ചെ​ല​വ്​ താ​ങ്ങു​ന്നി​ല്ല; ബ​ജ​റ്റ് ചു​രു​ക്കാ​ൻ വ​ഴി തേ​ടി പ്ര​വാ​സി​ക​ൾ

അ​ബൂ​ദ​ബി: എ​ണ്ണ വി​ല​വ​ര്‍ധ​ന, അ​ടി​സ്ഥാ​ന സൗ​ക​ര്യ​ങ്ങ​ളു​ടെ വി​പു​ലീ​ക​ര​ണം തു​ട​ങ്ങി​യ​വ വി​ല​ക്ക​യ​റ്റ​ത്തി​ലൂ​ടെ പ്ര​തി​ഫ​ലി​ക്കാ​ന്‍ തു​ട​ങ്ങി​യ​തോ​ടെ പ്ര​വാ​സി​ക​ളു​ടെ ജീ​വി​ത​ച്ചെ​ല​വേ​റി. ഇ​തോ​ടെ, പി​ടി​ച്ചു​നി​ല്‍ക്കാ​ന്‍ ബ​ദ​ല്‍ സം​വി​ധാ​ന​ങ്ങ​ള്‍ തേ​ടു​ക​യാ​ണ് പ്ര​വാ​സി​ക​ൾ. എ​ണ്ണ​വി​ല ഇ​ര​ട്ടി​യി​ലേ​റെ വ​ര്‍ധി​ച്ച​ത് ആ​നു​പാ​തി​ക​മാ​യി നി​ത്യോ​പ​യോ​ഗ സാ​ധ​ന​ങ്ങ​ളു​ടെ വി​ല​യി​ലും പ്ര​തി​ഫ​ലി​ച്ചി​ട്ടു​ണ്ട്. ഹോ​ട്ട​ലു​ക​ള്‍ മു​മ്പേ ത​ന്നെ വി​ല വ​ര്‍ധി​പ്പി​ച്ചു തു​ട​ങ്ങി​യി​രു​ന്നു. ബാ​ച്ചി​ല​ര്‍ താ​മ​സ​ക്കാ​രു​ടെ മെ​സ്സു​ക​ളും നി​ര​ക്ക് കൂ​ട്ടി​യി​ട്ടു​ണ്ട്. അ​തേ​സ​മ​യം, വി​ല്ല​ക​ളും അ​പ്പാ​ർ​ട്മെ​ന്‍റു​ക​ളും ഫ്ലാ​റ്റു​ക​ളു​മെ​ല്ലാം പു​തു​ക്കി​യ നി​ര​ക്കി​ലാ​ണ് ഇ​പ്പോ​ള്‍ വി​റ്റ​ഴി​ക്കു​ന്ന​ത്.

ജീ​വി​ത ചെ​ല​വ് നി​യ​ന്ത്രി​ക്കാ​ന്‍ ന​ഗ​ര സൗ​ക​ര്യ​ങ്ങ​ള്‍ വി​ട്ട് ഉ​ള്‍മേ​ഖ​ല​ക​ളി​ലേ​ക്ക് ചേ​ക്കേ​റു​ന്ന​വ​രു​ടെ എ​ണ്ണ​വും വ​ര്‍ധി​ക്കു​ക​യാ​ണ്. ചെ​ല​വി​ന​നു​സ​രി​ച്ചു വ​രു​മാ​ന​ത്തി​ല്‍ വ​ര്‍ധ​ന ഉ​ണ്ടാ​വാ​ത്ത​ത് കു​ടും​ബ​മാ​യി താ​മ​സി​ക്കു​ന്ന കു​റ​ഞ്ഞ വ​രു​മാ​ന​ക്കാ​രു​ടെ ബ​ജ​റ്റി​ല്‍ താ​ള​പ്പി​ഴ ഉ​ണ്ടാ​ക്കി​യി​ട്ടു​ണ്ട്. കു​ട്ടി​ക​ളു​ടെ വി​ദ്യാ​ഭ്യാ​സം, നി​ത്യ​ചെ​ല​വ് എ​ന്നി​വ ക​ഴി​ഞ്ഞാ​ല്‍ മി​ച്ചം പി​ടി​ക്കാ​നി​ല്ലാ​ത്ത അ​വ​സ്ഥ​യാ​ണ് പ​ല​ര്‍ക്കും. ചെ​ല​വ് കു​റ​ക്കാ​നു​ള്ള മ​റ്റൊ​രു മാ​ര്‍ഗം കു​റ​ഞ്ഞ കാ​ശു​മു​ട​ക്കി​ല്‍ താ​മ​സ​സൗ​ക​ര്യം ല​ഭി​ക്കു​ക എ​ന്ന​താ​ണ്. ഇ​താ​ണ് ഉ​ള്‍പ്ര​ദേ​ശ​ങ്ങ​ളി​ലേ​ക്കു​ള്ള കൂ​ടു​മാ​റ്റ​ത്തി​നു കാ​ര​ണം. സ്വ​ന്ത​മാ​യി വാ​ഹ​ന സൗ​ക​ര്യ​മു​ള്ള​വ​ര്‍ക്ക് ഇ​ത് ഗു​ണ​ക​ര​മാ​വു​ന്നു​മു​ണ്ട്. ബാ​ച്ചി​ല​ര്‍ റൂ​മു​ക​ളി​ല്‍ ക​ഴി​യു​ന്ന​വ​ർ​ക്കാ​ക​ട്ടെ,​ ബെ​ഡ് സ്​​പേ​സി​ന് നി​ര​ക്ക് കൂ​ട്ടി​ന​ല്‍കാ​തെ മ​റ്റു മാ​ര്‍ഗ​ങ്ങ​ളു​മി​ല്ല.

