മ​ുദ്​ഹിശ്​ വേൾഡിൽ  വേനൽ ചന്തയും

ദുബൈ: മിഡിലീസ്​റ്റിലെ തന്നെ ഏറ്റവും വലിയ ഇൻഡോർ വിനോദ മേളയായ മുദ്​ഹിശ്​ വേൾഡിനെ കൂടുതൽ ആകർഷമാക്കി സമ്മർ ബസാർ. ദുബൈ വേൾഡ്​ ട്രേഡ്​ സ​െൻററിലെ ഏഴാം നമ്പർ ഹാളിലാണ്​  ഷോപ്പിങി​​െൻറ വിസ്​മയ പ്രപഞ്ചം തീർക്കുന്ന വേനൽ ചന്ത. സെപ്​റ്റംബർ നാലിന്​ മുദ്​ഹിശ്​ വേൾഡിന്​ തിരശ്ശീല വീഴും വരെ സമ്മർ ബസാറും പ്രവർത്തിക്കും. 

കരകൗശല വസ്​തുക്കളും വസ്​ത്രങ്ങളും സൗന്ദര്യവർധക വസ്​തുക്കളും കളിപ്പാട്ടങ്ങളും വീട്ടുപകരണങ്ങളുമെല്ലാം ഇവിടെ വിൽപ്പനക്കുണ്ട്​. സ്വദേശീയവും വിദേശീയവുമായ ഭക്ഷണങ്ങളും ഇവിടെ ലഭിക്കും. ഒരു ഭാഗത്ത്​ മുദ്​ഹിശ്​ വേൾഡി​​െൻറ വിനോദ, ഉല്ലാസ പരിപാടികൾ ​പൊടിപൊടിക്കു​േമ്പാൾ മറുഭാഗത്ത്​ ഷോപ്പിങ്ങ്​ നടത്താനുള്ള അവസരമാണ്​ സംഘാടകർ ഒരുക്കിയിരിക്കുന്നത്​. ആറു കൂറ്റൻ ഹാളുകളിലായാണ്​ മുദ്​ഹിശ്​ വേൾഡ്​ പരന്നു​കിടക്കുന്നത്​.  കുട്ടികളെയൂം കുടുംബങ്ങളെയു ഉദ്ദേശിച്ചുള്ള മുദ്​ഹിശ്​ വേൾഡ്​ മധ്യവേനലധിക്കാലത്തെ ദുബൈയുടെ പ്രധാന മേളയാണ്​.

ഗ്ലോബൽ വില്ലേജിൽ ഇന്ത്യ പവലിയൻ വർഷങ്ങളായി നടത്തുന്ന ഇ ഫോർ എൻർടൈൻമ​െൻറാണ്​ സമ്മർ ബസാർ ഒരുക്കിയത്​. ഇന്ത്യ, ചൈന, ഗ്രീസ്​, തുർക്കി, ഇറ്റലി, മലേഷ്യ, തായ്​ലൻറ്​, പാകിസ്​താൻ ,യു.എ.ഇ, യമൻ തുടങ്ങിയ രാജ്യങ്ങളിൽ നിന്നുള്ള ഉത്​പന്നങ്ങളാണ്​ ഇവിടെ എത്തിയിരിക്കുന്നത്​. പ്രവേശനം സൗജന്യമാണ്​. വൈകിട്ട്​ മൂന്നു മുതൽ 11മണിവരെയാണ്​ പ്രവർത്തന സമയം.