അജ്​മാനിലെ പാര്‍ക്കുകളില്‍ സോളാര്‍ വിളക്കുകള്‍ സ്ഥാപിച്ചു

അജ്​മാന്‍ : നഗരസഭയുടെ ആഭിമുഖ്യത്തില്‍ അജ്​മാനിലെ പാര്‍ക്കുകള്‍ കേന്ദ്രീകരിച്ച്  210 സോളാര്‍ വിളക്കുകള്‍ സ്ഥാപിച്ചു. വൈദ്യുതി ഉപയോഗം മൂലമുണ്ടാകുന്ന വ്യാവസായിക മലിനീകരണത്തിൽ നിന്നും പരിസ്ഥിതി സംരക്ഷിക്കുന്നതി​​െൻറ ഭാഗമായാണ് ഈ നീക്കം. അജ്​മാനിലെ പ്രമുഖ പാര്‍ക്കുകളായ ഫ്ലാഗ് പാര്‍ക്ക്, സഫിയ പാര്‍ക്ക്, റാഷിദിയയിലെ ലേഡീസ് പാര്‍ക്ക് തുടങ്ങിയ സ്ഥലങ്ങളിലാണ് ഈ സംവിധാനം ഏര്‍പ്പെടുത്തിയിരിക്കുന്നത്.  ഭാവി തലമുറകൾക്ക് ശുദ്ധമായ ഊർജ്ജം ലഭ്യമാക്കാനും സുസ്ഥിര വികസനം കാലാവസ്ഥയെ ബാധിക്കാതിരിക്കാനും ഇതര സ്രോതസുകൾ പരമാവധി ഉപയോഗപ്പെടുത്തുന്നതി​​െൻറ ഭാഗമായാണ് നടപടിയെന്ന് അജ്​മാന്‍ നഗരസഭാ കൃഷി, പൊതുപാർക്ക്​ വിഭാഗം മേധാവി അഹമദ് സൈഫ് അല്‍ മുഹൈരി പറഞ്ഞു. അജ്​മാന്‍ നഗരസഭ ചെയര്‍മാന്‍ ശൈഖ് റാഷിദ് ബിന്‍ ഹുമൈദ് അല്‍ നുഐമിയുടെ പ്രത്യേക നിര്‍ദേശപ്രകാരമാണ് ഇത് നടപ്പിലാക്കുന്നത്.