ടീം ഇഫ്താറിെൻറ  13 സേവന വർഷങ്ങൾ

ഷാർജ: റമദാൻ മുന്നോട്ട് വെക്കുന്നത് സ്​നേഹകാരുണ്യവും  ഇല്ലാത്തവരുടെ പ്രയാസങ്ങൾ തിരിച്ചറിയുവാനുള്ള പാഠങ്ങളുമാണ്. ഇത് തിരിച്ചറിയുമ്പോൾ തന്നിലേക്ക് തന്നെ ചുരുങ്ങി കൂടുവാൻ ഒരു വിശ്വാസിക്കും സാധിക്കുകയില്ല, കർമ്മ പഥത്തിലേക്ക് അവരിറങ്ങും. യു.എ.ഇയിലെ വിവിധ ലേബർ ക്യാമ്പുകൾ കേന്ദ്രീകരിച്ച് ഇഫ്താർ വിരുന്നുകൾക്ക് നേതൃത്വം നൽകുന്ന ടീം ഇഫ്താറി​​െൻറ തളരാത്ത കരുത്തും ഇതാണ്. 55 ലേബർ ക്യാമ്പുകളിയായി 18,000 പേർക്കാണ് ടീം ഇഫ്താർ ദിനംപ്രതി സേവനം നടത്തുന്നത്. വിവിധ രംഗത്ത് പ്രവർത്തിക്കുന്ന 500 സന്നദ്ധ പ്രവർത്തകരാണ് ടീം ഇഫ്താറി​​െൻറ കരുത്ത്. റമദാൻ 25 പിന്നിട്ടപ്പോൾ നാലേകാൽ ലക്ഷം പേരാണ് ഇഫ്താറിൽ പങ്കെടുത്തതെന്ന് നേതൃത്വം നൽകുന്ന ഈസ അനീസ്​ ‘ഗൾഫ് മാധ്യമ’ത്തോട് പറഞ്ഞു. 

റമദാനിൽ സജ പോലുള്ള ഒറ്റപ്പെട്ട് കിടക്കുന്ന ക്യാമ്പുകളിലെ തൊഴിലാളികൾ നോമ്പ് തുറക്കാൻ പ്രയാസപ്പെടുന്ന മനസിലാക്കിയ ഒരു പറ്റം ചെറുപ്പക്കാർ തുടക്കമിട്ട ഉദ്ദ്യമമാണ് യു.എ.ഇയിലെ ഏറ്റവും വലിയ സംഘടിത ഇഫ്താറായി വളർന്നത്. യു.എ.ഇ റെഡ്ക്രസൻറി​​െൻറ അനുമതിയോടു കൂടിയാണ് ടീമി​​െൻറ പ്രവർത്തനം. സജയിൽ മാത്രം 29 ക്യാമ്പുകളിലാണ് ടീം ഇഫ്താർ ഒരുക്കുന്നത്.   ദുബൈ, അബൂദബി, അജ്മാൻ, റാസൽഖൈമ, അൽഐൻ എന്നിവിടങ്ങളിലാണ് ബാക്കി ക്യാമ്പുകൾ. അസർ നമസ്​ക്കാരത്തോടെ പ്രവർത്തകർ അവരവരുടെ ജോലികൾ ഏറ്റെടുക്കുന്നു.

ഇഫ്താർ സമയം അറിയിച്ച് ബാങ്ക് വിളി ഉയരുന്നതിന് മുമ്പായി എല്ലാം തയ്യാറായിരിക്കും. 12 സംഘടനകളാണ് ടീം ഇഫ്താറിനെ നയിക്കുന്നത്. വ്യക്തികളും സ്​ഥാപനങ്ങളും ഇവരുമായി സഹകരിക്കുന്നു. ഓരോ ക്യാമ്പിലും ഭക്ഷണം ഉറപ്പുവരുത്തിയതി​​​െൻറ അവലോകനവും അടുത്ത ദിവസത്തേക്കുള്ള പദ്ധതി ചർച്ചകളും, ചിട്ടയായ ഒരുക്കവും പ്രവർത്തനവുമാണ് ഈ സന്നദ്ധസേവകരെ വേറിട്ടതാക്കുന്നത്. ഈ വർഷം അഞ്ച് മുതൽ അഞ്ചര ലക്ഷം വരെ തൊഴിലാളികളെ നോമ്പുതുറപ്പിക്കാനാണ്​  ടീം ഇഫ്താർ പദ്ധതിയിട്ടിരിക്കുന്നത്​.