ട്രാക്കുണരുന്നു സൈക്കിളുകളുടെ പടയോട്ടം ഞായറാഴ്​ച മുതൽ

ദുബെ: സൈക്കിൾ വേഗത്തി​െൻറ ആഗോള മേളയായ യു.എ.ഇ ടൂറിന്​ ഞായറാഴ്​ച തുടക്കം. കോവിഡ്​ പൊട്ടിപ്പുറപ്പെട്ടതിനെ തുടർന്ന്​ കഴിഞ്ഞ വർഷം പാതിവഴിയിൽ നിർത്തിയ ചാമ്പ്യൻഷിപ്പാണ്​ പൂർവാധികം ശക്​തിയോടെ തിരിച്ചുവരുന്നത്​. ദുബൈ, അബൂദബി, ഉമ്മുൽഖുവൈൻ, ഫുജൈറ, റാസൽഖൈമ എമിറേറ്റുകളിലൂടെ 1045 കിലോമീറ്റർ താണ്ടി 27ന്​ സമാപിക്കുന്ന പരിപാടി അബൂദബി, ദുബൈ സ്​പോർട്​സ്​ കൗൺസിലുകൾ സംയുക്​തമായാണ്​ സംഘടിപ്പിക്കുന്നത്​​.

ഗൾഫിലെ ഏറ്റവും ദൈർഘ്യമേറിയ സൈക്ലിങ്​ ടൂറാണിത്​. റുവൈസിലാണ്​ തുടക്കം. ആദ്യ ഘട്ടത്തിൽ അബൂദബി വരെയുള്ള 177 കിലോമീറ്റർ പിന്നിടണം. രണ്ടാം ഘട്ടം ഹുദൈറിയത്ത്​ ഐലൻഡിലേക്കുള്ള 13 കിലോമീറ്റർ. മൂന്നാം ഘട്ടം അൽപം ദുർഘടമാണ്​.അബൂദബിയിൽ നിന്ന്​ അൽഐനി​േലക്കുള്ള 162 കിലോമീറ്ററിനിടെ ജബൽ ഹഫീതിലെ പത്ത്​ കിലോമീറ്റർ ദുർഘട പാതയും കടക്കണം. നാല്​, അഞ്ച്​ ഘട്ടങ്ങളിലായി മൂന്ന്​ എമിറേറ്റുകളിലൂടെ സൈക്ലിസ്​റ്റുകൾ യാത്ര ചെയ്യും.

റാസൽഖൈമ, ഉമ്മുൽ ഖുവൈൻ, ഫുജൈറ എന്നിവ വഴിയുള്ള രണ്ട്​ ഘട്ടങ്ങളിലായി 374 കിലോമീറ്റർ താണ്ടണം. ഇതിനിടയിലാണ്​ ജബൽ ജൈസും അൽ ബർജാൻ ദ്വീപും. ആറാം ഘട്ടത്തിലാണ്​ ദുബൈയിലേക്ക്​ ​പ്രവേശിക്കുന്നത്​. അൽ ഖുദ്​രയും, ദേരയും പാം ജുമൈറയുമെല്ലാം പിന്നിട്ട്​ അവസാന ദിനം തിരിച്ച്​ അബൂദബിയിൽ തന്നെ എത്തും. യാസ്​ മാളിൽ നിന്നാരംഭിച്ച്​ ബ്രേക്​ വാട്ടറിൽ അവസാനിക്കുന്ന 147 കിലോമീറ്റർ പോരാട്ടത്തിനൊടുവിൽ മെഡൽ പോഡിയത്തിലേക്ക്​ വിജയശ്രീലാളിതനായി ചാമ്പ്യനെത്തും.

വെള്ള, പച്ച, കറുപ്പ്​, ചുവപ്പ്​ ജഴ്​സിളകാവും താരങ്ങൾ അണിയുക. നിരപ്പായ റോഡുകളിലുടെയും ചെങ്കുത്തായ കയറ്റങ്ങളിലൂടെയും മരഭൂമിക്ക്​ നടുവെയുള്ള റോഡുകളിലൂടെയുമാണ്​ സൈക്ലിങ്​. മുൻ ചാമ്പ്യനായ ​േസ്ലാവേനിയൻ താരം തദേശ്​ പൊഗാസർ ഇക്കുറിയുമുണ്ട്​. ​ബ്രിട്ടീഷ്​ താരം ആദം യേറ്റ്​സ്​, ഇറ്റാലിയൻ ചാമ്പ്യൻ വിൻസിൻസോ നിബാലി, സ്​പെയിനി​െൻറ അലക്​സാൺ​േൺഡാ വാൽവെർദ്​ തുടങ്ങിയവർ ട്രാക്കിലിറങ്ങും.