ദേശീയദിനത്തിൽ പതിനായിരം ഫേസ് മാസ്​ക്കുകൾ സൗജന്യമായി വിതരണം ചെയ്യും

ദുബൈ: രാജ്യത്തി​െൻറ 49ാമത് ദേശീയദിനം ശൈഖ് സായിദ് പീസ് ഫോറവും ഫുജൈറ കൾചറൽ അസോസിയേഷനും യുബി-7 ഫൗണ്ടേഷനും സംയുക്തമായി കോവിഡ് ബോധവത്​കരണമായി ആചരിക്കും.ദേശീയദിനത്തിൽ പ്രത്യേകം തയാറാക്കിയ പതിനായിരം ത്രീ ലയർ പ്രൊട്ടക്ടീവ് മാസ്​ക്കുകൾ യു.എ.ഇയിലും ഇന്ത്യയിലും വിതരണം ചെയ്യും.

വിതരണ ഉദ്ഘാടനം ബുധനാഴ്ച ഉച്ചക്ക് രണ്ടിന് ജുമൈറ കൈറ്റ് ബീച്ചിൽ ജമാൽ ഷാഫർ ചലഞ്ചിൽ നടക്കും.ഇതി​െൻറ ഒരുക്കം പൂർത്തിയായതായി യുബി-7 ഫൗണ്ടേഷൻ ഫൗണ്ടർ ഉച്ചു ഭായി, ഷാജഹാൻ എ.കെ, ശൈഖ് സായിദ് പീസ് ഫോറം സാരഥികളായ മുനീർ മുഹ്‌യിദ്ദീൻ, റുഷ്ദി ബിൻ റഷീദ് എന്നിവർ പറഞ്ഞു.