പത്തിമടക്കി പ്രവാസി സ്​ഥാനാർഥികൾ

ദുബൈ: പ്രവാസലോകത്തെ പ്രവർത്തന പരിചയവുമായി തെരഞ്ഞെടുപ്പ്​ ഗോദയിലെത്തിയവർക്ക്​ പരാജയം. കൂത്തുപറമ്പി​െൻറ ചരിത്രം തിരുത്താനിറങ്ങിയ പൊട്ടങ്കണ്ടി അബ്​ദുല്ല, ഖത്തറിലെ പ്രവാസി പാറക്കൽ അബ്​ദുല്ല, ഷാർജ ഇന്ത്യൻ അസോസിയേഷ​െൻറ ഭാരവാഹിയായിരുന്ന എം.എ. ലത്തീഫ്​, മുൻ മാധ്യമപ്രവർത്തകനും ലുലു ജീവനക്കാരനുമായിരുന്ന ശോഭ സുബിൻ, ഉദുമയിലെ യു.ഡി.എഫ്​ സ്​ഥാനാർഥി ബാലകൃഷ്​ണൻ പെരിയ എന്നിവരാണ്​ മുൻ പ്രവാസികളുടെ മേലാപ്പോടെ തെരഞ്ഞെടുപ്പിനിറങ്ങിയത്​. എല്ലാവർക്കും തോൽവിയായിരുന്നു ഫലം.

കൂത്തുപറമ്പ്​ മണ്ഡലം പിടിച്ചെടുക്കാനാണ്​ പൊട്ടങ്കണ്ടി അബ്​ദുല്ലയെ നിയോഗിച്ചത്​. കെ.പി. മോഹനനെ വിറപ്പിക്കുന്ന പ്രകടനം കാഴ്​​ച​െവച്ചെങ്കിലും 9541 വോട്ടിന്​ തോൽക്കുകയായിരുന്നു. അൽ മദീന ഗ്രൂപ്​ ചെയർമാനായ അബ്​ദുല്ല 45 വർഷമായി പ്രവാസ ലോകത്ത്​ സജീവമാണ്​. 200ഓളം സ്​ഥാപനങ്ങളുള്ള അദ്ദേഹത്തിന്​ പാർട്ടിക്കകത്തും പുറത്തുമുള്ള ബന്ധങ്ങൾ തുണയാകുമെന്നായിരുന്നു പ്രതീക്ഷ.കുറ്റ്യാടി പിടിക്കാനാണ്​ ലീഗ്​ സ്​ഥാനാർഥിയായി പാറക്കൽ അബ്​ദുല്ലയെ നിയോഗിച്ചത്​. ഇഞ്ചോടിഞ്ച്​ പോരാട്ടത്തിനൊടുവിൽ 333 വോട്ടിനാണ്​ സി.പി.എമ്മി​െൻറ കെ.പി. കുഞ്ഞമ്മദ്​ കുട്ടിയോട്​ പരാജയം നുണഞ്ഞത്​. അവസാന നിമിഷംവരെ അബ്​ദുല്ല മുന്നിട്ടുനിന്നിരുന്നു. കോൺഗ്രസി​െൻറ ബാനറിൽ ഉദുമയിൽ പോരിനിറങ്ങിയ ബാലകൃഷ്​ണൻ പെരിയ 13,332 വോട്ടിനാണ്​ സി.എച്ച്​. കുഞ്ഞമ്പുവിനോട്​ തോറ്റത്​.ഐ.എൻ.എൽ- മുസ്​ലിം ലീഗ്​ പോരാട്ടത്താൽ​ ശ്രദ്ധേയമായ കാസർകോട്ടാണ്​ എം.എ. ലത്തീഫ്​ മാറ്റുരച്ചത്​. മുസ്​ലിം ലീഗി​െൻറ എൻ.എ. നെല്ലിക്കുന്ന്​ 12901 വോട്ടി​െൻറ ഭൂരിപക്ഷത്തിനാണ്​ മണ്ഡലത്തിൽ ജയിച്ചത്​​. ബി.ജെ.പി പ്രതീക്ഷവെച്ചിരുന്ന മണ്ഡലത്തിൽ ലത്തീഫ്​ മൂന്നാം സ്​ഥാനത്തായി. ഷാർജ ഇന്ത്യൻ അസോസിയേഷൻ മുൻ ജോയൻറ്​ ട്രഷററും യു.എ.ഇ ഐ.എം.സി.സി മുൻ ജനറൽ സെക്രട്ടറിയുമായിരുന്നു. ഐ.എം.സി.സിയാണ്​ കെട്ടിവെക്കാനുള്ള പണം നൽകിയത്​. എൽ.ഡി.എഫി​െൻറ വിജയത്തിളക്കത്തിനിടയിലും ലത്തീഫി​െൻറ തോൽവി ഇടതുപ്രവാസികൾക്ക്​ ക്ഷീണമായി.

ലുലു ഗ്രൂപ്പിലെ മുൻ ജീവനക്കാരനായ ശോഭ സുബിൻ കയ്​പമംഗലത്താണ്​ പരീക്ഷണത്തിനിറങ്ങിയത്​. സി.പി.ഐയി​ലെ ഇ.ടി. ടൈസണോട്​ 22,698 വോട്ടിന്​ പരാജയപ്പെട്ടു. ജില്ല പഞ്ചായത്തംഗമായിരുന്നു ശോഭ സുബിൻ.