തർത്തീൽ ഇൻറർ സ്കൂൾ ഇസ്ലാമിക്‌ ഫെസ്റ്റ്

ഷാർജ: ഗൾഫ് ഏഷ്യൻ ഇംഗ്ലീഷ് സ്കൂൾ ഏഴാമത് തർത്തീൽ ഇൻറർ സ്കൂൾ ഇസ്ലാമിക്‌ ഫെസ്റ്റ് സംഘടിപ്പിച്ചു. യു.എ.ഇയിലെ വിവിധ എമിറേറ്റുകളിലെ 25 സ്കൂളുകളിൽനിന്നായി 218 വിദ്യാർഥികൾ പങ്കെടുത്തു. ആൺകുട്ടികൾക്കും പെൺകുട്ടികൾക്കും വ്യത്യസ്ത വേദികളിലായി ഖുർആൻ പാരായണം, ബാങ്ക്, കാലിഗ്രഫി, പ്രസംഗം എന്നീ മത്സരങ്ങൾ നടന്നു.

ആതിഥേയരായ ഗൾഫ് ഏഷ്യൻ ഇംഗ്ലീഷ് സ്കൂൾ പെൺകുട്ടികളുടെ വിഭാഗത്തിൽ ഓവറോൾ ചാമ്പ്യന്മാരായി. ദാറുൽഹുദ ഇസ്ലാമിക്‌ സ്കൂൾ അൽഐൻ ബോയ്സ് വിഭാഗത്തിലും ഗൾഫ് ഏഷ്യൻ ഇംഗ്ലീഷ് സ്കൂൾ ഓവറോൾ ചാമ്പ്യൻഷിപ്പും നേടി. സമ്മാനദാന ചടങ്ങിന് പേസ് ഗ്രൂപ് ഡയറക്ടർമാരായ അസീഫ് മുഹമ്മദ്‌, സൽമാൻ ഇബ്രാഹിം, സുബൈർ ഇബ്രാഹിം, ആദിൽ ഇബ്രാഹിം, സ്കൂൾ പ്രിൻസിപ്പൽ ഡോ. നസ്രീൻ ബാനു ബി.ആർ, അസി. ഡയറക്ടർ അബ്ദുൽ കരീം എന്നിവർ നേതൃത്വം നൽകി.