എസ്.എസ്.എൽ.സി : യു.എ.ഇയിൽ 98.45 ശതമാനം വിജയം; ഏഴ് സ്കൂളുകൾക്ക് നൂറ് മേനി
text_fields
അബൂദബി: കേരള പാഠ്യക്രമത്തിലുള്ള എസ്.എസ്.എൽ.സി പരീക്ഷയിൽ യു.എ.ഇക്ക് 98.45 ശതമാനം വിജയം. ഗൾഫ് മേഖലയിൽ യു.എ.ഇയിൽ മാത്രമാണ് കേരള എസ്.എസ്.എൽ.സി പരീക്ഷ നടന്നത്. രാജ്യത്തുനിന്ന് പരീക്ഷ എഴുതിയ 515 വിദ്യാർഥികളിൽ 507 പേർ തുടർ പഠനത്തിന് യോഗ്യത നേടി. പരീക്ഷ നടന്ന ഒമ്പത് സ്കൂളുകളിൽ ഏഴെണ്ണവും സമ്പൂർണ വിജയം കരസ്ഥമാക്കി.
മോഡൽ സ്കൂൾ അബൂദബി, ന്യൂ ഇന്ത്യൻ മോഡൽ സ്കൂൾ (നിംസ്) അൽഐൻ, നിംസ് ഷാർജ, ഇന്ത്യൻ സ്കൂൾ ഫുജൈറ, ഗൾഫ് മോഡൽ സ്കൂൾ ദുബൈ, ഇംഗ്ലീഷ് സ്കൂൾ ഉമ്മുൽഖുവൈൻ, ന്യൂ ഇന്ത്യൻ സ്കൂൾ ഉമ്മുൽഖുവൈൻ എന്നിവയാണ് 100 ശതമാനം വിജയം കരസ്ഥമാക്കിയത്. ന്യൂ ഇന്ത്യൻ മോഡൽ സ്കൂൾ (നിംസ്) ദുബൈ, ന്യൂ ഇന്ത്യൻ എച്ച്.എസ്.എസ് റാസൽഖൈമ എന്നിവക്കാണ് സമ്പൂർണ വിജയം നഷ്ടമായത്. നിംസ് ദുബൈയിൽ ഒരു വിദ്യാർഥി ഫിസിക്സ് പരീക്ഷക്ക് ഹാജരാകാതിരുന്നതിനാലാണ് നൂറുമേനി നഷ്ടമായത്. മറ്റു വിഷയങ്ങളിലെല്ലാം ഇൗ വിദ്യാർഥിക്ക് ഉയർന്ന ഗ്രേഡുണ്ട്.
ന്യൂ ഇന്ത്യൻ എച്ച്.എസ്.എസ് റാസൽഖൈമയിൽ ഏഴ് വിദ്യാർഥികൾക്ക് ഉന്നത വിദ്യാഭ്യാസത്തിന് യോഗ്യത നേടാനായില്ല. െമാത്തം 515 വിദ്യാർഥികളാണ് യു.എ.ഇയിൽനിന്ന് പരീക്ഷ എഴുതിയത്. ഇവരിൽ 36 പേർക്ക് മുഴുവൻ വിഷയങ്ങളിലും 48 വിദ്യാർഥികൾക്ക് ഒമ്പത് വിഷയങ്ങളിലും എ പ്ലസ് ലഭിച്ചു. യു.എ.ഇയിൽ ഏറ്റവും കൂടുതൽ വിദ്യാർഥികളെ പരീക്ഷക്ക് ഇരുത്തിയ മോഡൽ സ്കൂൾ അബൂദബിയിൽ തന്നെയാണ് രാജ്യത്ത് ഏറ്റവും കൂടുതൽ എ പ്ലസുകളും ലഭിച്ചത്.
36 വിദ്യാർഥികൾക്ക് സമ്പൂർണ എ പ്ലസ്
അബൂദബി/ദുബൈ: യു.എ.ഇയിൽ പരീക്ഷ എഴുതിയ 515 വിദ്യാർഥികളിൽ 36 പേർ എല്ലാ വിഷയങ്ങളിലും എ പ്ലസോടെ മികച്ച വിജയം കരസ്ഥമാക്കി. 48 വിദ്യാർഥികൾക്ക് ഒമ്പത് വിഷയങ്ങളിൽ എ പ്ലസുണ്ട്. അബൂദബി മോഡൽ സ്കൂളിൽ പരീക്ഷ എഴുതിയ 141 വിദ്യാർഥികളിൽ മുഴുവൻ പേരും വിജയിച്ചു. 24 പേർക്ക് പത്ത് വിഷയങ്ങളിലും 27 പേർക്ക് ഒമ്പത് വിഷയങ്ങളിലും എ പ്ലസ് ലഭിച്ചു. ആസിയ ബൈജു മുഹമ്മദ്, ഫർസാന, ഫാത്തിമ സിയ ബാസിത്ത്, ഗിഫ്റ്റി സൂസൻ തോമസ്, ഗൗരി ഗോപൻ, ഹിബ താജുദ്ദീൻ, റഹീന മറിയം, റിഹാന അബ്ദുൽ ജലീൽ, റിഫ സഇൗദ്, താര സക്കീർ ഹുസൈൻ, സുഹ മുസ്തഫ, ക്രിസ്റ്റി സൂസൻ, ഫാത്തിമ ഫിദ, വഹീദ ജാബിർ, അബ്ദുസ്സമീഅ്, ഹംദാൻ, ഹൻസിൽ ഹൈദർ അലി, ഹരികൃഷ്ണ തെക്കേപുരയിൽ, ഹാരിസ് വർഗീസ്, മഷൂഖ് ബശീർ, മുഹമ്മദ് അജാസ്, മുഹമ്മദ് ഫഹീം, മുഹമ്മദ് സിനാൻ, ഷാസിൻ അഹമദ് എന്നിവരാണ് അബൂദബി മോഡൽ സ്കൂളിൽനിന്ന് മുഴുവൻ വിഷയങ്ങളിലും എപ്ലസ് നേടിയവർ.
