‘കോംബോ ഡീൽസ്​ ഡോട്ട്​ കോം’ പുറത്തിറക്കി സ്മാർട്ട്​ ട്രാവൽ

ഷാർജ: യു.എ.ഇയിലെ പ്രമുഖ യാത്രാ സേവന ദാതാക്കളായ സ്മാർട്ട്​ ട്രാവൽ മികച്ച ഓഫറുകളോടെ സേവനങ്ങൾ ഓൺലൈനിൽ ലഭ്യമാക്കാനായി പുതിയ വെബ്​സൈറ്റ്​ പുറത്തിറക്കി. ​കമോൺ കേരളയുടെ ആദ്യ ദിനത്തിൽ പ്രധാന വേദിയിൽ നടന്ന ‘റഹ്​മാനിയ’ ചടങ്ങിലാണ്​ ‘കോംബോ ഡീൽസ്​ ഡോട്ട്​ കോം’ എന്ന പേരിലുള്ള വെബ്​സൈറ്റിന്‍റെ ലോഞ്ചിങ്​ പ്രഖ്യാപിച്ചത്​​.

സ്മാർട്ട്​ ട്രാവൽ ഗ്രൂപ്​ സ്ഥാപകൻ അഫി അഹമ്മദ്​,​ കൊമേഴ്​സ്യൽ ഹെഡ്​ റജിൽ സുധാകരൻ, ഫിനാൻസ്​ കൺട്രോളർ ഷഹസാദ്​ ഷാഹുൽ, ശംസുദ്ദീൻ നെല്ലറ (മാനേജിങ്​ ഡയറക്ടർ), മാധ്യമം സി.ഇ.ഒ പി.എം. സാലിഹ്​, ഗൾഫ്​ മാധ്യമം മിഡിലീസ്റ്റ്​ ഓപറേഷൻസ്​ ഡയറക്ടർ സലീം അമ്പലൻ എന്നിവർ ലോഞ്ചിങ്​ ചടങ്ങിൽ പ​ങ്കെടുത്തു.

കോംബോ ഡീൽസ്​ ഡോട്ട്​ കോം വഴി സ്മാർട്ട്​ ട്രാവൽ ടിക്കറ്റ്​ എടുക്കുന്നവർക്ക്​ 80 ശതമാനം വരെ ഡിസ്കൗണ്ട്​ ലഭിക്കും. കൂടാതെ ഡസർട്ട്​ സഫാരി, ദോ ക്രൂസ്​, സ്മാർട്ട്​ ട്രാവലിന്‍റെ മുസന്ദം ട്രിപ്​ തുടങ്ങിയ കോംബിനേഷൻ ആക്ടിവിറ്റികൾക്ക്​ ടിക്കറ്റ്​ എടുക്കുന്നവർക്ക്​​ വമ്പൻ ഓഫറുകളും പ്രഖ്യാപിച്ചിട്ടുണ്ട്​​. യാത്ര സർവിസ്​ കൂടാതെ അധികം വൈകാതെ ഫാർമ, ഇലക്​ട്രോണിക്സ്​, എഫ്​.എം.സി.ജി, റസ്റ്റാറന്‍റ്​ സർവിസുകൾക്കും കോംബോ ഡീൽസ്​ ഡോട്ട്​ കോം ഉപയോഗിക്കാനാവുമെന്ന്​ സ്മാർട്ട്​ ട്രാവൽ ​സ്ഥാപകൻ അഫി അഹമ്മദ്​ പറഞ്ഞു.