നിരക്ക്​. മൂന്ന്​ വയസ്സിൽ താഴെയുള്ളവർക്കും 65 വയസ്സിന്​ മുകളിലുള്ളവർക്കും നിശ്ചയദാർഢ്യക്കാർക്കും പ്രവേശനം സൗജന്യം. ഞായർ മുതൽ ബുധൻ വരെ വൈകീട്ട്​ നാല്​ മുതൽ രാത്രി 12 വരെ പ്രവേശനം അനുവദിക്കും.

വ്യാഴം, വെള്ളി ദിവസങ്ങളിലും പൊതുഅവധി ദിവസങ്ങളിലും പുലർച്ച ഒന്നുവരെ പ്രവർത്തിക്കും. ശനിയാഴ്​ച ഉച്ചക്ക്​ രണ്ടുമുതൽ രാ​ത്രി 11 വരെയാണ്​ വില്ലേജ്​ തുറന്നിരിക്കുക. തിങ്കളാഴ്​ച കുടുംബാംഗങ്ങൾക്കും വനിതകൾക്കും മാത്രമാണ്​ ​പ്രവേശനം. തിങ്കളാഴ്​ച അവധി ദിവസങ്ങൾ വന്നാൽ എല്ലാവർക്കും പ്രവേശനം അനുവദിക്കും. 23,000 വാഹനങ്ങൾക്ക്​ പാർക്ക്​ ചെയ്യാൻ സൗകര്യമൊരുക്കിയിട്ടുണ്ട്​. മേഖലയിലെ ഏറ്റവും വലിയ പാർക്കിങ്​ സൗകര്യമാണിത്​.

ഔദ്യോഗിക ഗാനം പുറത്തിറക്കി

ദുബൈ: ​േഗ്ലാബൽ വില്ലേജി​െൻറ ഈ വർഷത്തെ ഔദ്യോഗിക സിഗ്​നേച്ചർ ഗാനം പുറത്തിറക്കി. 'ടുഗതർ വി ലൈറ്റ്​ അപ്​ ദ സ്​കൈ' എന്ന്​ തുടങ്ങുന്ന ഗാനം ഈ സീസണിലുടനീളം ഔദ്യോഗിക ഗാനമായി മുഴങ്ങിക്കേൾക്കും. പ്രശസ്​ത ഇമറാത്തി ഗായിക അഹ്​ലമും മൂന്നുതവണ ഗ്രാമി അവാർഡ്​ സ്വന്തമാക്കിയ നാദിർ ഖയാത്തും (റെഡ്​ വൺ) ചേർന്നാണ്​ ഗാനം ആലപിച്ചിരിക്കുന്നത്​. നാദിർ ഖയാത്ത്​ തന്നെയാണ്​ ഇംഗ്ലീഷ്​ വരികൾ എഴുതിയത്​. പ്രശസ്​ത ഇമറാത്തി കവി അൻവർ അൽ മുഷൈരി അറബി വരികളെഴുതി. ഹുസം കാമിൽ, ഫയെസ്​ അൽ സഈദ്​ എന്നിവരും അണിയറയിൽ പ്രവർത്തിച്ചു.