അബൂദബിയിൽ മരിച്ച ഉദുമ സ്വദേശിയുടെ മൃതദേഹം ഇന്നു നാട്ടിലെത്തിക്കും

അബൂദബി: 20ന് അബൂദബിയിലെ ജോലിസ്ഥലത്ത് ഹൃദയാഘാതംമൂലം മരിച്ച ഉദുമ മുല്ലച്ചേരി എരോൽ കുണ്ടിലെതോട്ടത്ത് വീട്ടിൽ പുരുഷോത്തമ​െൻറ (46) മൃതദേഹം ശനിയാഴ്ച രാവിലെ ഒമ്പതിന്​ പുറപ്പെടുന്ന എയർ ഇന്ത്യ എക്‌സ്പ്രസ് വിമാനത്തിൽ നാട്ടിലെത്തിക്കും. ബിൻ ദിരായ് കോൺട്രാക്ടിങ് കമ്പനിയിലെ ജീവനക്കാരനായിരുന്നു.

കാസർകോട് ജില്ല കെ.എം.സി.സി പ്രവർത്തകരാണ് മൃതദേഹം നാട്ടിലെത്തിക്കാനുള്ള നടപടിക്രമങ്ങൾ പൂർത്തീകരിച്ചത്. പരേതനായ കറുവൻ -നാരായണി ദമ്പതികളുടെ മകനാണ്.ഭാര്യ: അനീഷകുമാരി. സംസ്​കാരം ശനിയാഴ്ച വൈകീട്ട്​ വീട്ടുവളപ്പിൽ.