കു​ടും​ബ​ങ്ങ​ള്‍ കൂ​ടു​ത​ലാ​യി ആ​ശ്ര​യി​ക്കു​ന്ന മു​സ​ഫ മേ​ഖ​ല​യി​ല്‍, നി​ല​വി​ല്‍ താ​മ​സി​ക്കു​ന്ന​വ​ര്‍ക്ക് ക​രാ​ര്‍ പു​തു​ക്കു​മ്പോ​ള്‍ വാ​ട​ക കു​റ​ച്ചു​ന​ല്‍കാ​ന്‍ ഫ്ലാ​റ്റ് ഉ​ട​മ​ക​ള്‍ ത​യാ​റാ​വാ​ത്ത​തും പ്ര​തി​സ​ന്ധി​യാ​യി​ട്ടു​ണ്ട്. കോ​വി​ഡി​ന്‍റെ ബു​ദ്ധി​മു​ട്ടു​ക​ള്‍ ഏ​റ​ക്കു​റെ മാ​റി​യ​തോ​ടെ കു​ടും​ബ​ങ്ങ​ളു​ടെ വ​ര​വ് കൂ​ടി​യ​ത് ഫ്ലാ​റ്റ് ആ​വ​ശ്യ​ക്കാ​രു​ടെ എ​ണ്ണ​ത്തി​ലും വ​ര്‍ധ​ന ഉ​ണ്ടാ​യി​ട്ടു​ണ്ട്. നേ​ര​ത്തെ അ​ബൂ​ദ​ബി മേ​ഖ​ല​യി​ല്‍ വാ​ട​ക​യി​ന​ത്തി​ല്‍ പ​ത്തു​മു​ത​ല്‍ പ​തി​ന​ഞ്ച് ശ​ത​മാ​നം വ​രെ കു​റ​വ് വ​ന്നി​രു​ന്നു. ഡി​മാ​ൻ​ഡ്​ കൂ​ടി​യ​തോ​ടെ വാ​ട​ക​യും വ​ര്‍ധി​പ്പി​ച്ചു. ഇ​ത് വി​ദൂ​ര സ്ഥ​ല​ങ്ങ​ളി​ലെ വി​ല്ല​ക​ളി​ലേ​ക്ക് മാ​റാ​ന്‍ പ്ര​വാ​സി​ക​ളെ പ്രേ​രി​പ്പി​ക്കു​ക​യാ​ണ്.

അ​ബൂ​ദ​ബി​യി​ല്‍ മു​ഹ​മ്മ​ദ് ബി​ന്‍ സാ​യി​ദ് സി​റ്റി, ഖ​ലീ​ഫ സി​റ്റി, ഷ​ഹാ​മ, ബ​നി​യാ​സ്, അ​ല്‍ വ​ത്ത്ബ, ഷം​ഖ തു​ട​ങ്ങി​യ മേ​ഖ​ല​ക​ളി​ലെ ഫ്ലാ​റ്റു​ക​ളി​ലേ​ക്കാ​ണ് നി​ര​വ​ധി കു​ടും​ബ​ങ്ങ​ള്‍ മാ​റു​ന്ന​ത്. ഇ​വ​രി​ല്‍ പ​ല​രും മു​സ​ഫ​യി​ലെ ഫ്ലാ​റ്റു​ക​ളി​ല്‍ താ​മ​സി​ച്ചു​വ​ന്ന​വ​രാ​ണ്. ഫ്ലാ​റ്റു​ക​ള്‍ വി​ട്ട് വി​ല്ല​ക​ളി​ലേ​ക്ക് മാ​റു​മ്പോ​ള്‍ വ​ര്‍ഷ​ത്തി​ല്‍ പ​തി​നാ​യി​രം ദി​ര്‍ഹം വ​രെ ലാ​ഭി​ക്കാ​ന്‍ ക​ഴി​യു​മെ​ന്ന് ചൂ​ണ്ടി​ക്കാ​ട്ട​പ്പെ​ടു​ന്നു.

