യുവജനങ്ങളിൽ ബഹിരാകാശ  ഗവേഷണത്തിൽ താൽപര്യമുണർത്താൻ പദ്ധതി

അബൂദബി: യുവജനങ്ങളിൽ ബഹിരകാശ പദ്ധതികളെ കുറിച്ചുള്ള താൽപര്യം ഉയർത്താൻ യു.എ.ഇ. സ്​പേസ്​ ഏജൻസിയുടെ പദ്ധതി. ലോകത്ത്​ തന്നെ ബഹിരാകാശ ഗവേഷണവുമായി ബന്ധപ്പെട്ട പ്രധാന കേന്ദ്രമായി രാജ്യത്തെ മാറ്റാനുള്ള ശ്രമങ്ങളുടെ ഭാഗമാണിതെന്ന്​​ സ്​പേസ്​ ഏജൻസി ഡയറക്​ടർ ജനറൽ ഡോ. മുഹമ്മദ്​ അൽ അഹ്​ബാബി പറഞ്ഞു. ഇതി​​​െൻറ ഭാഗമായി സ്​കൂളുകളിലും സർവകാശാലകളിലും സ്​പേസ്​ സയൻസുമായി ബന്ധപ്പെട്ട കോഴ്​സുകളും തുടങ്ങും. ഇതിന്​ ആവശ്യമായ ധനസഹായവും ഏജൻസി നൽകും. ബഹിരാകാശ സഞ്ചാരികൾ വിദ്യാലയങ്ങളിൽ ക്ലാസുകൾ എടുക്കും. ഗവേഷണ കേന്ദ്രങ്ങളും വേനൽക്കാല ക്യാമ്പും പദ്ധതിയുടെ ഭാഗമായി നടപ്പാക്കുന്നുണ്ട്​.

ചില കുട്ടികൾ ബഹിരാകാശ സഞ്ചാരികളാവാൻ താൽപര്യം പ്രകടിപ്പിച്ചിട്ടുണ്ട്​. ഇത്​ ശുഭകരമായ സൂചനയാണ്​. നാല്​ സമ്മർ ക്യാമ്പുകളാണ്​ നടത്താനുദ്ദേശിക്കുന്നത്​. ഇതിലൊന്ന്​ ആസ്​ട്രേലിയയിലായിരിക്കും അദ്ദേഹം പറഞ്ഞു. ബഹിരാകാശ ഗവേഷണ രംഗത്തേക്ക്​ യുവജനങ്ങളെ ആകർഷിക്കാൻ നിരവധി പരിപാടികൾ നടത്തുമെന്നും അദ്ദേഹം പറഞ്ഞു. ഗവേഷണ വികസന രംഗങ്ങളിൽ സർവകലാശാലകളുമായി ചേർന്ന്​ സൗകര്യങ്ങൾ സ്​ഥാപിക്കും. നിലവിൽ മൂന്ന്​ ഗവേഷണ കേന്ദ്രങ്ങൾ സ്​ഥാപിച്ചിട്ടുണ്ട്​. നൂറ്​ ദശലക്ഷം ദിർഹം മുതൽമുടക്കിയാണ്​ ഇവ സ്​ഥാപിച്ചിരിക്കുന്നത്​. ബഹിരാകാശ പഠനത്തി​​​െൻറയും സാറ്റ്​ലൈറ്റ്​ നിർമാണത്തി​​​െൻറയും കേന്ദ്രമായി ഇത്​ മാറിയിട്ടുണ്ട്​. മിടുക്കരായ കുട്ടികളെ വിദേശത്തേക്ക്​ പരിശീലനത്തിന്​ അയക്കും. ഇവർക്ക്​ സ്​കോളർഷിപ്പുകളും നൽകും. നാല്​ സർവകലാശാലകളുമായി ചേർന്നാണ്​ നിലവിൽ സ്​പേസ്​ ഏജൻസി പ്രവർത്തിക്കുന്നുണ്ട്​​. 

കുട്ടികൾക്ക്​ സ​്​പേസ്​ സയൻസിൽ ബിരുദം നൽകാൻ സർവകലാശാലകളെ പ്രേരിപ്പിക്കുന്നുമുണ്ട്​. സാറ്റ്​ലൈറ്റുകളുടെ രൂപകൽപന, നിർമാണം, പ്രവർത്തനം എന്നീ മേഖലകളിൽ കുട്ടികളുടെ കഴിവുകൾ ​വികസിപ്പിക്കാൻ മികച്ച സർവകലാശാലകളുമായി ചേർന്ന്​ പ്രവർത്തിക്കുകയാണ്​. അടുത്ത വർഷം നടത്താനിരിക്കുന്ന ഉപഗ്രഹ വിക്ഷേപണം വളരെ പ്രധാനപ്പെട്ടതാണ്​. മിസിൻസാറ്റ് എന്ന ഇൗ പദ്ധതി രണ്ട്​ സർവകലാശാലകളുമായി ചേർന്നാണ്​ നടപ്പാക്കുന്നത്​. ഖലീഫ യൂനിവേഴ്​സിറ്റി സയൻസ്​ ടെക്​നോളജി ആൻറ്​ റിസർച്ച്​, അമേരിക്കൻ യൂനിവേഴ്​സിറ്റി ഒാഫ്​ റാസൽഖൈമ എന്നിവയാണവ. യു.എ.ഇ. സർവകലാശാലയുമായി ചേർന്ന്​ പുതിയ ഒരു ബഹിരാകാശ പദ്ധതിയും നടപ്പാക്കാൻ ഉദ്ദേശിക്കുന്നുണ്ട്​. ഇത്​ കരിക്കുലത്തി​​​െൻറ ഭാഗമാക്കിയിട്ടുണ്ട്​.