വിദ്യാഭ്യാസ സ്ഥാപനങ്ങൾക്ക്​ വസന്തകാല അവധി 9 മുതൽ

ദുബൈ: രാജ്യത്തെ സ്കൂളുകൾക്കും ഉന്നതവിദ്യാഭ്യാസ സ്ഥാപനങ്ങൾക്കും വസന്തകാല അവധി നേരത്തെയാക്കി അധികൃതർ. മാർച്ച്​ 9മുതൽ 22വരെയാണ്​ അവധി. അക്കാദമിക്​ കലണ്ടർ പ്രകാരം മാർച്ച്​ 16മുതൽ 29 വരെയാണ്​ അവധി നിശ്​ചയിച്ചിരുന്നത്​.

വിദ്യാഭ്യാസ മന്ത്രാലയവും ഉന്നതവിദ്യാഭ്യാസ, ശാസ്​ത്ര ഗവേഷണ മന്ത്രാലയവും ചേർന്നാണ്​ പുതുക്കിയ തിയ്യതി പ്രഖ്യാപിച്ചത്. എല്ലാ പൊതു, സ്വകാര്യ സ്കൂൾ വിദ്യാർഥികൾക്കും ജീവനക്കാർക്കും ബാധകമാണ്​. ​പ്രവൃത്തിദിനങ്ങൾ മാർച്ച്​ 23ന്​ പുനരാരംഭിക്കുമെന്നും അധികൃതർ വ്യക്​തമാക്കി. മേഖലയിലെ സംഘർഷ സാഹചര്യത്തിൽ കഴിഞ്ഞ ദിവസങ്ങളിൽ ഓൺലൈൻ പഠനമാണ്​ രാജ്യത്ത്​ നിലവിലുള്ളത്​.