അപകടകരമായ വസ്​തുക്കളുമായി സ്​റ്റേഡിയങ്ങളിൽ കടക്കുന്നത്​ നിരോധിച്ചു

അബൂദബി: ദേഹോപദ്രവമുണ്ടാക്കാൻ കഴിയുന്ന ഏതെങ്കിലും തരത്തിലുള്ള സാധനങ്ങളുമായി സ്​റ്റേഡിയങ്ങളിൽ പ്രവേശിക്കു ന്നത്​ യു.എ.ഇ. സർക്കാർ വിലക്കി. ക്രിക്കറ്റ്​, ഫുട്​ബാൾ, ടെന്നീസ്​ തുടങ്ങി നിരവധി മൽസരങ്ങൾ വർഷങ്ങൾ മുഴുവൻ നടക്കുന്ന യു.എ.ഇയിൽ വിദേശത്ത്​ നിന്നെത്തുന്ന കായിക പ്രേമികളുടെയടക്കം സുരക്ഷയെ കരുതിയാണ്​ നിരോധനം നടപ്പാക്കുന്നതെന്ന്​ പൊലീസ്​ അറിയിച്ചു. ഇത്​ സംബന്ധിച്ച അറിയിപ്പ്​ ബുധനാഴ്​ച സാമൂഹ്യ മാധ്യമങ്ങളിലൂടെയാണ്​ പുറത്തുവിട്ടത്​. ഒപ്പം ലേസർ പേനകൾ, വളർത്തുമൃഗങ്ങൾ, മരുന്നുകൾ, കുട, സിഗരറ്റ്​ എന്നിവ കൊണ്ടുപോകുന്നതിനും വിലക്കുണ്ട്​. ഹസ ബിൻ സായിദ്​ സ്​റ്റേഡിയത്തിൽ നടന്ന ഫിഫ ക്ലബ്​ വേൾഡ്​ കപ്പിൽ അൽ ​െഎൻ, റിവർ പ്ലേറ്റ്​ മൽസരത്തിനിടെ കാണികൾ നിലവിട്ടുപെരുമാറിയത്​ സുരക്ഷാ ഉദ്യോഗസ്​ഥർക്ക്​ തലവേദന സൃഷ്​ടിച്ചിരുന്നു. ഇൗ സാഹചര്യത്തിലാണ്​ നിരോധനം കർശനമാക്കിയത്​.