സ്​പെഷൽ ഒളിമ്പിക്​സ്​ മിന ഗെയിംസിന്​ വർണാഭമായ തുടക്കം

അബൂദബി: ഒമ്പതാമത്​ സ്​പെഷൽ ഒളിമ്പിക്​സ്​ മിന മേഖല ഗെയിംസിന്​ അബൂദബി നാഷനൽ എക്​സിബിഷൻ സ​​െൻററിൽ വർണാഭമായ തുടക്കം. അബൂദബി കിരീടാവകാശിയും യു.എ.ഇ സായുധ സേനാ ഡെപ്യൂട്ടി സുപ്രീം കമാൻഡറുമായ ജനറൽ ശൈഖ് മുഹമ്മദ് ബിൻ സായിദ് ആൽ നഹ്​യാ​​​െൻറ രക്ഷാകർതൃത്വത്തിലാണ്​ കായികമേള നടക്കുന്നത്​. അബൂദബി എക്​സിക്യൂട്ടീവ്​ കൗൺസിൽ ഡെപ്യൂട്ടി ചെയർമാൻ ശൈഖ്​ ഹസ്സ ബിൻ സായിദ്​ ആൽ നഹ്​യാൻ ഉദ്​ഘാടന പരിപാടികളിൽ പ​െങ്കടുത്തു. യു.എ.ഇയുടെ അഭിമാനകരമായ കായിക^ജീവകാരുണ്യ മണ്ഡലങ്ങളിൽ പിന്തുണയാകുന്ന ആഗോള മത്സരമാണ്​ ഇതെന്ന്​ അദ്ദേഹം അഭിപ്രായപ്പെട്ടു. 

ശനിയാഴ്​ച രാത്രി നടന്ന ഉദ്​ഘാടന പരിപാടികളിൽ നിരവധി പേർ പ​െങ്കടുത്തു. 31 രാജ്യങ്ങളിൽനിന്നുള്ള ആയിരത്തിലധികം കായിക താരങ്ങളാണ്​ സ്​പെഷൽ ഒളിമ്പിക്​സ്​ മിന ഗെയിംസിൽ മാറ്റുരക്കുന്നത്​. എട്ട്​ വ്യത്യസ്​ത വേദികളിലായി 16 ഇനങ്ങളിലാണ്​ മത്സരം. അഡ്​നെക്​, സായിദ്​ സ്​പോർട്​സ്​ സിറ്റി, യാസ്​ മറീന സർക്യൂട്ട്​, ന്യൂയോർക്​ സർവകലാശാല അബൂദബി, ഒാഫിസേഴ്​സ്​ ക്ലബ്​, മുബാദല ​െഎ.പി.സി അരേന, അൽ ജസീറ സ്​പോർട്​സ്​ ക്ലബ്​, അൽ ഫോർസാൻ ക്ലബ്​ എന്നിവയാണ്​ വേദികൾ. എല്ലാ വേദികളിലും പൊതു ജനങ്ങൾക്ക്​ പ്രവേശനം അനുവദിക്കും.