Begin typing your search above and press return to search.
exit_to_app
exit_to_app
Homechevron_rightGulfchevron_rightU.A.Echevron_rightകോവിഡ്​ ബാധിച്ച്​...

കോവിഡ്​ ബാധിച്ച്​ മരിച്ച പ്രവാസികളുടെ മൃതദേഹം നാട്ടിലെത്തിക്കാം

text_fields
bookmark_border
കോവിഡ്​ ബാധിച്ച്​ മരിച്ച പ്രവാസികളുടെ മൃതദേഹം നാട്ടിലെത്തിക്കാം
cancel

ദുബൈ: വിദേശരാജ്യങ്ങളിൽ കോവിഡ്​ ബാധിച്ച്​ മരിച്ച പ്രവാസികളുടെ മൃതദേഹങ്ങൾ നാട്ടിലെത്തിച്ച്​ സംസ്​കരിക്കാം. വിദേശരാജ്യങ്ങളിലെയും നാട്ടിലെയും നടപടിക്രമങ്ങൾ ലഘൂകരിച്ചതോടെയാണ്​ മൃതദേഹം വിമാന മാർഗം എത്തിക്കാൻ വഴിതെളിഞ്ഞത്​. യു.എ.ഇയിൽ നിന്നുള്ള ആദ്യ മൃതദേഹം തിങ്കളാഴ്​ച കേരളത്തിൽ എത്തിച്ച്​ സംസ്​കരിച്ചു.

വിസിറ്റ്​ വിസയിലെത്തിയ നിലമ്പൂർ സ്വദേശിയുടെ മൃതദേഹമാണ് യു.എ.ഇയിലെ ഹംപാസ്​ വളൻറിയേഴ്​സി​െൻറ നേതൃത്വത്തിൽ നാട്ടിലേക്കയച്ചത്​. ഒരാഴ്​ച മുൻപ്​ ഖത്തറിൽനിന്നുള്ള മൃതദേഹവും കേരളത്തിൽ എത്തിച്ചു. വിദേശ രാജ്യങ്ങളിൽ മരണപ്പെട്ട പ്രിയപ്പെട്ടവരുടെ അന്ത്യകർമങ്ങൾപോലും നടത്താൻ വിലക്കപ്പെട്ട പ്രവാസി കുടുംബങ്ങൾക്ക്​ ആശ്വാസം പകരുന്ന നടപടിയാണിത്​. കേന്ദ്രസർക്കാർ കോവിഡ്​ മരണങ്ങളുടെ കണക്കെടുക്കുന്ന സാഹചര്യത്തിൽ, വിദേശത്ത്​ മരിച്ചവരെയും പട്ടികയിൽ ഉൾപെടുത്താൻ ഇൗ നടപടി ഉപകരിക്കും.

മൃതദേഹ പരിശോധനയിൽ പോസിറ്റീവായാൽ വിദേശ രാജ്യങ്ങളിൽ നിന്നും നാട്ടിൽ നിന്നും ക്ലിയറൻസ്​ സർട്ടിഫിക്കറ്റുകൾ ലഭിക്കുന്നതിന്​ നിരവധി തടസ്സങ്ങളുണ്ടായിരുന്നു.

ഇതു​ മൂലമാണ്​ പലരും മൃതദേഹം നാട്ടിലേക്ക്​ അയക്കാതെ വിദേശത്ത്​ തന്നെ സംസ്​കരിച്ചിരുന്നത്​. എംബാമിങ്ങിന്​ പകരം സ്​റ്ററിലൈസേഷൻ ചെയ്​താൽ വിമാനങ്ങളിൽ മൃതദേഹം അയക്കാം എന്നാണ്​ ലോകാരോഗ്യ സംഘടനയുടെ നിർദേശം. രണ്ടുമാസം മുൻപ്​ യു.എ.ഇ ആരോഗ്യ മന്ത്രാലയം സ്​റ്ററിലൈസേഷ​െൻറ ചുമതല സ്വകാര്യ കമ്പനികൾക്ക്​ നൽകിയിരുന്നു. ഇതോടെയാണ്​ മൃതദേഹങ്ങൾ അയക്കാൻ വഴിതെളിഞ്ഞത്. ജർമനി, ​ഫ്രാൻസ്​ അടക്കമുള്ള വിദേശ രാജ്യങ്ങളിലേക്ക്​ ഇതിനകം 200ഒാളം മൃതദേഹം അയച്ചിരുന്നു.

