ദുബൈയിലെ ആദ്യ സ്വകാര്യ സ്​കൂൾ സ്​ഥാപക മറിയാമ്മ വർക്കി നിര്യാതയായി

ദുബൈ: ദുബൈയിലെ ആദ്യ സ്വകാര്യ സ്​കൂൾ സ്​ഥാപകയും ജെംസ്​ എജുക്കേഷൻ സ്​ഥാപകനും ചെയർമാനുമായ സണ്ണി വർക്കിയുടെ മാതാവുമായ മറിയാമ്മ വർക്കി (90) നിര്യാതയായി. പത്തനംതിട്ട റാന്നി സ്വദേശിയാണ്​.

വാർധക്യസഹജമായ അസുഖങ്ങളെ തുടർന്ന്​ ദീർഘനാളായി കിടപ്പിലായിരുന്ന അവർ ദുബൈയിലെ മക​െൻറ വസതിയിലാണ്​ മരിച്ചത്​. മൃത​േദഹം ദുബൈയിൽ സംസ്​കരിക്കും.

1968ലാണ്​ മറിയാമ്മയും ഭർത്താവ്​ കെ.എസ്​ വർക്കിയും കുടുംബവും ഗൾഫിലെ തന്നെ ആദ്യ സ്വകാര്യ സ്​കൂളായ ഔവർ ഒാൺ ഇഗ്ലീഷ്​ സ്​കൂൾ സ്​ഥാപിച്ചത്​. യു.എ.ഇയിലെ രാജകുടുംബാംഗങ്ങൾ അടക്കം പ്രമുഖർക്ക്​ ഇഗ്ലീഷ്​ ഭാഷയുടെ ആദ്യാക്ഷരം പകർന്നുകൊടുത്തത്​ ഇവരായിരുന്നു. മിഡിലീസ്​റ്റ്​ ബ്രിട്ടീഷ്​ ബാങ്കിൽ ഉദ്യോഗസ്​ഥനായ ഭർത്താവിനൊപ്പം 1959ലാണ്​ ഇവർ ദുബൈയിലെത്തിയത്​.