ഷാര്ജ പ്രകൃതി വാതകം ഉപയോഗിച്ച് വൈദ്യുതി ഉത്പാദിപ്പിക്കും
text_fields
ഷാര്ജ: പ്രകൃതി വാതകം ഉപയോഗിച്ച് വൈദ്യുതി ഉത്പാദിപ്പിക്കാനുള്ള ഷാര്ജയുടെ ശ്രമങ്ങള് വിജയത്തിലേക്ക്. ഷാര്ജ നാഷണല് ഓയില് കോര്പ്പറേഷനും (എസ്.എന്.ഒ.സി) ഷാര്ജ ജല-വൈദ്യുത വിഭാഗവും ഇതു സംബന്ധിച്ച കരാറുകളില് ഒപ്പു വെച്ചു.
എസ്.എന്.ഒ.സി ഡെപ്യൂട്ടി ചെയര്മാന് ശൈഖ് സുല്ത്താന് ബിന് അഹമ്മദ് ആല് ഖാസിമിയും സേവ ചെയര്മാന് ഡോ. റഷീദ് ആല് ലീമും ചേര്ന്നാണ് കരാറുകള് ഒപ്പിട്ടത്. ഹംറിയ തുറമുഖത്ത് പ്രവര്ത്തിക്കുന്ന മൂന്ന് പവര് സ്റ്റേഷനുകളിലാണ് ദ്രവ രൂപത്തിലുളള പ്രകൃതി വാതകം ഉപയോഗിച്ച് തുടക്കത്തില് വൈദ്യുതി ഉത്പാദിപ്പിക്കുക. 2019 തുടക്കത്തില് ഇത് പ്രാവര്ത്തികമാകും.
ഹംറിയ തുറമുഖം വഴി യു.എ.ഇയിലെ മറ്റിടങ്ങളിലേക്ക് പ്രകൃതി വാതകം വിതരണം ചെയ്യാനുള്ള സംവിധാനവും ഒരുക്കും. ജര്മന് കമ്പനിയായ യൂനിപറുമായി ചേര്ന്നാണ് പദ്ധതിക്ക് രൂപം നല്കിയിരിക്കുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.