തൊഴിലാളി അവകാശങ്ങൾ സംരക്ഷിക്കുന്ന നിർമാണ കമ്പനികൾക്ക്​ സർക്കാർ പദ്ധതികളിൽ മുൻഗണന 

ദുബൈ: തൊഴിലാളികളുടെ അവകാശങ്ങൾ ഉറപ്പാക്കുന്നതിന്​ മികച്ച നടപടികൾ സ്വീകരിക്കുന്ന  കമ്പനികൾക്ക്​ സർക്കാർ പദ്ധതികളിലും അന്താരാഷ്​ട്ര കരാറുകളിലും  മുൻഗണന നൽകും. തൊഴിൽ അവകാശ സംരക്ഷണത്തിന്​ ഏർപ്പെടുത്തിയ തഖ്​ദീർ അവാർഡിൽ പഞ്ച^ചതുർ നക്ഷത്ര വിജയം നേടുന്ന സ്​ഥാപനങ്ങൾക്കാണ്​ ഇൗ പരിഗണന ലഭിക്കുക. നിർമാണ മേഖലയിൽ പ്രവർത്തിക്കുന്ന 9,854 ഫാക്​ടറികളും 282 കമ്പനികളുമാണ്​ തഖ്​ദീർ അവാർഡി​​​െൻറ രണ്ടാം പതിപ്പിൽ മാറ്റുരക്കുക. ​ഫ്രീ സോണുകളിൽ പ്രവർത്തിക്കുന്ന കമ്പനികളെ കൂടി ഇക്കുറി പദ്ധതിയിൽ ഉൾപ്പെടുത്തിയതായി താമസ കുടിയേറ്റ ഡയറക്​ടറേറ്റ്​ ഡെ.ഡയറക്​ടർ ജനറൽ  മേജർ ജനറൽ ഉബൈദ്​ മുഹൈർ ബിൻ സുറൂർ വാർത്താ സമ്മേളനത്തിൽ അറിയിച്ചു.  പത്തു ലക്ഷത്തോളം വരുന്ന നിർമാണ തൊഴിലാളികളുടെ അവകാശങ്ങൾ അന്താരാഷ്​ട്ര ഉടമ്പടികൾ പ്രകാരം ഉറപ്പാക്കുന്നതിന്​ തഖ്​ദീർ അവാർഡ്​ സഹായകമാകുമെന്ന്​ അദ്ദേഹം പറഞ്ഞു. 
ദുബൈ എയർപോർട്ട്സ്​​ ​ഫ്രീ സോൺ ഡയറക്​ടർ ജനറൽ ഡോ. മുഹമ്മദ്​ അൽ സറൂനിയും സംബന്ധിച്ചു.
 അവാർഡിനുള്ള അപേക്ഷകൾ ആഗസ്​റ്റ്​ വ​െര സ്വീകരിക്കും.നവംബറിലാണ്​ പുരസ്​കാര പ്രഖ്യാപനം.