മക്കളുമൊത്ത്​ സമയം ചെലവിടൂ: രക്ഷിതാക്കൾക്കായി കാമ്പയിൻ തുടങ്ങി

ദുബൈ: കുഞ്ഞുങ്ങളെ കൂടുതൽ ശ്രദ്ധയോടെ പരിപാലിക്കുകയും അവർക്കൊപ്പം കൂടുതൽ സമയം ചെലവഴിക്കുകയും വേണമെന്ന്​ നി ർദേശിച്ച്​ ദുബൈയിൽ പ്രത്യേക കാമ്പയിൻ തുടങ്ങുന്നു. എല്ലാ സർക്കാർ^സ്വകാര്യ സ്​ഥാപനങ്ങളും ഒത്തു ചേർന്ന്​ ഇൗ സന് ദേശം പ്രചരിപ്പിക്കണമെന്നും കുഞ്ഞുങ്ങളുടെ വിഷമങ്ങളും പോരായ്​മകളും പരിഹരിക്കാൻ മാതാപിതാക്കൾ സമയം കണ്ടെത്തി മുൻകൈയെടുക്കുക തന്നെ വേണമെന്നും ദുബൈ പൊലീസ്​ ആൻറ്​ ​പബ്ലിക്​ സെക്യൂരിറ്റി ഡെപ്യൂട്ടി ചെയർമാൻ ലഫ്​.ജനറൽ ദാഹ ി ഖൽഫാൻ തമീം ആഹ്വാനം ചെയ്​തു.
യു.എ.ഇയിലെ മാതാപിതാക്കൾ മക്കൾക്കൊപ്പം ദിവസേന ​െവറും മുപ്പതു മിനിറ്റു മാത്രമാ ണ്​ ചെലവഴിക്കുന്നതെന്നാണ്​ പഠനങ്ങൾ വ്യക്​തമാക്കുന്നത്​. ​മൊബൈൽ ഫോണിലും സമൂഹ മാധ്യമങ്ങളിലും രക്ഷിതാക്കൾ കൂടുതൽ സമയം ചെലവിടുന്നതു കൊണ്ടാണ്​ മക്കളെ വേണ്ട രീതിയിൽ ശ്രദ്ധിക്കാൻ സമയം തികയാത്തത്​. ഇത്​ തികച്ചും ആപൽകരമായ സാഹചര്യമാണെന്നും അദ്ദേഹം ഒാർമിപ്പിച്ചു.
എല്ലാ സ്​കൂളുകളിലും രക്ഷിതാക്കൾക്ക്​ നൽകുവാനായി ബോധവത്​കരണ കത്ത്​ തയ്യാറാക്കി വിതരണം ചെയ്യുമെന്ന്​ വിദ്യാഭ്യാസ മന്ത്രാലയം അണ്ടർ സെക്രട്ടറി മർവാൻ അഹ്​മദ്​ അൽ സവാലീ വ്യക്​തമാക്കി.
മക്കൾക്കൊപ്പം നിൽക്കു, അവർ നിങ്ങൾക്കൊപ്പമുണ്ടാവും എന്നു പേരിട്ട ഒരു മാസം നീളുന്ന കാമ്പയിൻ ജുവനൈൽ അസോസിയേഷ​​​െൻറ ആഭിമുഖ്യത്തിലാണ്​ നടപ്പാക്കുക. വിവിധ സർക്കാർ^സ്വകാര്യ സ്​ഥാപനങ്ങളുടെ പങ്കാളിത്തവും കാമ്പയിനിനുണ്ടാവും. മാതാപിതാക്കളുടെ ശ്രദ്ധ കുറയുന്നത്​ കുഞ്ഞുങ്ങൾ തെറ്റായ ശീലങ്ങളിലേക്കും കൂട്ടുകെട്ടുകളിലേക്കും വീഴുന്നതിനു വഴിയൊരുക്കുന്ന സാഹചര്യത്തിലാണ്​ ഇൗ കാമ്പയിൻ.
കുട്ടികളുടെ പ്രശ്​നങ്ങൾ കൈകാര്യം ചെയ്യുന്നതിന്​ സാമൂഹിക ചികിത്സാലയങ്ങൾ ആരംഭിക്കുന്നതുൾപ്പെടെ നിരവധി നിർദേശങ്ങളും പരിഗണനയിലുണ്ടെന്ന്​ ജുവനൈൽ കെയർ ആൻറ്​ അവയർനെസ്​ അസോസിയേഷൻ സെക്രട്ടറി ജനറൽ ഡോ. മുഹമ്മദ്​ മുറാദ്​ അബ്​ദുല്ല വ്യക്​തമാക്കി. മാതാപിതാക്കൾക്കും കുഞ്ഞുങ്ങൾക്കും ഇവിടെയെത്തി സഹായം തേടുവാൻ കഴിയും. പോയവർഷം അസോസി​യേഷ​​​െൻറ ടോൾഫ്രീ നമ്പറിലേക്ക്​ വിവിധ രാജ്യക്കാരായ 186 കുഞ്ഞുങ്ങളുടെ വിളികളാണ്​ എത്തിയത്​. ഇതിൽ 103 എണ്ണം സ്വദേശി കുട്ടികളുടേതായിരുന്നു.