എസ്.എൻ.ഡി.പി യോഗം ദുബൈ യൂനിയൻ തിരുജയന്തി ആഘോഷം
text_fields
എസ്.എൻ.ഡി.പി യൂനിയൻ ദുബൈ സംഘടിപ്പിച്ച തിരുജയന്തിആഘോഷത്തിൽനിന്ന്
ദുബൈ: എസ്.എൻ.ഡി.പി യോഗം ദുബൈ യൂനിയൻ ശ്രീനാരായണ ഗുരുവിന്‍റെ 171ാമത് തിരുജയന്തി ആഘോഷം സംഘടിപ്പിച്ചു. കറാമയിലെ എസ്.എൻ.ജി ഹാളിൽ നടന്ന പരിപാടിയിൽ ശ്രീമദ് ശിവ ബോധാനന്ദ സ്വാമികൾ മുഖ്യാതിഥിയായി. എസ്.എൻ.ഡി.പി യോഗം യു.എ.ഇ ആക്ടിങ് സെക്രട്ടറി ശ്രീധരൻ പ്രസാദ്, ഫിനാൻസ് കൺവീനർ ജെ.ആർ.സി ബാബു എന്നിവർ ആശംസകളറിയിച്ചു. ദുബൈ യൂനിയൻ കൺവീനർ സാജൻ സത്യ സ്വാഗതവും വൈസ് ചെയർമാൻ മനോജ്‌ സുധാകരൻ നന്ദിയും പറഞ്ഞു. പരിപാടികൾക്ക് യൂനിയൻ കമ്മിറ്റി അംഗം അനീഷ്‌ കുമാർ, അമ്പാടി സുജി, യൂത്ത് മൂവ്മെന്‍റ് അംഗങ്ങളായ നിതിൻ അശോകൻ, മിഥുൻ, രാഹുൽ, ആദർശ്, ലേഡീസ് വിങ് മിനി ഷാജി എന്നിവർ നേതൃത്വം നൽകി. നന്ദഗോവിന്ദ ടീമിന്‍റെ ബജനയും ജയന്തി ആഘോഷങ്ങളുടെ ഭാഗമായി സംഘടിപ്പിച്ചിരുന്നു.