സ്​മാർട്ട്​നെസ്സ്​; ദുബൈയെ തോൽപ്പിക്കാൻ നിങ്ങൾക്കാവില്ല മക്കളേ

ദുബൈ: ഭരണ നിർവഹണത്തിൽ സാ​​േങ്കതിക വിദ്യ നടപ്പാക്കാൻ മത്സരിക്കുകയാണ്​ ദുബൈയിലെ സർക്കാർ സ്​ഥാപനങ്ങൾ. ദുബൈ പൊലീസാണെങ്കിലും കസ്​റ്റംസാണെങ്കിലും നഗരസഭയാണെങ്കിലും ഒാരോ ദിവസവും പുതു പുത്തൻ സാ​േങ്കതിക വിദ്യകളാണ്​ മുന്നോട്ടുവെക്കുന്നത്​. റോഡ്​ ഗതാഗത അതോറിറ്റി പുതുതായി നടപ്പാക്കുന്ന ബസ്​ പരിശോധനാ സംവിധാനം അതിശയകരമാണ്​. പരിശോധന നടത്താനും വിവരങ്ങൾ രേഖപ്പെടുത്താനും ഒരു തുണ്ട്​ കടലാസ്​ പോലും വേണ്ട എന്നതാണ്​ ഇൗ വിദ്യയുടെ ഏറ്റവും വലിയ സവി​ശേഷത. സേവനങ്ങൾ  മൊബൈൽ ആപ്പുകൾ വഴിയാക്കി ഒാഫിസുകൾ കടലാസ്​ രഹിതമാക്കാൻ തിരക്കിട്ട ശ്രമങ്ങൾ നടക്കുന്നുണ്ട്​്​. എന്നാൽ മൊബൈലും ടാബുമൊന്നുമില്ല ഇൗ പരിശോധനാ സംവിധാനത്തിന്​.

പരിശോധനക​​െൻറ അരയിൽ തിരുകിയ യന്ത്രവും ഹെഡ്​ഫോണും ഉൾക്കൊള്ളുന്നതാണ്​ യന്ത്രം. പരിശോധനകൻ ചെയ്യേണ്ടതെന്തെല്ലാമെന്ന്​ യന്ത്രം നിർദേശം നൽകും. അതിൻ പ്രകാരം ചെയ്യു​ന്നതിനിടെ ആവശ്യമുള്ള ചിത്രങ്ങളെടുത്ത്​ അസറ്റ്​ മാനേജ്​മ​െൻറ്​ വിഭാഗത്തിലേക്ക്​ അയച്ചുകൊണ്ടിരിക്കും. പരിശോധനൻ കണ്ടെത്തലുകൾ പറയുകയേ വേണ്ടു. അതും ടൈപ്പ്​ ചെയ്​ത്​ റിപ്പോർട്ടായി ലഭ്യമാവും. പരിശോധനയി​െല പിഴവുകൾ ഒഴിവാക്കാനും സമയം ലാഭിക്കാനും കാര്യക്ഷമത ഉറപ്പുവരുത്താനും ഇൗ സംവിധാനം സഹായകമാകുമെന്ന്​ ആർ.ടി.എ മെയിൻറനൻസ്​& സർവീസ്​ വിഭാഗം ഡയറക്​ടർ അബ്​ദുല്ലാ റാശിദ്​ അൽ മാസാമി പറഞ്ഞു.