സൂപ്പർ സ്​പോർട്​സ്​ കാറിൽ ആംബുലൻസ്​; വേഗം 200 കിലോമീറ്റർ

ദുബൈ: രോഗികളെ കണ്ണടച്ചു തുറക്കും മുമ്പ്​ ആശുപത്രിയിലെത്തിക്കാൻ സൂപ്പർ സ്​പോർട്​സ്​ കാർ ആംബുലൻസ്​. ദുബൈ കോർപറേഷൻ ഫോർ ആംബുലൻസ്​ സർവീസ്​ (ഡി.സി.എ.എസ്​.) ആണ്​ പുതിയ കാർ രംഗത്തിറക്കിയിരിക്കുന്നത്​. വേൾഡ്​ ട്രേഡ്​ സ​​െൻററിൽ നടക്കുന്ന അറബ്​ ആരോഗ്യ സമ്മേളനത്തിൽ പ്രദർശിപ്പിച്ചിരിക്കുന്ന കാർ സിറ്റി വാക്ക്​ കേന്ദ്രീകരിച്ചായിരിക്കും പ്രവർത്തിക്കുക. അതിവേഗ പാതകളിലും ഒാഫ്​ റോഡിലും ഒരുപോലെ ഉപ​യോഗിക്കാനാവും വിധമാണ്​ കാർ രൂപകൽപ്പന ചെയ്​തിരിക്കുന്നത്​. അടിയന്തര ഘട്ടങ്ങളിൽ പ്രഥമശുശ്രൂഷയടക്കമുള്ള ചികിൽസ ലഭ്യമാക്കാനുള്ള സജ്ജീകരണങ്ങൾ ഇതിലുണ്ട്​. പദ്ധതി വിജയമാണെങ്കിൽ ഇത്തരം കൂടുതൽ കാറുകൾ ഏർപ്പെടുത്താനും ലക്ഷ്യമിടുന്നുണ്ടെന്ന്​ ഡി.സി.എ.എസ്​. പ്രതിനിധികൾ പറഞ്ഞു. 11 വയസിൽ താഴെ പ്രായമുള്ള കുട്ടികൾക്കും ഗർഭിണികൾക്കും സഹായമെത്തിക്കുന്നതിന്​ നേരത്തെ ബൈസൈക്കിൾ ആംബുലൻസ്​ ഏർപ്പെടുത്തിയിരുന്നു.