അപകടം നടന്നാൽ നമ്പർ ​​ പ്ലേറ്റ്​ ​​െപാലീസിലറിയിക്കും

ദുബൈ: അപകടങ്ങൾ കുറക്കാനുള്ള ശ്രമങ്ങൾക്ക്​ പുറമെ അപകടമുണ്ടായാൽ ഉടൻ രക്ഷാസംവിധാനമൊരുക്കാനും സ്​മാർട്ട്​ നടപടികളുമായി റോഡ്​ ഗതാഗത അതോറിറ്റി (ആർ.ടി.എ). ലോകത്ത്​ ആദ്യമായി സ്​മാർട്ട്​ നമ്പർ പ്ലേറ്റുകൾ അട​​​​ുത്ത മാസം മുതൽ ദുബൈയിൽ പരീക്ഷിക്കാനാണ്​ ആർ.ടി.എ ഒരുങ്ങുന്നത്​. അപകടങ്ങളോ മറ്റെന്തെങ്കിലും അത്യാഹിതമോ ഉ​ണ്ടായാലുടൻ പൊലീസിനും ആംബുലൻസ്​ സേവന കേന്ദ്രത്തിലേക്കും സന്ദേശം എത്തുന്ന രീതിയിലാണ്​ നമ്പർ പ്ലേറ്റുകൾ ക്രമീകരിക്കുന്നത്​. വേൾഡ്​ ട്രേഡ്​ സ​​​െൻററിൽ ഇന്നലെ ആരംഭിച്ച ദുബൈ ഇൻറർനാഷനൽ ഗവർമ​​​െൻറ്​ അച്ചീവ്​മ​​​െൻറ്​സ്​ എക്​സിബിഷനിലാണ്​ പുതിയ നമ്പർ പ്ലേറ്റുകൾ പ്രദർശിപ്പിച്ചിരിക്കുന്നത്​. ജി.പി.എസും ട്രാൻസ്​മിറ്ററും മൈക്രോ ​ചിപ്പുമാണ്​ ഇൗ ഡിജിറ്റൽ ​പ്ലേറ്റിലുണ്ടാവുക.

വാഹനത്തെയും ഡ്രൈവറുടെ രീതികളും കൺട്രോൾ സ​​​െൻററിലിരുന്ന്​ നിരീക്ഷിക്കാനും ആവശ്യാനുസരണം നിർദേശം നൽകാനും പുതിയ സംവിധാനം വഴി സാധിക്കും. ഇൗ നമ്പർ പ്ലേറ്റിൽ അധിഷ്​ഠിതമായി ഫീസുകളും ഫൈനുകളും അടക്കാനും മറ്റും കഴിയുമെന്നതിനാൽ ഉപഭോക്​തൃ സേവന കേന്ദ്രങ്ങളിലേക്ക്​ പോകുന്ന സമയം പോലും ലാഭിക്കാനാകുമെന്ന്​ ആർ.ടി.എ ലൈസൻസിങ്​ വിഭാഗം ഡയറക്​ടർ സുൽത്താൻ അൽ മർസൂഖി പറഞ്ഞു. 
മെയ്​ മാസം മുതൽ ഇൗ വർഷം അവസാനം വരെ പരീക്ഷണാടിസ്​ഥാനത്തിൽ നടപ്പിലാക്കുന്ന നമ്പർ പ്ലേറ്റുകൾ എല്ലാ വിധ പോരായ്​മകളും പരിഹരിച്ച്​ അടുത്ത വർഷം മുതൽ സമ്പൂർണമായി നടപ്പാക്കാനാണ്​ ആലോചനയെന്നറിയുന്നു.