പുകവലി കാരണം രാജ്യത്ത്​ പ്രതിവർഷം 3000 മരണം

അബൂദബി: 2016ൽ പുകവലി നിമിത്തം യു.എ.ഇയിൽ 2900ത്തിലധികം പേർ മരണപ്പെട്ടതായും ഉൽപാദനക്ഷമതയിലെ കുറവ്​, ആരോഗ്യ പരിചരണ ചെലവ്​ എന്നീ ഇനങ്ങളിൽ  56.9 കോടി ഡോളറി​​െൻറ നഷ്​ടമുണ്ടയതായും റിപ്പോർട്ട്​. പുകവലിയുമായി ബന്ധപ്പെട്ട കാരണങ്ങളാൽ മരിച്ചവരിൽ 2718 പേരും പുരുഷന്മാരാണ്​. 265 സ്​ത്രീകളും മരിച്ചു. കേപ്​ടൗണിൽ നടന്ന ‘പുകയില അല്ലെങ്കിൽ ആരോഗ്യം’ വിഷയത്തിൽ നടന്ന ലോക സമ്മേളനത്തിൽ പുറത്തിറക്കിയ ‘ടുബാകോ അറ്റ്​ലസി’​​െൻറ ആറാമത്​ എഡിഷനിലാണ്​ ഇൗ റിപ്പോർട്ട്​ പ്രസിദ്ധീകരിച്ചിരിക്കുന്നത്​. 

യു.എ.ഇയിൽ പുരുഷൻമാരുടെ മരണത്തിൽ എട്ടിലൊന്ന്​ പുകവലി കാരണമാണെന്ന്​ റിപ്പോർട്ട്​ വ്യക്​തമാക്കുന്നു. രാജ്യത്ത്​ മൊത്തം ഒമ്പത്​ ലക്ഷത്തിലധികം പേർ പുകയില ഉപയോഗിക്കുന്നവരാണ്​. രാജ്യത്തെ മൊത്തം പുരുഷന്മാരിൽ 14 ശതമാനമാണ്​ പുകവലിക്കുന്നത്​.എന്നാൽ, മറ്റു ജി.സി.സി രാജ്യങ്ങളെ അപേക്ഷിച്ച്​ യു.എ.ഇയിൽ പുകവലിക്കുന്നവർ കുറവാണ്​. സൗദിയിൽ 25 ശതമാനം പുരുഷന്മാരും ബഹ്​റൈനിൽ 50 ശതമാനവും പുകവലിക്കുന്നുണ്ടെന്ന്​ റിപ്പോർട്ടിൽ പറയുന്നു. 

ജർമനി, ബ്രിട്ടൻ, ഫ്രാൻസ്​, ഇറ്റലി, സ്​പെയിൻ എന്നീ യൂറോപ്യൻ രാജ്യങ്ങളിൽ പുകവലിക്കുന്ന ശരാശരി പുരുഷന്മാർ 28 ശതമാനമാണ്​. 
യു.എ.ഇയിൽ പുകവലിക്കുന്ന സ്​ത്രീകൾ 1.9 ശതമാനമാണ്​. ജി.സി.സിയിൽ 3.8 ശതമാനവും. യൂറോപ്യൻ രാജ്യങ്ങളെ അപേക്ഷിച്ച്​ ഇത്​ വ​ളരെ കുറവാണ്​. 24 ശതമാനമാണ്​ യൂറോപ്യൻ രാജ്യങ്ങളിലെ സ്​ത്രീകളുടെ ശരാശരി പുകവലി നിരക്ക്​.