എന്നാൽ, ഇന്ത്യൻ അധികൃതരിൽ നിന്ന്​ എൻ.ഒ.സി ലഭിക്കാനുള്ള സാധ്യത കുറവായതിനാൽ പലരും ശ്രമിച്ചിരുന്നില്ല. കഴിഞ്ഞ ദിവസം മരിച്ച നിലമ്പൂർ സ്വദേശിക്കായി ഹംപാസ്​ വളൻറിയർമാരായ നിഷാജ് ഷാഹുലും അലി മുഹമ്മദും നടത്തിയ ശ്രമങ്ങളാണ്​ വിജയം കണ്ടത്​. സ്​റ്ററിലൈസ്​ ചെയ്​ത മൃതദേഹം കഫിൻ ബോക്​സിലാക്കിയാണ്​ നാട്ടിലേക്ക്​ അയക്കുന്നത്​.

എന്നാൽ, എംബാമിങ്​ ചെയ്യാത്തതിനാൽ മൃതദേഹം അഴുകാൻ സാധ്യതയുണ്ട്​. അതിനാൽ, നാട്ടിലെത്തു​േമ്പാൾ പെട്ടി തുറക്കാതിരിക്കുന്നതാണ്​ ഉചിതമെന്ന്​ ഇവർ പറയുന്നു. യു.എ.ഇയിൽ നിന്ന്​ എമിറേറ്റ്​സ്​ എയർലൈൻ മാത്രമാണ്​ ഇത്തരത്തിൽ ​മൃതദേഹം എത്തിക്കുന്നത്​. കേരളത്തിലെ കോവിഡ്​ പ്രോ​േട്ടാകോൾ പ്രകാരമായിരിക്കും സംസ്​കാരം. സാധാരണ എംബാമിങ്ങിന്​ വരുന്ന ചെലവാണ്​ സ്​റ്ററിലൈസേഷനും ഇൗടാക്കുന്നത്​.

ആവശ്യമായ രേഖകൾ

വിദേശ രാജ്യങ്ങളിലെ പൊലീസ്​ ക്ലിയറൻസ്​, മരണപ്പെട്ട രാജ്യത്തെ ആരോഗ്യ മന്ത്രാലയത്തി​െൻറ എൻ.ഒ.സി, ആരോഗ്യമന്ത്രാലയം സാക്ഷ്യപ്പെടുത്തിയ സ്​റ്ററിലൈസേഷൻ സർട്ടിഫിക്കറ്റ്​ ഇന്ത്യൻ കോൺസുലേറ്റ്​ അറ്റസ്​റ്റ്​ ചെയ്​തത്​, ഇന്ത്യൻ എംബസിയുടെ എൻ.ഒ.സി, മരണപ്പെട്ട രാജ്യത്തെ വിദേശകാര്യ മന്ത്രാലയത്തി​െൻറ ഡെത്ത്​ സർട്ടിഫിക്കറ്റും ഇൗ സർട്ടിഫിക്കറ്റി​െൻറ ഇംഗ്ലീഷ്​ വേർഷനിൽ 150 ദിർഹമി​െൻറ സ്​റ്റാമ്പ്​ അറ്റസ്​റ്റ്​ ചെയ്​തതും, സ്​റ്ററിലൈസേഷൻ ചെയ്യുന്ന സ്​ഥാപനത്തി​െൻറ സർട്ടിഫിക്കറ്റ്​, ഇന്ത്യയി​ലെ ജില്ല മെഡിക്കൽ ഒാഫിസറുടെ (ഡി.എം.ഒ) എൻ.ഒ.സി, എയർപോർട്ട്​ ഹെൽത്ത്​ അതോറിറ്റിയുടെ അനുമതി എന്നിവയാണ്​ മൃതദേഹം നാട്ടിലെത്തിക്കാൻ ആവശ്യമായ രേഖകൾ.

Show Full Article
TAGS:expatriate covid 19 
News Summary - The bodies of expatriates who died due to covid can be repatriated
Next Story