കൊച്ചു സേറക്ക്​  ഭൂപടമൊരു പടമല്ല

ദുബൈ: കളിപ്പാവകളും പന്തുകളുമെല്ലാം കൊണ്ട്​ കളിച്ചു നടക്കേണ്ട പ്രായമാണ്​ സേറാ മറിയത്തിന്​^ രണ്ടര വയസ്സ്​. പക്ഷെ കുഞ്ഞാവക്ക്​ ഇഷ്​ടമുള്ള കളിപ്പാട്ടങ്ങൾ എന്താണെന്നറിയുമോ? ഗ്ലോബും ഭൂപടങ്ങളും. ഭൂപടങ്ങൾ ഇൗ കുഞ്ഞിന്​ വെറുമൊരു പടമല്ല പക്ഷെ പാഠപുസ്​തകങ്ങളും കളിക്കൂട്ടുമാണ്​.  നൂറിലേറെ രാജ്യങ്ങളുടെയും ഇന്ത്യൻ സംസ്​ഥാനങ്ങളുടെയും തലസ്​ഥാനങ്ങൾ, പതാകകൾ, രാഷ്​ട്ര തലവൻമാർ, മനുഷ്യശരീരത്തി​​െൻറ സവിശേഷതകളുമെല്ലാമറിയാം ഇൗ കുഞ്ഞു വിസ്​മയത്തിന്​. ഒരു സെക്കൻറ്​ ആലോചിക്കുക കൂടി വേണ്ട. ശൈഖ്​ മുഹമ്മദും പിണറായി വിജയനും ഇ.എം.എസുമെല്ലാം ചിരപരിചിതർ.
ഷാർജയിൽ താമസിക്കുന്ന വയനാട്​ പുൽപ്പള്ളിക്കാരൻ േജാ​േജാ ചാരിറ്റി​​െൻറയും കണ്ണൂർ സ്വദേശി ഡോ. ആൽഫി മൈക്കിളി​​െൻറയും മകളാണ്​ സേറ. പുൽപ്പള്ളിയിലെ തറവാട്ടുവീട്ടിൽ ചെന്നപ്പോഴാണ്​ ആദ്യമായി മാപ്പ്​​ കാണുന്നത്​. അങ്കിൾമാരും ആൻറിമാരുമെല്ലാം ഏതു നാട്ടിലാണെന്ന്​ ഭൂപടം കാണിച്ച്​ പറഞ്ഞു കൊടുത്തതാണ്​ മാതാപിതാക്കൾ. പിന്നീട്​ യു.എ.ഇയിൽ തിരിച്ചെത്തിയ ശേഷം ഷാർജ അന്താരാഷ്​ട്ര പുസ്​തകമേളയിലെ സ്​റ്റാളുകളിൽ ഭൂപടങ്ങൾ തൂക്കിയിട്ടിരിക്കുന്നതു കണ്ടപ്പോൾ വേണമെന്ന്​ പറഞ്ഞു.  ഒാരോ നിറവും ചൂണ്ടി സ്​ഥലങ്ങൾ പറഞ്ഞു കൊടുത്തതോടെ  അതുമായി ചങ്ങാത്തമായി. ഒന്നര മാസം കൊണ്ട്​ ഏതു രാജ്യത്തി​​െൻറ പേരു കേട്ടാലും തലസ്​ഥാനവും പതാകയുടെ നിറങ്ങളുമെല്ലാം തെറ്റാതെ പറയാമെന്നായി.

ഡോക്​ടറായ അമ്മ ചിത്രപുസ്​തകങ്ങളിലൂടെ ശരീര ഭാഗങ്ങളും ആന്തരിക അവയവങ്ങളുമെല്ലാം പരിചയപ്പെടുത്തിക്കൊടുത്തതു തന്നെ കണക്ക്​. ഇപ്പോൾ ഹൈപ്പോ തലാമസും പ​േട്ടലയുമെല്ലാം എന്താണെന്ന്​ ആർക്കും പറഞ്ഞു തരും. ഗൾഫ്​ മാധ്യമം ന്യൂസ്​ പേപ്പറാണെന്നും ലോഗോയിൽ വൺ ഉള്ള ചാനലാണ്​ മീഡിയാ വൺ എന്നുമെല്ലാം കുഞ്ഞു സേറക്ക്​ അറിയാം. കുഞ്ഞ്​​ താൽപര്യപൂർവം തിരക്കുന്ന കാര്യങ്ങൾ പറഞ്ഞു പരിചയപ്പെടുത്തി നൽകുക എന്നതല്ലാതെ ഭാരമാകുന്ന വിവരങ്ങൾ കുത്തി നിറക്കാൻ മാതാപിതാക്കൾ ശ്രമിക്കാറില്ല. അതു കൊണ്ടു തന്നെ യാതൊരു സമ്മർദങ്ങളുമില്ലാതെ കളിയുടെ ഭാഗമായാണ്​ സേറ ഇൗ കാര്യങ്ങളെല്ലാം ഗ്രഹിച്ചെടുക്കുന്നത്​.