Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightU.A.Echevron_right17,000 സ്​ക്രൂവിനാൽ...

17,000 സ്​ക്രൂവിനാൽ ശൈഖ്​ സായിദിനെ വരച്ച്​ സെയ്​ദ്​ ഷാഫി

text_fields
bookmark_border
17,000 സ്​ക്രൂവിനാൽ ശൈഖ്​ സായിദിനെ വരച്ച്​ സെയ്​ദ്​ ഷാഫി
cancel
camera_alt

സെയ്​ദ്​ ഷാഫി ചിത്രത്തിന്​ മുന്നിൽ

ദുബൈ: ശൈഖ്​ സായിദിനെ പലരും പലരീതിയിൽ വരച്ചിട്ടുണ്ടാവും. പക്ഷേ, അതിൽനിന്നെല്ലാം വ്യത്യസ്​തമാണ്​ തൃശൂർ -കൈപ്പമംഗലം സ്വദേശി സെയ്ദ് ഷാഫിയുടെ സൃഷ്​ടി. 17,000 സ്​ക്രൂവും 8200 ആണികളും ഉപയോഗിച്ച്​ ശൈഖ്​ സായിദിനെ ചിത്രീകരിച്ചിരിക്കുകയാണ്​ ഷാഫി. 29 ദിവസങ്ങൾ കൊണ്ടാണ്​ കലാസൃഷ്​ടി പൂർത്തിയാക്കിയത്​. ദേശീയ ദിനത്തോടനുബന്ധിച്ച്​ യു.എ.ഇക്ക്​ ആദരമർപ്പിച്ച്​ ഫുജൈറയിലെ എഫ്​.ജി.ടി സക്കാംകം മാളിൽ പ്രദർശനത്തിനുവെച്ച ചിത്രം വൈകാതെ ഫുജൈറ മ്യൂസിയം ഏറ്റെടുക്കും.

ഫുജൈറയിലെ സ്വകാര്യ സ്​ഥാപനത്തിൽ ജോലി ചെയ്യുന്ന ഷാഫി ത​െൻറ മുദീറായ പി.എ. ഹുസൈ​െൻറ വാക്കുകളിൽനിന്ന്​ പ്രചോദനമുൾക്കൊണ്ടാണ്​ ശൈഖ്​ സായിദിനെ ചിത്രീകരിച്ചത്​. നാട്ടിൽ സിനിമയുടെയും സീരിയലുകളുടെയും അസിറ്റൻറ്​ ഡയറക്​ടറായി ജോലി ചെയ്​തിരുന്ന ഷാഫിയോട്​ യു.എ.ഇക്കായി വേറിട്ട എന്തെങ്കിലും ചെയ്യാൻ മുദീർ നിർദേശിച്ചിരുന്നു.

അന്ന്​ മുതൽ മനസ്സിൽ കൊണ്ടുനടന്ന ആശയമാണിത്​. ബിൽഡിങ്​ മെറ്റീരിയൽസ്​ സ്​ഥാപനത്തിൽ ജോലി ചെയ്യുന്ന ഷാഫി അവിടെ നിന്നുള്ള ഉൽപന്നങ്ങൾ ​ഉപയോഗിച്ചാണ്​ വര പൂർത്തിയാക്കിയത്​. ജോലി കഴിഞ്ഞ്​ റൂമിലെത്തി രാത്രി എട്ട്​ മുതൽ 12 വരെ സമയം ചെലവഴിച്ചാണ്​ ഇത്​ പൂർത്തിയാക്കിയത്​. കഴിഞ്ഞ ദിവസം ഇതിന്​ യൂനിവേഴ്​സൽ റെക്കോഡ്​ ഫോറത്തി​െൻറ (യു.ആർ.എഫ്​) ഏഷ്യൻ റെക്കോഡ്​ ലഭിച്ചിരുന്നു.ഷാഫി വരച്ച ശൈഖ്​ സായിദി​െൻറ മറ്റൊരു ചിത്രവും ഫുജൈറ മ്യൂസിയത്തിലുണ്ട്. ഫുജൈറ ഭരണാധികാരി ശൈഖ്​ ഹമദ് ബിൻ മുഹമ്മദ് ആലി ശർഖിയെ വരച്ച്​ അദ്ദേഹത്തിന് നേരിട്ട് സമർപ്പിക്കാനുള്ള ഭാഗ്യവും ഷാഫിക്ക്​ ലഭിച്ചു. ഇതിന്​ സമ്മാനവും അദ്ദേഹം നൽകിയിരുന്നു.ശൈഖ്​ സായിദി​െൻറ കാഴ്ചപ്പാടുകളാണ്​ ഈ വരക്ക്​ പ്രചോദനമെന്ന്​ ഷാഫി പറയുന്നു. അദ്ദേഹത്തി​െൻറ നേട്ടങ്ങൾ വലിയ പ്രചോദനമാണ്​. ഫുജൈറയിൽ താമസിക്കുന്ന സമയത്ത്​ ഷോർട്ട്​ ഫിലിമുകൾക്കായി കഥയെഴുതുന്നുമുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Syed Shafidraws Sheikh Zayed
Next Story