ബന്ധുവും സ്​പോൺസറും ചേർന്ന്​ പിടിച്ചെടുത്ത സ്​ഥാപനം യഥാർഥ ഉടമക്ക്​ നൽകാൻ അപ്പീൽ കോടതി വിധി

ദുബൈ: യഥാർഥ ഉടമയെ പുറത്താക്കി അനന്തിരവ​​​െൻറ ഭാര്യയും സ്​പോൺസറും ചേർന്ന്​ സ്വന്തം പേരിലാക്കിയ കമ്പനി യഥാർഥ ഉടമക്ക്​ നൽകാൻ അപ്പീൽ കോടതി വിധി. തൃശൂർ വടക്കേക്കാട്​ സ്വദേശി ഉസ്​മാൻ 2011ൽ ഉമ്മുൽഖുവൈനിൽ ആരംഭിച്ച അൽവാദി ഫ്ലവർമില്ലാണ്​ 2015ൽ മറ്റുള്ളവർ ചേർന്ന്​ പിടിച്ചെടുത്തത്​. സ്​പോൺസർഷിപ്പ്​ വ്യവസ്​ഥയിൽ ആരംഭിച്ച കമ്പനിയിൽ എല്ലാ കാര്യങ്ങളും നടത്താനും ബാങ്ക്​ ലോൺ എടുക്കാനുമുള്ള പവർ ഒഫ്​ അറ്റോണി ഉസ്​മാ​​​െൻറ പേരിൽ നൽകിയിരുന്നു.  അതിനിടയിൽ സഹോദരി പുത്രനും ഭാര്യയും ചേർന്ന്​ ഉസ്​മാനെ കമ്പനിയിൽ നിന്ന്​ പുറത്താക്കുകയും 51 ശതമാനം ഒാഹരി സ്​പോൺസറുടെയും 49 ശതമാനം ഒാഹരി തങ്ങളുടെയും പേരിലേക്ക്​ ചേർക്കുകയുമായിരുന്നു. കമ്പനിയുടെ പദവി എസ്​റ്റാബ്ലിഷ്​മ​​െൻറ്​ എന്നതിൽ നിന്ന്​ എൽ.എൽ.സി ആക്കി മാറ്റുകയും ചെയ്​തു. ബാങ്ക്​ ലോൺ അടക്കാഞ്ഞതു മൂലം ബാധ്യതകൾ ഉസ്​മാ​​​െൻറ പേരിലാവുകയും നടപടികൾ ആരംഭിക്കുകയും ചെയ്​തു. 

വർഷങ്ങളുടെ അധ്വാന ഫലം മുഴുവൻ നഷ്​ടപ്പെടുകയും കടക്കെണിയിലാവുകയും ചെയ്​തതോടെ ഉസ്​മാൻ ദുബൈ അൽ കബ്ബാൻ അഡ്വകറ്റസ്​ സീനിയർ ലീഗൽ കൺസൾട്ടൻറ്​ അഡ്വ. ഷംസുദ്ദീൻ കരുനാഗപ്പള്ളി മുഖേന അനന്തിരവ​​​െൻറ ഭാര്യക്കും സ്​പോൺസർക്കുമെതിരെ ഉമ്മുൽഖുവൈൻ കോടതിയിൽ കേസ്​ ഫയൽ ചെയ്​തു.പ്രാഥമിക കോടതി വിധി ഉസ്​മാന്​ അനുകൂലമായിരുന്നു. കമ്പനി ഉടമ ഉസ്​മാൻ ആണെന്നും ലൈസൻസിയിൽ വരുത്തിയ മാറ്റങ്ങൾ റദ്ദാക്കി പുർവസ്​ഥിതി കൊണ്ടുവരുവാനും കേസിനത്തിൽ ഉസ്​മാന്​ ചെലവായ തുക എതിർ കക്ഷികൾ നൽകാനുമായിരുന്നു വിധി. എന്നാൽ ഇതിനെതിരെ എതിർകക്ഷികൾ നൽകിയ അപ്പീൽ ശരിവെച്ച്​ പ്രാഥമിക കോടതി വിധി അസ്​ഥിരപ്പെടുത്താൻ അപ്പീൽ കോടതി വിധിച്ചു. എന്നാൽ ഇതി​​​െൻറ നിയമപരമായ സാധ്യതകൾ ചോദ്യം ചെയ്​ത്​ ഉസ്​മാ​​​െൻറ അഭിഭാഷകൻ അബുദബി സുപ്രിം കോടതിയെ സമീപിക്കുകയായിരുന്നു.

കേസ്​ പരിഗണിച്ച ​സുപ്രിം കോടതി അപ്പീൽ കോടതി പരിഗണിക്കാതിരുന്ന വസ്​തുതകൾ വിലയിരുത്തി കേസ്​ വീണ്ടും ഫയലിൽ എടുത്ത്​ വിധി കൽപ്പിക്കാൻ ഉമ്മുൽഖുവൈൻ കോടതിയോട്​ നിർദേശിക്കുകയായിരുന്നു. തുടർന്ന്​ ഉമ്മുൽ ഖു​ൈവൻ കോടതി പ്രാഥമിക കോടതി വിധി ശരിവെക്കുകയായിരുന്നു. ഇതോടെ ഉസ്​മാന്​ സ്​ഥാപനം തിരിച്ചുകിട്ടാൻ വഴി തുറന്നിരിക്കയാണ്​. എന്നാൽ ഇത്ര കാലം അന്യായമായി പിടിച്ചെടുത്ത്​ കച്ചവടം നടത്തി ലഭിച്ച മുഴുവൻ ലാഭവും മറ്റു നഷ്​ടപരിഹാരങ്ങളും തേടി വീണ്ടും കേസ്​ നൽകുമെന്ന്​ അഡ്വ. ഷംസുദ്ദീൻ കരുനാഗപ്പള്ളി പറഞ്ഞു.