ആൽക്കഹോൾ അടങ്ങിയ  സോയാ സോസ് നിരോധിച്ചു

അബൂദബി: ആൽക്കഹോൾ അടങ്ങിയ സോയാ സോസ്​ ഇറക്കുമതി യു.എ.ഇ നിരോധിച്ചു. ജപ്പാനിൽ നിന്നുള്ള കിക്കോമാൻ സോയാ സോസിനാണ്​ കാലാവസ്​ഥ മാറ്റ^പരിസ്​ഥിതി മ​ന്ത്രാലയം വിലക്കേർപ്പെടുത്തിയത്​. ഇത്​ രാജ്യത്ത്​ വിൽക്കുന്നതിനും പ്രചരിപ്പിക്കുന്നതിനും നിരോധമുണ്ട്​.  അംഗീകൃത ലബോറട്ടറികളിൽ നടത്തിയ  പരിശോധനകളിൽ സോസിൽ മദ്യസാന്നിധ്യമുണ്ടെന്ന്​ വ്യക്​തമായി.

ഉൽപന്നത്തി​​െൻറ പല ബാച്ചുകളിൽപ്പെട്ട സാമ്പിളുകൾ പരിശോധനക്ക്​ വിധേയമാക്കിയിരുന്നു. മദ്യമുണ്ടെന്ന്​ വ്യക്​തമായതോടെ ഉപഭോക്​താക്കൾ തങ്ങളുടെ കൈവശമുള്ള കുപ്പികൾ ഒഴിവാക്കണമെന്ന്​ നിർദേശം പുറപ്പെടുവിച്ചിട്ടുണ്ട്​. ജപ്പാനിൽ നിർമിച്ച കിക്കോമാൻ സോയ സോസിനുമാത്രമാണ്​ നിരോധമെന്നും മറ്റുരാജ്യങ്ങളിൽ ഉൽപാദിപ്പിച്ച കി​ക്കോമാൻ ഉൽപന്നങ്ങൾക്ക്​ നടപടി ബാധകമല്ലെന്നും മന്ത്രാലയം വ്യക്​തമാക്കി.