വിദ്യാർഥികൾ നിർമിച്ച ഉപഗ്രഹം ഭ്രമണപഥത്തിൽ

ദുബൈ: യു.എ.ഇയിലെ വിദ്യാർഥികൾ രൂപകൽപന ചെയ്​ത രണ്ടാമത്തെ ഉപഗ്രഹം 'ദാബിസാറ്റ്​' ഭ്രമണപഥത്തിലെത്തി.അന്താരാഷ്​ട്ര ബഹിരാകാശ കേന്ദ്രത്തിൽനിന്ന്​ പുറപ്പെട്ട്​ സങ്കീർണതകളില്ലാതെയാണ്​ 'ക്യൂബ്​ സാറ്റ്​' വിഭാഗത്തിൽപെട്ട ഉപഗ്രഹം ഭ്രമണപഥത്തിൽ ഇറങ്ങിയതെന്ന്​ ​ഖലീഫ ശാസ്​ത്ര-സാ​ങ്കേതിക സർവകലാശാലയും അൽ യാഷ്​ സാറ്റ്​ലൈറ്റ്​ കമ്യൂണിക്കേഷൻ കമ്പനിയും അറിയിച്ചു.

ഖലീഫ സർവകലാശാല വിദ്യാർഥികളാണ്​ ഉപഗ്രഹം രൂപകൽപന ചെയ്​തത്​. സാറ്റ്​​െലെറ്റി​െൻറ രൂപകൽപനയും നിർമാണവും യാഷ്​സാറ്റ്​ സ്​പേ​സ്​ ലാബിലാണ്​. ബഹിരാകാശ ദൗത്യത്തിന്​ വലിയ പ്രാധാന്യം നൽകുന്ന യു.എ.ഇയിലെ വിദ്യാർഥികളെ സോഫ്​റ്റ്​വെയർ മൊഡ്യൂളുകൾ രൂപകൽപന ചെയ്യാനും നടപ്പാക്കാനും പരീക്ഷിക്കാനും പ്രാപ്​തരാക്കുകയാണ് ഉപഗ്രഹത്തി​െൻറ പ്രാഥമിക ദൗത്യം.

ഉപഗ്രഹത്തി​െൻറ പ്രവർത്തനം വിജയകരമായി പൂർത്തിയായാൽ ഭാവിയിലെ പദ്ധതികൾക്ക്​ സഹായകമാകും. ഭാവിയിൽ മറ്റൊരു 'ക്യൂബ്​സാറ്റ്​' നിർമിക്കാൻ വിദ്യാർഥികൾ ആസൂത്രണം ചെയ്യുന്നതായി സർവകലാശാല എക്​സിക്യൂട്ടിവ്​ വൈസ്​ പ്രസിഡൻറ്​ ഡോ. ആരിഫ്​ സുൽത്താൻ അൽ ഹമ്മാദി പറഞ്ഞു.

ലോകത്തെ ബഹിരാകാശ ശക്തിയെന്ന നിലയിലേക്ക്​ യു.എ.ഇ വളരാൻ തുടങ്ങുന്ന ഘട്ടത്തിൽ, കൂടുതൽ ശാസ്ത്രീയ കഴിവുകളും മനുഷ്യമൂലധനവും സൃഷ്​ടിക്കാൻ സർവകലാശാല ആഗ്രഹിക്കുന്നു. പ്രത്യേകിച്ച്​ ബഹിരാകാശ ശാസ്ത്ര മേഖലയിൽ അക്കാദമിക-വ്യവസായ പങ്കാളികൾക്കൊപ്പം ചേർന്നാണ്​ ഈ ദൗത്യം പൂർത്തീകരിക്കുക -അദ്ദേഹം പറഞ്ഞു. വിദ്യാർഥികൾ രൂപകൽപന ചെയ്​ത 'മൈസാറ്റ്​-1' എന്ന ഉപഗ്രഹം 2019 ഫെബ്രുവരിയിൽ വിക്ഷേപിച്ചിരുന്നു.