രജിസ്ട്രേഷന്‍ കാലാവധി  കഴിഞ്ഞ വാഹനങ്ങള്‍ക്ക്  ഇനി പിടിവീഴും

അജ്മാന്‍ : രജിസ്ട്രേഷന്‍ കാലാവധി കഴിഞ്ഞ  വാഹനവുമായി റോഡില്‍ ഇറങ്ങുന്നവരെ പിടികൂടാനായി സ്ഥാപിച്ച സ്മാര്‍ട്ട് ക്യാമറകള്‍ നാളെമുതല്‍ പ്രവര്‍ത്തനക്ഷമമാകും. അജ്മാന്‍ പൊലീസിന്‍റെ  ‘ദാര്‍ അല്‍ അമാന്‍’  വകുപ്പിന്‍റെ കീഴിലാണ്  ഈ സംവിധാനം നടപ്പിലാക്കുന്നത്. റോഡ്​ സുരക്ഷ ഉറപ്പ് വരുത്തുന്നതി​​െൻറ ഭാഗമായാണ് നടപടി.  എമിറേറ്റിന്‍റെ പാതയിലൂടെ സഞ്ചരിക്കുന്ന വാഹനങ്ങളുടെ നമ്പര്‍ പ്ലേറ്റുകള്‍ ഈ  ക്യാമറകള്‍ സ്കാന്‍ ചെയ്യും.   എമിറേറ്റി​​െൻറ വിവിധ ഭാഗങ്ങളില്‍ സ്ഥാപിച്ചിട്ടുള്ള ക്യാമറകളില്‍ ക്യാമറകള്‍ സ്കാന്‍ ചെയ്യുന്ന വാഹനങ്ങളുടെ വിവരങ്ങള്‍ കൺട്രോള്‍ റൂമില്‍ ലഭിക്കുന്ന മുറക്ക് പൊലീസ് ഈ വാഹനങ്ങൾക്കെതിരെ നടപടികള്‍ സ്വീകരിക്കും.  

എമിറേറ്റി​​െൻറ അകത്തും പുറത്തുമുള്ള റോഡുകളില്‍ ഈ ക്യാമറകള്‍ സ്ഥാപിക്കുന്നുണ്ടെന്നു പൊലീസ് ഓപറേഷന്‍സ് ഉപമേധാവി കേണല്‍ ഖാലിദ്‌ മുഹമദ് അല്‍ നുഐമി പറഞ്ഞു ഇങ്ങിനെ പിടികൂടുന്ന വാഹനങ്ങള്‍ക്ക് അഞ്ഞൂറ് ദിര്‍ഹവും  നാലു ബ്ലാക്ക് പോയൻറ​ും ചുമത്തും. ഒരാഴ്ച്ചത്തേക്ക് പിടിച്ചിടുകയും ചെയ്യും.  കാലാവധി തീര്‍ന്ന വാഹങ്ങളുടെ രജിസ്ട്രേഷന്‍ എത്രയും പെട്ടന്ന് പുതുക്കാന്‍ ഉപഭോക്താക്കള്‍ ശ്രദ്ധിക്കണമെന്നും ഇത് മൂലമുണ്ടാകുന്ന  നഷ്ടങ്ങള്‍ ഒഴിവാക്കണമെന്നും അദ്ദേഹം ഓര്‍മ്മിപ്പിച്ചു.