യു.എ.ഇ-ഇറാൻ വിദേശകാര്യ മന്ത്രിമാർ തമ്മിൽ ചർച്ച

ദു​ബൈ: ഇ​റാ​ൻ വി​ദേ​ശ​കാ​ര്യ മ​ന്ത്രി ഹു​സൈ​ൻ ആ​മി​ർ അ​ബ്​​ദു​ല്ല​ഹ്​​യാ​ൻ യു.​എ.​ഇ വി​ദേ​ശ​കാ​ര്യ-​അ​ന്താ​രാ​ഷ്ട്ര സ​ഹ​ക​ര​ണ വ​കു​പ്പ്​ മ​ന്ത്രി ശൈ​ഖ്​ അ​ബ്​​ദു​ല്ല ബി​ൻ സാ​യി​ദ്​ ആ​ൽ ന​ഹ്​​യാ​നെ ഫോ​ണി​ൽ വി​ളി​ച്ച്​ സം​ഭാ​ഷ​ണം ന​ട​ത്തി. യ​മ​ൻ സം​ഘ​ർ​ഷം അ​ട​ക്ക​മു​ള്ള പൊ​തു​വാ​യ താ​ൽ​പ​ര്യ​മു​ള്ള നി​ര​വ​ധി പ്ര​ശ്ന​ങ്ങ​ൾ സം​ഭാ​ഷ​ണ​ത്തി​ൽ ച​ർ​ച്ച​യാ​യ​താ​യി വാ​ർ​ത്താ ഏ​ജ​ൻ​സി റി​പ്പോ​ർ​ട്ട്​ ചെ​യ്തു. ഹൂ​തി​ക​ൾ അ​ബൂ​ദ​ബി​ക്ക്​ നേ​രെ ന​ട​ത്തി​യ ആ​ക്ര​മ​ണ​ത്തെ അ​പ​ലി​ച്ച അ​ബ്​​ദു​ല്ല ബി​ൻ സാ​യി​ദ്, മേ​ഖ​ല​യി​ൽ വ​ർ​ധി​ച്ചു​വ​രു​ന്ന സം​ഘ​ർ​ഷ​സാ​ധ്യ​ത​ക​ൾ അ​വ​സാ​നി​പ്പി​ച്ച്​ യ​മ​നി​ൽ സ​മാ​ധാ​നം കൊ​ണ്ടു​വ​രേ​ണ്ട​തു​ണ്ടെ​ന്ന്​ ആ​വ​ശ്യ​പ്പെ​ട്ടു. ജി.​സി.​സി സ​മാ​ധാ​ന സം​വി​ധാ​ന​മ​നു​സ​രി​ച്ചും ഐ​ക്യ​രാ​ഷ്ട്ര​സ​ഭ​യു​ടെ പ്ര​മേ​യ​മ​നു​സ​രി​ച്ചും സ​മാ​ധാ​ന നീ​ക്ക​ങ്ങ​ൾ ന​ട​ക്കേ​ണ്ട​തു​ണ്ടെ​ന്നാ​ണ്​ അ​ദ്ദേ​ഹം ആ​വ​ശ്യ​പ്പെ​ട്ട​ത്.

ക​ഴി​ഞ്ഞ മാ​സം 17നാ​ണ്​ അ​ബൂ​ദ​ബി​ക്ക്​ നേ​രെ ഹൂ​തി​ക​ളു​ടെ ആ​ക്ര​മ​ണ​മു​ണ്ടാ​യ​ത്. തു​ട​ർ​ന്ന്​ ര​ണ്ടു പ്രാ​വ​ശ്യം ആ​ക്ര​മ​ണ ശ്ര​മ​ങ്ങ​ളു​മു​ണ്ടാ​യി. ഈ ​സാ​ഹ​ച​ര്യ​ത്തി​ൽ മേ​ഖ​ല​യി​ൽ സം​ഘ​ർ​ഷാ​വ​സ്ഥ ശ​ക്​​തി​പ്പെ​ടു​ന്ന സാ​ഹ​ച​ര്യ​ത്തി​ലാ​ണ്​ ഇ​റാ​ൻ വി​ദേ​ശ​കാ​ര്യ​മ​ന്ത്രി യു.​എ.​ഇ വി​ദേ​ശ​കാ​ര്യ മ​ന്ത്രി​യു​മാ​യി സം​ഭാ​ഷ​ണം ന​ട​ത്തി​യി​രി​ക്കു​ന്ന​ത്. യ​മ​നി​ൽ സ​മാ​ധാ​നം കൊ​ണ്ടു​വ​രു​ന്ന​തി​ന്​ സം​ഭാ​ഷ​ണം ഉ​പ​ക​രി​ക്കു​മെ​ന്നാ​ണ്​ പ്ര​തീ​ക്ഷി​ക്ക​പ്പെ​ടു​ന്ന​ത്.