നിർമിതബുദ്ധിയിൽ സിഗ്​നൽ; ഷാർജയിൽ ഗതാഗതക്കുരുക്ക്​ കുറയും

ഷാ​ർ​ജ: എ​മി​റേ​റ്റി​ൽ 48 സ്ഥ​ല​ങ്ങ​ളി​ലെ ട്രാ​ഫി​ക്​ സി​ഗ്​​ന​ലു​ക​ൾ നി​ർ​മി​ത​ബു​ദ്ധി സാ​​ങ്കേ​തി​ക​വി​ദ്യ ഉ​ൾ​പ്പെ​ടു​ത്തി ന​വീ​ക​രി​ച്ച്​ ഷാ​ർ​ജ റോ​ഡ്​​സ്​ ആ​ൻ​ഡ്​ ട്രാ​ൻ​സ്​​പോ​ർ​ട്ട് അ​തോ​റി​റ്റി (എ​സ്.​ആ​ർ.​ടി.​എ). റോ​ഡു​ക​ളി​ൽ ഗ​താ​ഗ​ത​ക്കു​രു​ക്ക്​ വ​ലി​യ അ​ള​വി​ൽ കു​റ​ക്കാ​ൻ ഉ​പ​ക​രി​ക്കു​ന്ന​താ​ണ്​ പ​രി​ഷ്ക​ര​ണം. വാ​ഹ​ന​ങ്ങ​ളു​ടെ ഒ​ഴു​ക്ക്​ 30 ശ​ത​മാ​നം വേ​ഗ​ത്തി​ലാ​ക്കാ​ൻ പ​ദ്ധ​തി ഉ​പ​ക​രി​ക്കു​മെ​ന്നാ​ണ്​ അ​ധി​കൃ​ത​ർ ക​ണ​ക്കു​കൂ​ട്ടു​ന്ന​ത്.

ഓ​രോ സ​മ​യ​ത്തും ക​ട​ന്നു​പോ​കു​ന്ന വാ​ഹ​ന​ങ്ങ​ൾ നി​രീ​ക്ഷി​ക്കാ​നും വി​ല​യി​രു​ത്താ​നും സെ​ൻ​സ​റു​ക​ളും കാ​മ​റ​ക​ളും അ​ട​ക്ക​മു​ള്ള സം​വി​ധാ​ന​മാ​ണ്​ സ്ഥാ​പി​ച്ച​ത്. ഇ​തു​വ​ഴി സി​ഗ്​​ന​ലി​ന്‍റെ സ​മ​യം ക്ര​മീ​ക​രി​ക്കാ​ൻ സാ​ധി​ക്കും. നി​ർ​മി​ത​ബു​ദ്ധി പ്ര​വ​ർ​ത്ത​നം തു​ട​ർ​ച്ച​യാ​യി വാ​ഹ​ന​ങ്ങ​ളു​ടെ ഒ​ഴു​ക്ക്​ പ​ഠി​ക്കു​ക​യും അ​തി​ന​നു​സ​രി​ച്ച്​ ​ട്രാ​ഫി​ക്​ നി​ജ​പ്പെ​ടു​ത്തു​ക​യും ചെ​യ്യു​മെ​ന്ന്​ എ​സ്.​ആ​ർ.​ടി.​എ ചെ​യ​ർ​മാ​ൻ യൂ​സു​ഫ്​ അ​ല​ത്​​മാ​നി പ​റ​ഞ്ഞു.

കൂ​ടു​ത​ൽ വാ​ഹ​ന​ങ്ങ​ളു​ള്ള ദി​ശ​യി​ൽ ഗ്രീ​ൻ ലൈ​റ്റി​ന്‍റെ ദൈ​ർ​ഘ്യം വ​ർ​ധി​പ്പി​ക്കാ​നും അ​തേ​സ​മ​യം ട്രാ​ഫി​ക് കു​റ​വു​ള്ള സാ​ഹ​ച​ര്യ​ങ്ങ​ളി​ൽ മ​റ്റ് ദി​ശ​ക​ളി​ലേ​ക്ക്​ സു​ഗ​മ​മാ​യ യാ​ത്ര​ക്ക്​ സൗ​ക​ര്യ​മൊ​രു​ക്കാ​നും സം​വി​ധാ​ന​ത്തി​ന്​ ക​ഴി​യും -അ​ദ്ദേ​ഹം കൂ​ട്ടി​ച്ചേ​ർ​ത്തു.

ഷാ​ർ​ജ-​ദു​ബൈ ഗ​താ​ഗ​തം സു​ഗ​മ​മാ​ക്കു​ന്ന​തി​ന് 2023ൽ ​എ​സ്.​ആ​ർ.​ടി.​എ ഇ​ത്തി​ഹാ​ദ് റോ​ഡി​ലും അ​ൽ താ​വൂ​ൻ ഏ​രി​യ​യി​ലും ര​ണ്ട് പ​ദ്ധ​തി​ക​ൾ ന​ട​പ്പാ​ക്കി​യി​രു​ന്നു.

എ​മി​റേ​റ്റി​ലു​ട​നീ​ളം ഇ​ല​ക്ട്രി​ക് വെ​ഹി​ക്കി​ൾ (ഇ.​വി) ചാ​ർ​ജി​ങ്​ സൗ​ക​ര്യം വ​ർ​ധി​പ്പി​ക്കു​ന്ന​തി​ന് ‘ബീ​അ’​മാ​യി ചേ​ർ​ന്ന് പ്ര​വ​ർ​ത്തി​ക്കു​ന്നു​ണ്ടെ​ന്ന് അ​തോ​റി​റ്റി ക​ഴി​ഞ്ഞ​യാ​ഴ്ച വെ​ളി​പ്പെ​ടു​ത്തി​യി​രു​ന്നു.

കൂ​ടു​ത​ൽ ജ​ന​ങ്ങ​ൾ ഒ​രു​മി​ച്ചു​കൂ​ടു​ന്ന സ്ഥ​ല​ങ്ങ​ളി​ൽ കാ​ൽ​ന​ട​ക്കാ​ർ​ക്ക്​ ഫൂ​ട്ഓ​വ​ർ ബ്രി​ഡ്ജു​ക​ൾ നി​ർ​മി​ക്കു​ന്ന​തി​നും പ​ദ്ധ​തി രൂ​പ​പ്പെ​ടു​ത്തി​യി​ട്ടു​ണ്ട്.