സ​ന്തോ​ഷ​ക​ര​മാ​യ വേ​ന​ല്‍ അ​വ​ധി; ‘മെ​ര്‍സാ​ദു’​മാ​യി ആ​ഭ്യ​ന്ത​ര മ​ന്ത്രാ​ല​യം

റാ​സ​ല്‍ഖൈ​മ: വേ​ന​ല്‍ അ​വ​ധി നാ​ളു​ക​ള്‍ സു​ര​ക്ഷി​ത​വും സ​ന്തോ​ഷ​ക​ര​വു​മാ​ക്കാ​ന്‍ ‘മെ​ര്‍സാ​ദ്’ സം​രം​ഭ​വു​മാ​യി റാ​ക് പൊ​ലീ​സ് കു​റ്റാ​ന്വേ​ഷ​ണ വ​കു​പ്പ്. യാ​ത്രാ തി​ര​ക്ക് നി​യ​ന്ത്ര​ണം, പാ​ര്‍പ്പി​ട, വാ​ണി​ജ്യ പ​രി​സ​ര​ങ്ങ​ളി​ല്‍ പ്ര​ത്യേ​ക പ​ട്രോ​ളി​ങ്​ സേ​ന​യു​ടെ സേ​വ​നം തു​ട​ങ്ങി സ​മ​ഗ്ര​മാ​യ സു​ര​ക്ഷ ക്ര​മീ​ക​ര​ണ​ങ്ങ​ളു​ള്‍പ്പെ​ടു​ന്ന​താ​ണ് ‘മെ​ര്‍സാ​ദ്’ പ​ദ്ധ​തി​യെ​ന്ന് റാ​ക് പൊ​ലീ​സ് ക്രി​മി​ന​ല്‍ ഇ​ന്‍വെ​സ്റ്റി​ഗേ​ഷ​ന്‍സ് വ​കു​പ്പ് ഡെ​പ്യൂ​ട്ടി ഡ​യ​റ​ക്ട​ര്‍ ല​ഫ്. കേ​ണ​ല്‍ ജാ​സിം അ​ലി അ​ല്‍ മ​ന്‍സൂ​രി പ​റ​ഞ്ഞു.

മീ​ഡി​യ ആ​ൻ​ഡ്​ പ​ബ്ലി​ക് റി​ലേ​ഷ​ന്‍സ് വ​കു​പ്പി​ന്‍റെ അ​ല്‍ ഐ​ന്‍ അ​ല്‍ സാ​ഹി​റ റേ​ഡി​യോ പ​രി​പാ​ടി​യി​ല്‍ സം​സാ​രി​ക്കു​ക​യാ​യി​രു​ന്നു ജാ​സിം. അ​വ​ധി​ക്കാ​ല​വും യാ​ത്രാ സീ​സ​ണു​ക​ളി​ലും കു​റ്റ​വാ​ളി​ക​ള്‍ കേ​ന്ദ്രീ​ക​രി​ക്കാ​നി​ട​യു​ള്ള പ്ര​ദേ​ശ​ങ്ങ​ളു​ണ്ട്. ബ​ലി​പെ​രു​ന്നാ​ള്‍ ക​ഴി​യു​ന്ന​തോ​ടെ ഈ ​കേ​ന്ദ്ര​ങ്ങ​ളി​ല്‍ സു​ര​ക്ഷ പ​ട്രോ​ളി​ങ് ആ​രം​ഭി​ക്കും. രാ​ജ്യ​ത്തി​ന് പു​റ​ത്ത് അ​വ​ധി​ക്കാ​ലം ചെ​ല​വ​ഴി​ക്കു​ന്ന​വ​ര്‍ താ​മ​സ സ്ഥ​ല​ത്ത് വി​ല​പി​ടി​പ്പു​ള്ള വ​സ്തു​ക്ക​ൾ സൂ​ക്ഷി​ക്കാ​തി​രി​ക്കാ​ന്‍ ശ്ര​ദ്ധി​ക്ക​ണം. വീ​ടു​ക​ള്‍ ഭ​ദ്ര​മാ​യി അ​ട​ക്കു​ന്ന​തി​നൊ​പ്പം ഡി​ജി​റ്റ​ല്‍ സാ​ങ്കേ​തി​ക വി​ദ്യ ഉ​പ​യോ​ഗി​ച്ച് സു​ര​ക്ഷ ശ​ക്ത​മാ​ക്കു​ന്ന​തി​ന് ന​ട​പ​ടി സ്വീ​ക​രി​ക്ക​ണം. അ​വ​രെ നി​രീ​ക്ഷി​ക്കു​ന്ന​തി​നും മോ​ശം സു​ഹൃ​ത്തു​ക്ക​ളു​ടെ വ​ല​യി​ല്‍ വീ​ഴാ​തെ കു​റ്റ​കൃ​ത്യ​ങ്ങ​ളി​ല​ക​പ്പെ​ടാ​തി​രി​ക്കാ​നു​മു​ള്ള ജാ​ഗ്ര​ത പു​ല​ര്‍ത്ത​ണം. യു​വാ​ക്ക​ളു​ടെ​യും കൗ​മാ​ര​ക്കാ​രു​ടെ​യും വി​ഷ​യ​ത്തി​ല്‍ ര​ക്ഷി​താ​ക്ക​ള്‍ ചു​മ​ത​ല​ക​ള്‍ നി​ര്‍വ​ഹി​ക്കേ​ണ്ട ആ​വ​ശ്യ​ക​ത​യും അ​ധി​കൃ​ത​ര്‍ ഓ​ര്‍മി​പ്പി​ച്ചു.

ഒ​ഴി​ഞ്ഞു​കി​ട​ക്കു​ന്ന​തും ഉ​പേ​ക്ഷി​ക്ക​പ്പെ​ട്ട​തു​മാ​യ വീ​ടു​ക​ളു​മാ​യി ബ​ന്ധ​പ്പെ​ട്ട് സ​ര്‍ക്കാ​ര്‍ ഏ​ജ​ന്‍സി​ക​ളു​മാ​യി ഏ​കോ​പ​ന​മു​ണ്ട്. പാ​ര്‍പ്പി​ട​ങ്ങ​ളു​ടെ അ​പ​ക​ട സാ​ധ്യ​ത കു​റ​ക്കു​ന്ന​തി​നു​ള്ള പ​ദ്ധ​തി​ക​ളും ന​ട​പ​ടി​ക​ളും ‘മെ​ര്‍സാ​ദ്’ സം​രം​ഭ​ത്തി​ലു​ള്‍പ്പെ​ടു​ന്ന​താ​യി റാ​ക് പൊ​ലീ​സ് ഓ​പ​റേ​ഷ​ന്‍സ് ക്രൈം ​പ്രി​വ​ന്‍ഷ​ന്‍ വ​കു​പ്പ് മേ​ധാ​വി മേ​ജ​ര്‍ മെ​യ്ദ് ഉ​ബൈ​ദ് അ​ല്‍ ബാ​ഗം പ​റ​ഞ്ഞു. വാ​ഹ​ന​ങ്ങ​ളു​ടെ കാ​ര്യ​ത്തി​ല്‍ ഉ​ട​മ​ക​ള്‍ ജാ​ഗ്ര​ത പാ​ലി​ക്ക​ണ​മെ​ന്നും മേ​ജ​ര്‍ മെ​യ്ദ് നി​ർ​ദേ​ശി​ച്ചു.