‘ദി ടേസ്​റ്റി ലൈഫ്’ ഒന്നാം വാർഷികം ആഘോഷിച്ചു 

ദുബൈ: രുചിയനുഭവം പങ്കുവെച്ച്​ ജീവിതം രുചികരമാക്കാൻ തുടക്കമിട്ട കൂട്ടായ്​മ വിജയകരമായ ഒരു വയസ്സ്​ പൂർത്തിയാക്കി. ഭക്ഷണ പ്രേമികളുടെ ഓൺലൈൻ കൂട്ടായ്മയായ ‘ദി ടേസ്​റ്റി ലൈഫി​’​െൻറ ഒന്നാം വാർഷികം ദുബൈ ദേര റാഡിസൺ ബ്ലൂ ഹോട്ടലിൽ  ആഘോഷിച്ചു. വിവിധ റെസ്​റ്റോറൻറുകളിലെ വിഭവങ്ങളെക്കുറിച്ച് സംസാരിക്കാനും എഴുതാനും പരിചയപ്പെടുത്താനുമുഉള്ള ഓൺലൈൻ കൂട്ടായ്മയാണ് ദി ടേസ്​റ്റി ലൈഫ് .
ഒരു വർഷംകൊണ്ട് അരലക്ഷത്തോളം പേർ  അംഗങ്ങളായി ചേർന്ന ‘ദി ടേസ്​റ്റി ലൈഫി’ന്​ യു.എ.ഇ,ഖത്തർ എന്നിവിടങ്ങളിലാണ് കൂടുതൽ അംഗങ്ങൾ ഉള്ളത്. അംഗങ്ങളുടെ പരിചയപ്പെടുത്തലിലൂടെ ശ്രദ്ധേയമായ 16  റെസ്​റ്റോറൻറുകളിൽ നിന്ന്​ തെരെഞ്ഞെടുക്കപെട്ട വിഭവങ്ങൾക്കു ടേസ്​റ്റി ലൈഫ് റെക്കമെൻഡഡ് ഡിഷ്  എന്ന അംഗീകാരം നൽകി.ഒപ്പം ഓൺലൈൻ തെരഞ്ഞെടുപ്പിലൂടെ മികച്ച അഞ്ചു റസ്​റ്റോറൻറുകൾക്ക്​ വിവിധ പുരസ്കാരവും സമ്മാനിച്ചു 
ഫേസ്ബുക് ഗ്രൂപ്പിൽ അമ്പതിനായിരം അംഗങ്ങൾ തികഞ്ഞത്തി​​െൻറ ആഘോഷവും   തദവസരത്തിൽ നടന്നു. 
പാചക വിദഗ്​ധരും ,ബ്ലോഗർമാരും  മാധ്യമ പ്രവർത്തകരും കൂട്ടായ്​മ അംഗങ്ങളും ചടങ്ങിൽ പ​െങ്കടുത്തു. ഭക്ഷണം പാഴാക്കുന്നതിനെതിരെ   സാമൂഹിക പ്രതിബദ്ധത മുൻനിർത്തി തുടങ്ങുന്ന ‘നോ വേസ്​റ്റ്​ മോർ ടേസ്​റ്റ്​’ എന്ന ഹാഷ്​ടാഗ് ക്യാമ്പയി​​െൻറ ലോഗോ   
ഡോണ സെബാസ്​റ്റ്യൻ (ഹിറ്റ് എഫ്.എം ) നമിത നയ്യാർ (ഗോൾഡ് എഫ്.എം) എന്നിവർ ചേർന്ന് പുറത്തിറക്കി.