ജുമൈറ ഉമർ ബിൻ ഖത്താബ്​ പള്ളിയിൽ  മധുരമൂറും ഖുർആൻ പാരായണം

ദുബൈ: ജുമൈറയിലെ അൽ ഫാറൂഖ്​ ഉമർ ബിൻ ഖത്താബ മസ്​ജിദിൽ രാത്രി നമസ്​കാരങ്ങൾക്ക്​ നേതൃത്വം നൽകാൻ ലോക പ്രശസ്​ത ഖാരിഉകൾ (ഖുർആൻ പാരായണ വിദഗ്​ധർ) ഇക്കുറിയുമെത്തും. സാംസ്​കാരിക ഉപദേഷ്​ടാവ്​ ഡോ. ഫാരിസ്​ അലി അൽ മുസ്​തഫക്ക്​ പുറമെ സൗദി, ബഹ്​റൈൻ എന്നിവിടങ്ങളിൽ നിന്നാണ്​ പണ്ഡിതർ എത്തുന്നത്​.

റമദാൻ ഒന്നു മുതൽ നാലു വരെ ഡോ. ഫാരിസ്​ അലി അൽ മുസ്​തഫയാണ്​ നേതൃത്വം നൽകുക. 5-9 വരെ ശൈഖ്​ സാലിഹ്​ സയിദ്​ മുഹമ്മദ്​ അൽ അൻസാരി (സൗദി), 10-15 ശൈഖ്​ അബ്​ദുൽ അസീസ്​ സലീം അൽ സഹ്​റാനി(സൗദി),16-20 വരെ ശൈഖ്​ മുഹമ്മദ്​ മുബാറക്​ അബ്​ദുല്ല മുബാറക്​ (ബഹ്​റൈൻ), 21-29 വരെ ഡോ. ഫാരിസ്​ അലി അൽ മുസ്​തഫ എന്നിങ്ങനെയാണ്​ ഷെഡ്യൂൾ. വിശാലമായ സൗകര്യങ്ങളുള്ള മനോഹരമായ ഇഫ്​താർ ട​​െൻറും ഒരുക്കുന്നുണ്ട്​.  

മുസ്​ലിംകൾക്ക്​ പുറമെ സഹോദര സമൂഹ  അംഗങ്ങളെയും റമദാ​​​െൻറ സൗന്ദര്യം ആസ്വദിക്കാനും ഇഫ്​താർ വിരുന്നിൽ പങ്കുചേരാനും സ​​െൻറർ സ്വാഗതം ചെയ്യുന്നു. അസർ നമസ്​കാര ശേഷവും പ്രഭാഷണമുണ്ട്​. റമദാ​​​െൻറ സംസ്​കാരം സമൂഹവുമായി പങ്കുവെക്കുന്നതിൽ ​മസ്​ജിദും സ​​െൻററും ഒാരോ വർഷവും മികച്ച പ്രവർത്തനങ്ങൾ നടത്തുന്നതായും ഒരു ലക്ഷം പേരെ പ്രതീക്ഷിക്കുന്നതായും ജനറൽ മാനേജർ അബ്​ദുൽ സലാം മർസൂഖി അറിയിച്ചു.