സിറിയന്‍ അഭയാര്‍ഥികള്‍ക്ക് ഷാര്‍ജ 30 ലക്ഷം ദിര്‍ഹം നല്‍കി

ഷാര്‍ജ: കൊടും ദുരിതം അനുഭവിക്കുന്ന സിറിയന്‍ അഭയാര്‍ഥികളുടെ ആരോഗ്യ സുരക്ഷക്ക് ഷാര്‍ജ 30 ലക്ഷം ദിര്‍ഹം നല്‍കി. ജോര്‍ദാനിലെ സത്താരി ക്യാമ്പില്‍ സന്ദര്‍ശിച്ച ഷാര്‍ജ മീഡിയ കോര്‍പ്പറേഷന്‍ ചെയര്‍മാന്‍ ശൈഖ് സുല്‍ത്താന്‍ ബിന്‍ അഹമ്മദ് ആല്‍ ഖാസിമിയാണ് തുക കൈമാറിയത്. സത്താരി ക്യാമ്പിലെ ഒരു ലക്ഷത്തോളം വരുന്ന അഭയാര്‍ഥികള്‍ക്ക് വലിയ ആശ്വാസമാണ് ഷാര്‍ജയുടെ ദാനം. സിറിയന്‍ അഭയാര്‍ഥികളുടെ ഉന്നമനത്തിനും പുനരധിവാസത്തിനുമായി ഷാര്‍ജ ബിഗ് ഹാര്‍ട്ട് ഫൗണ്ടേഷന്‍ വലിയ സേവനമാണ് നടത്തുന്നത്.