ആകാശ ടാക്​സികൾ യാഥാർഥ്യമാവുന്നു

ദുബൈ: ​ൈ​​ഡ്രവറില്ലാതെ സ്വയം പറക്കുന്ന ആകാശ ടാക്​സികൾ (ഒാ​േട്ടാമേറ്റഡ്​ ഏരിയൽ ടാക്​സി^ എ.എ.ടി) യാഥാർഥ്യത്തോടടുക്കുന്നു. ലോകത്ത്​ ആദ്യമായി ഇത്തരമൊരു വാഹനം പറക്കുക ദുബൈയിലായിരിക്കും.രാജ്യത്തി​​െൻറ   ഗതാഗത മേഖലയിൽ വിപ്ലവമായി മാറിയേക്കാവുന്ന വാഹനത്തി​​െൻറ ​പ്രാരംഭ വിവരങ്ങൾ ദുബൈ മീഡിയാ ഒഫീസ്​ പുറത്തുവിട്ടു. ആകാശ ടാക്​സി വികസിപ്പിക്കുന്നതിന്​ ജർമൻ സ്​ഥാപനമായ വേ​ാലോകോപ്​റ്ററുമായി റോഡ്​ ഗതാഗത അതോറിറ്റി (ആർ.ടി.എ) ധാരണാപത്രം ഒപ്പുവെച്ചിരുന്നു. 

 ഇൗ വർഷം അവസാനത്തോടെ ഏരിയൽ ടാക്​സിയുടെ പരീക്ഷണ പറക്കലുണ്ടാവും. പിന്നീട്​ ആർ.ടി.എയും ദുബൈ സിവിൽ ഏവിയേഷൻ അതോറിറ്റിയും ചേർന്ന്​ ഇത്തരം ഗതാഗത സംവിധാനങ്ങൾക്ക്​ ആവശ്യമായ നിയമ നിബന്ധനകൾ തയ്യാറാക്കും. നഗരത്തി​​െൻറ ഒരു ഭാഗത്തു നിന്ന്​ മറ്റൊരിടത്തേക്ക്​ രണ്ട്​ യാത്രക്കാർക്ക്​ ഒരേ സമയം പറക്കാൻ സൗകര്യമുള്ളതാണ്​ എ.എ.ടികൾ. അര മണിക്കൂർ നേരം നിർത്താതെ പറക്കാനാവും. 100 കിലോമീറ്ററാണ്​ മണിക്കൂറിലെ വേഗത. ദ​ുബൈയെ ഭാവിയുടെ നഗരമാക്കി മാറ്റുന്നതി​​െൻറ ഭാഗമായാണ്​ സ്വയം ചാലക വാഹനങ്ങൾ എല്ലാ മേഖലയിലും വ്യാപകമാക്കുന്നത്​. 

ചൈനയിൽ നിന്നുള്ള വാഹന നിർമാതാക്കളായ ഇഹാംഗുമായി പറക്കൂമ ടാക്​സികൾ വികസിപ്പിക്കുന്നതിനും ആർ.ടി.എ സഹകരണം പ്രഖ്യാപിച്ചിട്ടുണ്ട്​. പരീക്ഷണ പറക്കൽ നടത്തുന്ന ടാക്​സികളുടെ ദൃശ്യങ്ങൾ ഇൗയിടെ പുറത്തുവന്നിരുന്നു.