നൂറ്​ വിദ്യാലയങ്ങൾക്ക്​ സോളാർ മേൽക്കൂര ഒരുക്കാൻ പദ്ധതി

ദുബൈ: ദുബൈയിലെ നൂറ്​ സ്​കൂളുകളിലും യൂണിവേഴ്​സിറ്റികളിലും സോളാർ പാനലുകൾ സ്​ഥാപിക്കാൻ പദ്ധതി തയാറാകുന്നു. ദുബൈ സ്​കൂൾ പ്രൊജക്​ട്​ എന്ന പേരിലാണ്​​ പദ്ധതി നടപ്പാക്കുന്നത്​. ആർക് ഇറ്റലി എന്ന കമ്പനി ഗ്രീൻ എനർജി ബിസിനസ്​ കൗൺസിൽ, ശൈഖ്​ മുഹമ്മദ്​ ബിൻ റാശിദ്​ സ​െൻറർ ഫോർ കൾച്ചറൽ അണ്ടർസ്​റ്റാൻറിങ്​ എന്നിവയുടെ സഹകരണത്തോടെയാണ്​ സോളാർ പാനൽ സ്​ഥാപിക്കുന്നത്​. ഇതുവരെ 40 സ്​കൂളുകളിലും യൂണിവേഴ്​സിറ്റികളിലും പദ്ധതി നടപ്പാക്കാനുള്ള പ്രാഥമിക പരിശോധന നടത്തിക്കഴിഞ്ഞു.

അടുത്ത വർഷം ആദ്യം 10 സ്​കൂളുകളിൽ സൗജന്യമായി പദ്ധതി നടപ്പാക്കാനാവുമെന്നാണ്​ കരുതപ്പെടുന്നത്​. ഇ​തോടെ ഒാരോ സ്​കൂളിനും വൈദ്യുതി ചാർജിൽ 20 ശതമാനം കുറവ്​ വരുത്താൻ കഴിയും. ഉയർന്ന ചിലവാണ്​ സോളാർ പദ്ധതിക്കുള്ള പ്രധാന ന്യൂനത. 500 കിലോവാട്ട്​ ഉൽപാദിപ്പിക്കാൻ 20 ലക്ഷം ദിർഹം ചിലവ്​ വരും. എന്നാൽ സ്​കൂളുകളിൽ പദ്ധതി നടപ്പാക്കുന്നതിനുള്ള ചെലവ്​ ദുബൈ സ്​കൂൾ പ്രൊജക്​ട്​ ആണ്​ വഹിക്കുന്നത്​. ഇവയുടെ അറ്റകുറ്റപ്പണി 20 വർഷത്തേക്ക്​ ഏറ്റെടുക്കുകയും ചെയ്യും. കരാർ കാലാവധി കഴിയു​േമ്പാൾ ഇവ സ്​കൂളുകളുടെ സ്വന്തമാകും.സ്​കൂളുകളിൽ സ്​ഥാപിക്കുന്ന സോളാർ ലാബുകൾ വഴി എത്ര വൈദ്യുതി ഉപയോഗിച്ചുവെന്നും കാർബർ ബഹിർഗമനം എത്ര കുറക്കാൻ കഴിയുമെന്നുമൊക്കെ വിദ്യാർത്ഥികൾക്ക്​ നേരിട്ട്​ മനസിലാക്കാൻ കഴിയും.കൂടുതൽ സ്​ഥലം ഇതിനായി നീക്കിവെക്കുന്ന സ്​കൂളുകൾക്ക്​ വൈദ്യുതി നിരക്ക്​ കൂടുതൽ ലാഭിക്കാൻ കഴിയും. 500 കിലോവാട്ട്​ വൈദ്യുതി ഉൽപാദനം സാധ്യമാകണമെങ്കിൽ 2000 പാനലുകൾ സ്​ഥാപിക്കേണ്ടി വരും. അടുത്ത 20 വർഷത്തിനിടെ 20 മുതൽ 30 വരെ ലക്ഷം ദിർഹം ഒാരോ സ്​കൂളിൽ നിന്നും ലാഭിക്കാൻ കഴിയുമെന്നാണ്​ പ്രതീക്ഷ.