പ്രവാസി വ്യവസായിയുടെ സ്നേഹസമ്മാനം; പാട്ടുകാരി  ശിവഗംഗക്ക് വീടൊരുങ്ങുന്നു

ദുബൈ: വഴിയോരത്ത് നിന്ന് പാടിയ ഒറ്റപ്പാട്ടിലൂടെ താരമായി മാറിയ കൊച്ചു ഗായിക ശിവഗംഗക്ക് വീടൊരുങ്ങുന്നു. സാമ്പത്തിക ഞെരുക്കത്തില്‍ കഴിയുന്ന ശിവഗംഗയുടെ കഥയറിഞ്ഞ  പ്രവാസി വ്യവസായി ജോണ്‍ മത്തായിയും പത്​നിയും ശിവഗംഗയുടെ കുടുംബത്തെ നേരിൽ കണ്ടാണ്​  സ്​നേഹസമ്മാനം ഒരുക്കാനുള്ള സന്നദ്ധത അറിയിച്ചത്​. കായംകുളം ദേശത്തിനകം ആതിക്കാട്ട് പുത്തന്‍വീട്ടില്‍ രാജന്‍ - ആശ ദമ്പതികളുടെ ഏകമകളാണ് രണ്ടാം കുറ്റി മുരിക്കാംമ്മൂട് സ​െൻറ്​ ജോണ്‍സ് സ്കൂളിലെ   ആറാം ക്ലാസ്​ വിദ്യാർഥിനിയായ ശിവഗംഗ.

ഈ മിടുക്കി കുട്ടിയുടെ കഴിവുകളെ കുറിച്ചും കുടുംബ സാഹചര്യങ്ങളെ കുറിച്ചും കഴിഞ്ഞ ദിവസം ‘ഗള്‍ഫ് മാധ്യമം’ റിപ്പോര്‍ട്ട് ചെയ്തിരുന്നു.   ശാസ്ത്രീയമായി സംഗീതം അഭ്യസിക്കാന്‍ കഴിയാഞ്ഞിട്ടും  പ്രതിഭ തെളിയിച്ച ഇൗ11കാരിയെ ആദരിക്കാന്‍ കായംകുളം എൻ.ആർ.​െഎ അസോസിയേഷനാണ്​ യു.എ.ഇയിൽ കൊണ്ടുവന്നത്​.  പിതാവ്  രാജന്‍ യു.എ.ഇയിലാണ്​ ജോലി ചെയ്യുന്നതെങ്കിലും അടച്ചുറപ്പുള്ള വീടുപോലും സ്വന്തമാക്കാൻ കഴിഞ്ഞില്ല.  ഇക്കാര്യങ്ങൾ അറിഞ്ഞ്​ ജോൺ മത്തായി മുന്നോട്ടുവരിയായിരുന്നു.  

കായംകുളം ദേശത്തിനകത്ത്  ശിവഗംഗയുടെ ഇപ്പോഴത്തെ വീട് നില്‍ക്കുന്ന അതേ സ്ഥലത്ത്   കായംകുളം എന്‍.ആര്‍.ഐ അസോസിയേഷ​​െൻറ മേല്‍ നോട്ടത്തിലായിരിക്കും വീട്​  പൂര്‍ത്തിയാക്കുക. സ്ഥലം  എം.എല്‍.എ  പ്രതിഭ ഹരി , നഗരസഭ ചെയമാന്‍ ,നാട്ടുകാര്‍ എന്നിവരെ ഉള്‍പ്പെടുത്തി വീട് നിര്‍മാണ  കമ്മിറ്റി രൂപവല്‍ക്കരിക്കും. ഇതിനു ശേഷം സമയ ബന്ധിതമായി നിര്‍മാണം ആരംഭിക്കും . ധന്യ ഗ്രൂപ്പ് ഓഫ് കമ്പനീസ്​ ചെയര്‍മാനായ ജോണ്‍ മത്തായി മൂന്നര പതിറ്റാണ്ടോളമായി  വിവിധ ഗള്‍ഫ് രാജ്യങ്ങളില്‍   വ്യവസായ രംഗത്തുണ്ട്. ഒപ്പം ജീവകാരുണ്യ^സാംസ്​കാരിക മേഖലയിലും സജീവം. ശിവഗംഗയെപ്പോലെ ഇത്രമാത്രം കഴിവുകളുള്ള കുട്ടി ജീവിതസാഹചര്യങ്ങളുടെ പേരിൽ പിന്നാക്കം ആയിപ്പോകരുത്​ എന്ന്​ നിർബന്ധമുണ്ടെന്നും എല്ലാ പ്രതിബന്ധങ്ങളെയും വകഞ്ഞു മാറി മുന്നോട്ടുപോകാൻ തക്ക പ്രതിഭയുള്ള കലാകാരിക്ക്​ നൽകുന്ന ​േപ്രാത്​സാഹനമാണിതെന്നും   ജോണ്‍ മത്തായി  ‘ഗള്‍ഫ്  മാധ്യമ’ത്തോട്  പറഞ്ഞു .    
നേരത്തെ നടന്‍ ജയസൂര്യ സിനിമയില്‍ പാടാനും അഭിനയിക്കാനും ശിവഗംഗക്ക് അവസരം വാഗ്ദാനം ചെയ്തിരുന്നു.  

നിരവധി ആല്‍ബങ്ങളില്‍ പാടാനും അവസരങ്ങള്‍ തേടിയെത്തിയിട്ടുണ്ട്. ഇക്കഴിഞ്ഞ തിരുവോണ നാളിലാണ്  ശിവഗംഗയുടെ   പാട്ട് സോഷ്യല്‍ മീഡിയയില്‍ പടര്‍ന്നത് . നാട്ടില്‍ ഓണഘോഷത്തിനിടെ സംഘാടകര്‍ നിര്‍ബന്ധിപ്പിച്ചു പാടിയ പാട്ട് സംഘാടകരില്‍ ഒരാള്‍ തന്നെ ഫേസ് ബുക്കില്‍ ലൈവ് ഇടുകയായിരുന്നു. നിമിഷങ്ങള്‍ക്കകം ലക്ഷകണക്കിന് പേരാണ് പാട്ട് ആസ്വദിച്ചത്. അതോടെ ഒരിക്കല്‍ പോലും പൊതു വേദികളില്‍ കഴിവ് തെളിയിക്കാന്‍ അവസരം ലഭിക്കാഞ്ഞ ശിവഗംഗ താരമായി മാറുകയായിരുന്നു .