കൗ​തു​ക​മു​ണ​ർ​ത്തി സൂ​ര്യ​ഗ്ര​ഹ​ണം

ദു​ബൈ: ചൊ​വ്വാ​ഴ്ച യു.​എ.​ഇ​യി​ൽ ഭാ​ഗി​ക സൂ​ര്യ​ഗ്ര​ഹ​ണം ദൃ​ശ്യ​മാ​യി. ഉ​ച്ച​ക്കു​ശേ​ഷം 2.45 മു​ത​ൽ വൈ​കീ​ട്ട് 4.55 വ​രെ​യാ​ണ്​ ഈ ​വ​ർ​ഷ​ത്തെ അ​വ​സാ​ന​ത്തെ ഗ്ര​ഹ​ണം ദൃ​ശ്യ​മാ​യ​ത്. വി​വി​ധ സ്ഥ​ല​ങ്ങ​ളി​ൽ വാ​ന​നി​രീ​ക്ഷ​ക​രും സാ​ധാ​ര​ണ​ക്കാ​രും അ​പൂ​ർ​വ കൗ​തു​ക​ദൃ​ശ്യം കാ​ണു​ന്ന​തി​ന്​ പ്ര​ത്യേ​ക സം​വി​ധാ​ന​ങ്ങ​ളു​മാ​യി കാ​ത്തു​നി​ന്നി​രു​ന്നു. നേ​ത്ര​സം​ര​ക്ഷ​ണ സം​വി​ധാ​ന​ങ്ങ​ളോ​ടെ മാ​ത്ര​മേ ഗ്ര​ഹ​ണ സ​മ​യ​ത്ത്​ സൂ​ര്യ​നെ നി​രീ​ക്ഷി​ക്കാ​ൻ പാ​ടു​ള്ളൂ​വെ​ന്ന്​ അ​ധി​കൃ​ത​ർ മു​ന്ന​റി​യി​പ്പ്​ ന​ൽ​കി​യി​രു​ന്നു. ഇ​ന്‍റ​ർ​നാ​ഷ​ന​ൽ അ​സ്ട്രോ​ണ​മി സെ​ന്‍റ​ർ ചാ​ന​ലു​ക​ൾ വ​ഴി ഏ​ർ​പ്പെ​ടു​ത്തി​യ ഓ​ൺ​ലൈ​ൻ സൗ​ക​ര്യ​വും പ​ല​രും ഗ്ര​ഹ​ണം വീ​ക്ഷി​ക്കാ​ൻ ഉ​പ​യോ​ഗി​ച്ചു.

ദു​ബൈ അ​സ്ട്രോ​ണ​മി ഗ്രൂ​പ്പി​ന്‍റെ സം​യു​ക്ത സ​ഹ​ക​ര​ണ​ത്തോ​ടെ റോ​ബോ​ട്ട്മി​യ ടെ​ക്നോ​ള​ജീ​സ് ദു​ബൈ​യി​ലെ അ​ൽ തു​റ​യ അ​സ്ട്രോ​ണ​മി സെ​ന്‍റ​റി​ൽ നി​രീ​ക്ഷ​ണ​ത്തി​ന്​ പ്ര​ത്യേ​ക സം​വി​ധാ​ന​ങ്ങ​ൾ ഒ​രു​ക്കി​യി​രു​ന്നു. സൂ​ര്യ​നെ പ​കു​തി​യോ​ളം മാ​യ്ക്കു​ന്ന ത​ര​ത്തി​ലാ​ണ്​ ദു​ബൈ​യി​ൽ കാ​ണാ​നാ​യ​ത്. അ​തി​നി​ടെ, വി​വി​ധ എ​മി​​റേ​റ്റു​ക​ളി​ലെ പ​ള്ളി​ക​ളി​ൽ അ​സ്​​ർ ന​മ​സ്കാ​ര ശേ​ഷം സൂ​​ര്യ​ഗ്ര​ഹ​ണ സ​മ​യ​ത്ത്​ പ്ര​ത്യേ​ക ന​മ​സ്കാ​ര​വും സം​ഘ​ടി​പ്പി​ച്ചു. ഇ​സ്‌​ലാ​മി​ക കാ​ര്യ വ​കു​പ്പു​ക​ളു​ടെ നി​ർ​ദേ​ശ​മ​നു​സ​രി​ച്ചാ​യി​രു​ന്നു ന​മ​സ്കാ​രം ഒ​രു​ക്കി​യ​ത്. നി​ര​വ​ധി പേ​ർ ഇ​തി​ൽ പ​ങ്കാ​ളി​ക​ളാ​യി