യു.എ.ഇയുടെ ഹൃദയം നുറുങ്ങിയ സായാഹ്നം

ദുബൈ: ജയിക്കുമെന്നായിരുന്നു പ്രതീക്ഷ. 2007ലും 2013 ലും മുത്തമിട്ട, മൂന്ന്​ തവണ ഫൈനലിൽ കൈവിട്ടുപോയ ഗൾഫ്​ കപ്പ്​ ഇക്കുറി യു.എ.ഇയുടെ അലമാരയിൽ ഇരിക്കുമെന്ന്​ എല്ലാവരും കരുതി​. കുവൈത്ത്​ സിറ്റി ജാബിർ സ്​റ്റേഡിയത്തിലേക്ക്​ യു.എ.ഇ സർക്കാർ ദേശീയ ടീമി​​​െൻറ ആരാധകർക്ക്​ സൗജന്യ വിമാന സർവീസ്​ വരെ ഏർപ്പെടുത്തിയിരുന്നു. ഷാർജ ആറ്​ വിമാനങ്ങൾ മാറ്റിവച്ചപ്പോൾ ദുബൈ എ380 വിമാനംകൊണ്ട്​​ ഷട്ടിൽ സർവീസ്​ വരെ നടത്തി. നൂറുകണക്കിന്​ പേരാണ്​ ടീമിന്​ ആവേശം പകരാൻ കുവൈത്തിലേക്ക്​ പോയത്​. കളികമ്പക്കാരായ യുവാക്കളും മധ്യവയസ്​കരും ഇക്കൂട്ടത്തിൽ ഉണ്ടായിരുന്നു. വിജയം തൊട്ട്​ നിൽക്കുന്ന തോൽവിയാണ്​ യു.എ.ഇക്ക്​ ഉണ്ടായതെന്ന്​ വേണമെങ്കിൽ ആശ്വസിക്കാം. കളിയുടെ ഒരു ഘട്ടത്തിലും യു.എ.ഇയുടെ പ്രതിരോധക്കോട്ട കുലുക്കാൻ ഒമാന്​ കഴിഞ്ഞില്ല. തുടരൻ ആക്രമണവുമായി കളം നിറഞ്ഞ ഒമാൻ യു.എ.ഇയുടെ പ്രതി​േരാധ നിരയിൽ തട്ടി തകരുന്ന കാഴ്​ചയാണ്​ കണ്ടത്​. ഉദ്​ഘാടന ദിവസം ഒമാനെതിരെ നേടിയ ഒരുഗോൾ മാത്രമാണ്​ എമിറേറ്റ്​സി​​​​െൻറ സമ്പാദ്യം​. ഫൈനൽവരെയുള്ള കളിയിൽ ഒരുഗോളും യു.എ.ഇ വഴങ്ങിയുമില്ല​.

ഗോൾ കീപ്പർ ഖാലിദ്​ ഇൗസയുടെ ചോരാത്ത കൈകൾ​ യു.എ.ഇയെ ഫൈനൽ വരെ താങ്ങിപ്പിടിച്ചു​. കലാശപ്പോരിലും മിന്നുന്ന സേവുകളുമായി ഖാലിദ്​ ഇൗസ കൈയടി നേടി. 37ാം മിനിറ്റിൽ ഒമാ​​​െൻറ ഗോൾ ശ്രമം അദ്ദേഹം പറന്നുപിടിച്ചു. രണ്ടാം പകുതി തുടങ്ങിയത്​ യു.എ.ഇയുടെ ​മുന്നേറ്റത്തോടെയാണ്​. ഒമാൻ ആക്രമണം അഴിച്ചുവിട്ടുവെങ്കിലും 54ാം മിനിറ്റിൽ ഗോൾകീപ്പറുടെ മികച്ച സേവ്​ യു.എ.ഇയെ രക്ഷിച്ചു. ബോക്​സിനകത്തുനിന്നുള്ള ഹെഡർ കോർണർ വഴങ്ങി ഒഴിവാക്കുകയായിരുന്നു. 61ാം മിനിറ്റിൽ വീണ്ടും പരീക്ഷണം. രണ്ടാം പകുതിയിൽ ഏറെ മെച്ചപ്പെട്ട കളി കാഴ്​ചവെച്ച യു.എ.ഇ എക്​സ്​ട്രാ ടൈമിൽ മനോഹരമായ ഫുട്​ബാൾ പുറത്തെടുത്തത്​. ഗോൾപോസ്​റ്റിലേക്ക്​ ഒമാൻ പത്തുതവണ കൃത്യതയോടെ ലക്ഷ്യം വെച്ചപ്പോൾ യു.എ.ഇ ആറുതവണ പോസ്​റ്റിലേക്ക്​ ഷോട്ടുതിർത്തു. ഒമാന്​ അനുകൂലമായി 11 കോർണർ ലഭിച്ചപ്പോൾ ഒരു കോർണറേ അവർ വഴങ്ങിയുള്ളൂ. യു.എ.ഇ 20 ഫൗൾ വരുത്തി. 

11 എണ്ണവുമായി ഒമാനും പരുക്കൻ കളിയിൽ ഒപ്പം നിന്നു. ഇരുടീമുകളം ആറ്​ വീതം ഒാഫ്​സൈഡുകളാണ്​ വരുത്തിയത്​. രണ്ട്​ ഒമാൻ താരങ്ങൾക്കും ഒരു യു.എ.ഇ താരത്തിനും മഞ്ഞക്കാർഡ്​ കിട്ടി. ഒമാനും യു.എ.ഇയും തമ്മിൽ നടന്ന ആദ്യ കളി​യിൽ യു.എ.ഇ വലയിലിട്ടു നൽകിയ ഗോൾ തിരിച്ചുനൽകാൻ ഒമാന്​ കഴിഞ്ഞില്ല. ഉദ്​ഘാടന മത്സരത്തിൽ മബ്​ഖൂതിലൂടെ നേടിയ ഗോളിനാണ്​ അന്ന്​ യു.എ.ഇ വിജയിച്ചത്​.