സൂഖ്​ ജുബൈൽ വാർഷികം ആഘോഷിക്കാം, കുടുംബത്തോടൊപ്പം

ഷാർജ: ഉപഭോക്​താക്കൾക്ക്​ പുത്തൻ ഷോപ്പിങ്​ അനുഭവം സമ്മാനിച്ച ഷാർജ ജുബൈൽ മാർക്കറ്റി​​െൻറ വാർഷികാഘോഷം പ്രമാണിച്ച്​ കുടുംബത്തിന്​ ഒത്തുചേർന്ന്​ ആസ്വദിക്കാവുന്ന ഒ​േട്ടറെ ആഘോഷങ്ങൾ. ഇൗ മാസം 23വരെ വൈകീട്ട്​ ആറിനും 11നും ഇടയിൽ മാർക്കറ്റിനകവും പുറവും ഉല്ലാസവേദിയായി മാറും. എല്ലാ പ്രായക്കാർക്കും സന്തോഷം പകരുന്ന കലാവിരുന്നുകളാണ്​ ഉൾക്കൊള്ളിച്ചിരിക്കുന്നത്​. കടലാസ്​ കരകൗശലങ്ങൾ, പെയിൻറിങ്​, ഹെന്ന, പാചകം, ജ്യൂസ്​ നിർമാണം എന്നിവയെല്ലാം തത്​സമയം നടക്കും. മാജിക്​, സർക്കസ്​, ചിത്ര രചന, ഫോ​േട്ടാ എടുപ്പ്​ എന്നിവയെല്ലാം ഇതിനൊപ്പമുണ്ടാവും. സമൂഹത്തിനൊട്ടാകെ സന്തോഷം വ്യാപിപ്പിക്കുക എന്ന ഉദ്ദേശലക്ഷ്യം നിറവേറ്റുന്നതി​​െൻറ ഭാഗമായാണ്​ വ്യാപകമായ രീതിയിൽ വാർഷിക ഉത്സവം ഒരുക്കിയതെന്ന്​ മാർക്കറ്റിങ്​ വിഭാഗത്തിലെ സലീം അലി മിദ്​ഫ പറഞ്ഞു. 

 ക​​ുട്ടികൾക്ക്​ കളിസ്​ഥലം, ഒാപ്പൺ എയർ സിനിമ, ഭക്ഷണ സ്​റ്റാളുകൾ എന്നിവക്കു പുറമെ കൂറ്റൻ കപ്പൽ രൂപങ്ങൾ വേദിയാക്കി ഒരുക്കിയ ബാറ്റിൽ ഒഫ്​ പിറൈറ്റ്​സ്​ എന്ന കളിയും ഏറെ ആകർഷകമാണ്​. 400,000 ചതുരശ്ര അടി വിസ്​തൃതിയുള്ള സൂഖ്​ അൽ ജുബൈലിൽ 67 ഇറച്ചിവിൽപന ശാലകൾ, വിശാലമായ മീൻ വിപണി, 212 പഴം^പച്ചക്കറി കടകൾ എന്നിവയുണ്ട്​.