25 ആൺകുട്ടികളും 24 പെൺകുട്ടികളുമടക്കം 49 വിദ്യാർഥികൾ പരീക്ഷ എഴുതിയ നിംസ് ദുബൈയിൽ 48 പേർ തുടർ വിദ്യാഭ്യാസത്തിന് യോഗ്യത നേടി. നാലുപേർക്ക് എല്ലാ വിഷയങ്ങളിലും എ പ്ലസ് ലഭിച്ചു. ഏഴുപേർക്ക് ഒമ്പത് വിഷയങ്ങളിൽ എ പ്ലസ് കിട്ടി. സഹ്ല ഷാജഹാൻ, ദിയ ആമിന, ജൊഹാന ആൻ നിബു, ഗൗതം വിനോദ് കുമാർ എന്നിവരാണ് ഇൗ സ്കൂളിൽനിന്ന് സമ്പൂർണ എ പ്ലസ് നേടിയത്. 51 പേർ പരീക്ഷ എഴുതിയ ഗൾഫ് മോഡൽ സ്കൂൾ ദുബൈയിൽ മുഴുവൻ കുട്ടികളും വിജയിച്ചു. വഫീഖ ബിൻത് ഹാഷിം എല്ലാ വിഷയങ്ങളിലും എ പ്ലസ് കരസ്ഥമാക്കി. ഒരു വിദ്യാർഥിക്ക് ഒമ്പത് വിഷയങ്ങളിൽ എ പ്ലസ് ലഭിച്ചു.
ന്യൂ ഇന്ത്യൻ മോഡൽ സ്കൂൾ ഷാർജയിൽ പരീക്ഷയെഴുതിയ 50 വിദ്യാർഥികളും ജയിച്ചു. റിജിയ അബ്ദുൽ മജീദ്, സോനാ സോണി എന്നിവർക്ക്
മുഴുവൻ വിഷയങ്ങളിലും എ പ്ലസ് ലഭിച്ചു. മിനാസ് റഫീ, മിസ്ന ലത്തീഫ്,ഷാഹില സഫർ, ഫഹീമ കോടംബി എന്നിവർക്ക് ഒമ്പത് വിഷയത്തിൽ എ പ്ലസും ഒന്നിൽ എയും ലഭിച്ചു.
ഇന്ത്യൻ സ്കൂൾ ഫുജൈറയിൽ പരീക്ഷക്ക് ഹാജരായ 60 പേരും വിജയിച്ചു. മൂന്നുപേർക്ക് സമ്പൂർണ എ പ്ലസ് ലഭിച്ചു. ആൻ മറിയ, സാലിഹ മുഹമ്മദലി, കൃഷ്ണ നമ്പൂതിരി മാധവൻ എന്നിവർക്കാണ് സമ്പൂർണ എ പ്ലസ്. ഫാത്തിമ അസീമ അബ്ദുല് കരീം, ലക്ഷ്മി നിവേദിത പുളിക്കംബേത്ത്, മാനസ സുനില് എന്നിവർക്ക് ഒമ്പത് വിഷയങ്ങളിൽ എ പ്ലസ് കിട്ടി. ന്യൂ ഇന്ത്യൻ സ്കൂൾ ഉമ്മുൽഖുവൈനിൽ എല്ലാവരും വിജയം നേടി. ഇന്ത്യ, പകിസ്തന്, ബംഗ്ലാദേശ് തുടങ്ങിയ രാജ്യങ്ങളില് നിന്നുള്ള 42 വിദ്യാര്ഥികളാണ് ഈ വര്ഷം പരീക്ഷ എഴുതിയത്. ഇതില് 32ഉം മലയാളി വിദ്യാര്ഥികളാണ്. സോതി തമ്പി,അമീന ബരീര് എന്നിവര് മുഴുവന് വിഷയങ്ങളിലും എ പ്ലസ് കരസ്ഥമാക്കി. സഫ്ന ഖലീൽ ഒമ്പത് വിഷയത്തിൽ എ പ്ലസ് നേടി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.