സുബി​െൻറ സുവർണ നേട്ടത്തിന്​ ഇരട്ടിമധുരം

ദുബൈ: കഴിഞ്ഞദിവസം ചത്തീസ്ഗഢിലെ ബിമത്രയില്‍ സമാപിച്ച സി.ബി.എസ്​.ഇ ദേശീയ അത്​ലറ്റിക്​ മീറ്റിൽ നിരവധി ഇന്ത്യൻ വിദ്യാർഥികൾ പ​െങ്കടുത്ത്​ സമ്മാനങ്ങൾ നേടി. എന്നാൽ അവരൊന്നും കടക്കാത്ത ഒരു കടമ്പ ചാടിക്കടന്നാണ്​ ദുബൈ ജെ.എസ്​.എസ്​ പ്രൈവറ്റ്​ സ്​കൂളിൽ പഠിക്കുന്ന മാഹി പള്ളൂർ സ്വദേശി സുബിൻ മുസ്​തഫ അണ്ടര്‍ 19 ആണ്‍കുട്ടികളുടെ ഹൈജമ്പിൽ സ്വർണം നേടിയത്​.  പ്ലസ്ടു പരീക്ഷക്ക് ഒരുങ്ങുന്നതിനാല്‍ ചത്തിസ്ഗഢിലെ ദേശീയ മല്‍സരത്തിന് വിടുന്ന കാര്യത്തിൽ മാതാപിതാക്കൾ ആദ്യം അൽപം സംശയത്തിലായിരുന്നു. 

ഏറെ പ്രതീക്ഷ നൽകുന്ന താരമാണെന്നും അവസരം നഷ്​ടപ്പെടുത്തരുതെന്നും സ്​കൂൾ അധികൃതർ പ്രോത്​സാഹിപ്പിച്ചതോടെ പോകാൻ ഒരുക്കം തുടങ്ങി. അപ്പോഴാണ്​ ശ്രദ്ധിക്കുന്നത്​ -പാസ്​പോർട്ട്​ കാലാവധി കഴിഞ്ഞിരിക്കുന്നു.   പുതുക്കാന്‍ ദിവസങ്ങള്‍ വേണ്ടിവരുമെങ്കിലും ദുബൈയിലെ ഇന്ത്യന്‍ കോണ്‍സുലേറ്റ് രക്ഷക്കെത്തിയതിനാൽ ആ കടമ്പ കടന്നു കിട്ടി. അതോടെ സ്​കൂളിനും സുഹൃത്തുക്കൾക്കും പ്രതീക്ഷയേറി. സുബിനുമേലുള്ള സമ്മർദവും. എന്നാൽ  ഹരിയാന, പഞ്ചാബ് താരങ്ങളെ 1.83 മീറ്റര്‍ ഉയരത്തി  ചാടി കടന്നതോടെ സ്വർണം ദുബൈയിലെത്തി.  സ്​കൂളി​​െൻറ അഭിമാനം ഭാര​തത്തോളം ഉയർത്തിയ വിദ്യാർഥിക്ക്​ ഉഗ്രൻ വരവേൽപ്പാണ്​ സ്​കൂളിൽ ഒരുക്കിയത്​. ഒപ്പം മാതാപിതാക്കളെയും  ആദരിച്ചു.   ദമാസ്​ ഫർണീച്ചർ എം.ഡി മുസ്​തഫ എ.കെ.യുടെയും സഫീന അബ്​ദു റഹ്​മാ​​െൻറയും മകനാണ്​ സുബിൻ.  സീഷാൻ, സാഹി, സഹ്​റ എന്നിവരാണ്​ സഹോദരങ്ങൾ.