വാ​ഹ​ന സൗ​ക​ര്യ​മു​ള്ള​വ​ര്‍ ഈ ​ആ​നു​കൂ​ല്യം ഉ​പ​യോ​ഗി​ക്കു​മ്പോ​ള്‍, ഫ്ലാ​റ്റു​ക​ളി​ല്‍ ക​ഴി​യു​ന്ന​വ​ര്‍ റൂ​മു​ക​ള്‍ വി​ഭ​ജി​ച്ച് ര​ണ്ടും മൂ​ന്നും ഫാ​മി​ലി​ക​ളാ​യി വാ​ട​ക​ച്ചെ​ല​വി​ല്‍ ആ​ശ്വാ​സം ക​ണ്ടെ​ത്തു​ക​യാ​ണ്. സ്റ്റു​ഡി​യോ ഫ്ലാ​റ്റ്, സിം​ഗി​​ള്‍ ബെ​ഡ് റൂം, ​ഡ​ബി​ള്‍ ബെ​ഡ്റൂം എ​ന്നി​ങ്ങ​നെ​യാ​ണ് ഫ്ലാ​റ്റു​ക​ളി​ല്‍ റൂ​മു​ക​ള്‍ ക്ര​മീ​ക​രി​ച്ചി​രി​ക്കു​ന്ന​ത്. യ​ഥാ​ക്ര​മം, 35000, 42000, 55000 ദി​ര്‍ഹ​മാ​ണ് വാ​ര്‍ഷി​ക വാ​ട​ക​യാ​യി കൊ​ടു​ക്കേ​ണ്ടി​വ​രു​ന്ന​ത്. വൈ​ദ്യു​തി, ജ​ലം, ഡെ​പ്പോ​സി​റ്റ്, നി​കു​തി തു​ട​ങ്ങി​യ ഇ​ന​ങ്ങ​ളി​ലാ​യി അ​ധി​ക​തു​ക വേ​റെ​യും ചെ​ല​വ​ഴി​ക്കേ​ണ്ടി​വ​രു​ന്നു​ണ്ട്. വി​ല്ല​ക​ളി​ലേ​ക്ക് താ​മ​സം മാ​റു​മ്പോ​ള്‍ വാ​ട​ക​യി​ലും അ​ധി​ക​ച്ചെ​ല​വു​ക​ളി​ലും കു​റ​വു​ണ്ടാ​വും എ​ന്നു മാ​ത്ര​മ​ല്ല, താ​മ​സി​ക്കാ​നു​ള്ള സൗ​ക​ര്യ​ങ്ങ​ളി​ലും മാ​റ്റ​ങ്ങ​ൾ വ​രും. വ​ലു​പ്പു​മു​ള്ള മു​റി​ക​ളും കു​ട്ടി​ക​ള്‍ക്ക് ക​ളി​സ്ഥ​ല​ങ്ങ​ളും വാ​ഹ​ന പാ​ര്‍ക്കി​ങ്ങു​മെ​ല്ലാം വി​ല്ല​ക​ളി​ലേ​ക്ക് മാ​റു​മ്പോ​ള്‍ ല​ഭി​ക്കാ​വു​ന്ന സൗ​ക​ര്യ​ങ്ങ​ളാ​ണ്. എ​ന്നി​രു​ന്നാ​ലും ജോ​ലി സ്ഥ​ല​ത്തേ​ക്കും തി​രി​ച്ചു​മു​ള്ള യാ​ത്ര​ക്കു​ള്ള സൗ​ക​ര്യ​മാ​ണ് പ​ല​രെ​യും ഫ്ലാ​റ്റു​ക​ളി​ല്‍ത​ന്നെ ഒ​തു​ങ്ങി​ക്കൂ​ടാ​ൻ പ്രേ​രി​പ്പി​ക്കു​ന്ന​ത്.