പ്രവാസികൾക്കും കായിക മേളകളിൽ യു.എ.ഇയെ പ്രതിനിധീകരിക്കാം

അബൂദബി: ജീവിത സാഹചര്യങ്ങളെതുടർന്ന്​ കായിക ജീവിതത്തിന്​ അർധവിരാമമിട്ട്​  യു.എ.ഇയിൽ പ്രവാസ ജീവിതം നയിക്കുന്ന ഇന്ത്യക്കാരുൾപ്പെടെയുള്ള യുവാക്കൾക്ക് സന്തോഷ വാർത്ത. ​ യു.എ.ഇയിലെ താമസക്കാരായ എല്ലാ രാജ്യക്കാർക്കും കായിക മത്സരങ്ങളിൽ യു.എ.ഇയെ പ്രതിനിധീകരിക്കാൻ അനുമതി നൽകുന്ന പുതിയ ഫെഡറൽ നിയമത്തിന്​ യു.എ.ഇ മന്ത്രിസഭ അംഗീകാരം നൽകി. ലോക കായിക ചരിത്രത്തിൽ സഹിഷ്​ണുതയുടെയും സഹവർത്തിത്വത്തി​​​െൻറയും പുത്തൻ അധ്യായം അധ്യായം തുറക്കുന്ന നിയമം പ്രസിഡൻറ്​ ശൈഖ്​ ഖലീഫ ബിൻ സായിദ്​ ആൽ നഹ്​യാ​​​െൻറ നിർദേശാനുസരണമാണ്​ നിലവിൽ വരുന്നത്​.

കായിക മികവുണ്ടായിട്ടും മത്സരങ്ങളിൽ നിന്നു മാറി നിൽക്കേണ്ടി വന്ന വലിയ ഒരു വിഭാഗത്തിന്​ അത്യാഹ്ലാദം പകരുന്നതാണ്​ ഇൗ തീരുമാനം. ഇമറാത്തി മാതാക്കളുടെ മക്കൾ, യു.എ.ഇ പാസ്​പോർട്ട്​ ഉള്ളവർ, യു.എ.ഇയിൽ ജനിച്ചവർ, ഏതു രാജ്യങ്ങളിൽ നിന്നുമുള്ള താമസക്കാർ എന്നിങ്ങനെയുള്ളവർക്കെല്ലാം ഇനി രാജ്യത്തു നടക്കുന്ന കായിക മേളകളിൽ യു.എ.ഇ ജഴ്​സിയണിഞ്ഞ്​ ഗ്രൗണ്ടിലിറങ്ങാം.  

​െഎതിഹാസിക തീരുമാനമാണിതെന്ന്​ അബൂദബി പൊലീസ്​ കമാൻഡർ ഇൻ ചീഫും ജനറൽ അതോറിറ്റി ഒാഫ്​ സ്​പോർട്​്​സ്​ ഡയറക്​ടർ ബോർഡ്​ ചെയർമാനുമായ മേജർ ജനറൽ മുഹമ്മദ്​ ഖൽഫാൻ അൽ റുമൈതി അഭിപ്രായപ്പെട്ടു. സഹിഷ്​ണുത, സമാധാനം, ​സ്​നേഹം എന്നിവ സമൂഹത്തി​​​െൻറ എല്ലാ മേഖലയിലും പ്രസരിപ്പിക്കുകയാണ്​ ഇൗ നടപടി വഴി യു.എ.ഇയെന്നും അബുദബി സ്​പോർട്​സ്​ കൗൺസിലിൽ നടത്തിയ വാർത്താ സമ്മേളനത്തിൽ അദ്ദേഹം ചൂണ്ടിക്കാട്ടി.  സെക്രട്ടറി ജനറൽ  ആരിഫ്​ അൽ അവാനിയും സംബന്ധിച്ചു.